Morgunblaðið - 26.02.2011, Blaðsíða 46

46 MENNING
MORGUNBLAÐIÐ LAUGARDAGUR 26. FEBRÚAR 2011
María Ólafsdóttir
maria@mbl.is
Það berst í tal hvenær hljómsveit-
armeðlimir Retro Stefson verða stór-
ir. Þetta umræðuefni á nokkuð vel við
þar sem við sitjum í Fjallkonubakaríi;
fjölskylduvænu kaffihúsi á Laugaveg-
inum sem oftast er fullt af börnum.
Ekki þó þennan morguninn, enda
hálfósanngjarnt að kalla þá Loga
Pedró Stefánsson og Harald Ara Stef-
ánsson börn þótt ungir séu að árum.
Framundan hjá hljómsveitinni er líka
enginn barnaleikur heldur samningur
við Universal í Þýskalandi, tónleika-
ferð og flutningur til Berlínar.
Kynning á íslenskri tónlist
Retro Stefson hefur gert útgáfu-
samning við Vertigo, eitt undirfyr-
irtækja Universal. Samningurinn
hljóðar til að byrja með upp á útgáfu
plötunnar Kimbabwe í Þýskalandi,
Sviss, Austurríki og Austur-Evrópu
nú í maí. Retro Stefson hefur einnig
gert publishing-samning við Sony
ATV á heimsvísu. Þessu tengt heldur
Retro Stefson í sitt fyrsta langa tón-
leikaferðalag í næsta mánuði. Þá leik-
ur sveitin á einum tíu stöðum í Þýska-
landi en eftir það tekur við tónleika-
ferðalag til fleiri landa, meðal annars
Hollands og Frakklands. Forsvars-
maður Vertigo heyrði fyrst í Retro
Stefson á Airwaves-tónleikahátíðinni
fyrir nokkrum árum og hefur fylgst
með henni síðan. Eftir útgáfu Kim-
babwe í haust og frammistöðuna á
Airwaves í kjölfarið fóru hjólin að snú-
ast. „Það er ágætis kynning úti á því
sem er að gerast í íslensku tónlistar-
lífi. Þetta er oftast vel kynnt í gegnum
IMX (Iceland Music Export) og ég
held að það eigi sinn þátt því þá er
auðveldara að fylgjast með bönd-
unum,“ segir Haraldur.
Tækifæri á meiri kynningu
Í apríl verða enn kaflaskipti í lífi
hljómsveitarmeðlima en þá mun
hljómsveitin flytja eins og hún leggur
sig til Berlínar.
„Það er miklu auðveldara og hag-
kvæmara að gera út frá meginland-
inu. Þetta er í rauninni mjög lógísk
ákvörðun enda dýrt að ferðast með
sjö manna hljómsveit til og frá Ís-
landi,“ segir Haraldur en þeir Logi
segja Berlín sína uppáhaldsborg.
Borgin sé ódýr og í henni góður andi.
Þá virðist sveitin eiga nokkuð marga
þýska aðdáendur, ef marka má aðdá-
endasíðu hennar á Facebook.
Þetta hlýtur að teljast góður árang-
ur fyrir jafnunga sveit og Retro
Stefson?
„Við erum mjög sátt og tökum
þessu með jafnaðargeði,“ segir Har-
aldur. „Þetta er ágætlega stór samn-
ingur en það er undir okkur komið að
spila rétt úr spilunum í kjölfarið.
Þetta er aðallega tækifæri á meiri
kynningu, alls engin trygging á
heimsfrægð,“ segir Logi.
„Nei, nú erum við búnir að byggja
upp áheyrendahóp hér í nokkur ár en
úti þurfum við að byrja frá grunni,
sem er spennandi,“ samsinnir Har-
aldur.
„Við höfum mjög góða bakhjarla
líka og erum þakklát fyrir það. Það er
svo mikið í gangi núna, ég yrði mjög
þakklátur fyrir að fá alltaf fullt af
fólki á tónleika hvert sem við færum,“
segir Logi.
Á útgáfunni erlendis verða til við-
bótar þrjú lög úr eldra safni hljóm-
sveitinnar sem Logi segir þeim mjög
kær. Þau hafa ýmist verið endur-
blönduð eða endurupptekin. Þá hefur
hljómsveitin nú nýlokið upptökum á
sínu fyrsta tónlistarmyndbandi við
lagið Kimba. Sveitin fékk fimleika-
stúlkurnar úr Gerplu í lið með sér en
segja að þær hafi þó að mestu séð um
stökkin.
 Tónleikaferð um Þýskaland og
búferlaflutningar framundan
Litskrúðug Hljómsveitin í myndatöku fyrir plötuumslag í fyrra, allir vel gallaðir upp líkt og í fjölleikahúsi.
Eftirvænting Tónleikaferð og flutningar til Berlínar leggjast vel í þá Loga
Pedró og Harald Ara Stefánssyni úr hljómsveitinni Retro Stefson.
Morgunblaðið/Sigurgeir S
Retro Stefson
semur við
Universal
Inga Rún Sigurðardóttir
ingarun@mbl.is
Alþjóðlega kvikmyndahátíðin Northern Wave
verður haldin í fjórða sinn í Grundarfirði þann
4. til 6. mars næstkomandi. Rúmlega 150 stutt-
myndir bárust hátíðinni í ár en 54 voru valdar
til sýningar. Í fyrsta skipti í sögu hátíðarinnar
verða veitt sérstök verðlaun fyrir bestu ís-
lensku stuttmyndina en aldrei hafa fleiri ís-
lenskar myndir keppt til verðlauna, alls 14
myndir.
Valdar myndir úr safni Matthew Barney
verða sýndar á hátíðinni í Sögumiðstöð Grund-
arfjarðar.
„Það er rosalega mikið af flottum íslenskum
myndum á hátíðinni í ár. Við höfum hingað til
verið með tveggja tíma prógramm fyrir ís-
lensku myndinar en núna verður það fjórir
tímar,“ segir Dögg Mósesdóttir fram-
kvæmdastjóri hátíðarinnar.
Myndirnar á hátíðinni eru frá um 20 lönd-
um. Dögg segir að þetta árið virðist kvik-
myndagerðarfólkinu vera innflytjendamál
hugleikin og sömuleiðis umhverfismál og
kreppan. „Þetta er spegill af því sem er að ger-
ast í samtímanum, speglað úr mismunandi
sjónarhornum frá ólíkum löndum.“
Aðstandendur hátíðarinnar eiga von á að að-
sóknarmet verði slegið í ár en lítið er orðið eft-
ir af gistirými í bænum.
Fiskisúpukeppni og fjör
Hátíðin býður gestum sínum upp á tónleika
með Prins Póló og þremur nýjum hljóm-
sveitum PLX, Hollow Veins og No Class. Auk
þess verður boðið upp á dansleik með stór-
sveitinni Orphic Oxtra þar sem eflaust verður
stiginn hópdans af balkönskum sið.
„Meiningin er að færa grasrótina í því sem
er að gerast í Reykjavík til Grundarfjarðar,“
útskýrir Dögg og segir að Grundfirðingar séu
Samfélagsspegill í stuttmyndum
 Alþjóðleg kvikmyndahátíð haldin í Grundarfirði í fjórða sinn  Besta íslenska stuttmyndin
verðlaunuð  Aðstandendur hátíðarinnar eiga von á því að aðsóknarmet verði slegið í ár
Reuters
Grundarfjörður „Meiningin er að færa grasrótina í því sem er að gerast í
Reykjavík til Grundarfjarðar,“ segir Dögg Mósesdóttir um hátíðina.
Leikstjórinn Romain Gavras verður við-
staddur hátíðina og sýnir brot úr nýjustu
mynd sinni Notre Jour Viendra sem skart-
ar Vincent Cassel í aðalhlutverki en Cassel
er í stóru hlutverki í ballettdramanu Black
Swan. Romain er sonur gríska Óskars-
verðlaunaleikstjórans Costa Gavras og
hafa tónlistarmyndbönd hans hlotið verð-
skuldaða athygli en myndband hans við
lag M.I.A., „Born free“, vakti töluvert um-
tal og er bannað í Bandaríkjunum.
15 íslensk tónlistarmyndbönd eru til-
nefnd til verðlauna. Fulltrúar Gogoyoko
sáu um tilnefningarnar og taka þátt í verð-
laununum í ár með 100 evra inneign á
gogoyoko.com.
Gavras velur besta myndbandið.
„Hann hefur sjálfur gert nokkur mjög
flott, þannig að hann ætti að hafa vit á
þessu. Margt af því er pólitískt, í ætt við
það sem pabbi hans hefur verið að gera,
enda ólst hann upp á setti með honum í
Frakklandi,“ segir Dögg, sem segir mikla
grósku hafa verið í íslenskri tónlistar-
myndbandagerð síðastliðið ár og mörg
góð myndbönd hafi ekki komist á listann.
Þess má geta að Gavras hefur enn-
fremur gert heimildarmynd um tónleika-
ferðalag franska raftónlistartvíeykisins
Justice og myndband fyrir sömu sveit.
Gestum hátíðarinnar gefst færi á að sjá,
auk brots úr nýju mynd Gavras, úrval
myndbanda hans og þeir fá tækifæri til að
spyrja hann spjörunum úr.
Myndbandakeppni
ROMAIN GAVRAS HEIÐURSGESTUR
farnir að taka sífellt meiri þátt.
„Við höldum fiskisúpukeppni.
Hrefna Rósa Sætran dæmir í
henni. Það verður líka handverks-
markaður og það geta allir sótt um
að fá að taka þátt í honum.“
Kaffihúsastemningin ræður líka
ríkjum á hátíðinni en bíóið er þann-
ig að bæði er hægt að sitja inni í sal
til að fylgjast með dagskránni og á
kaffihúsinu.
„Við fáum mikið af fastagestum og
svo er að fjölga í hópi fagfólks, sem er
mjög skemmtilegt, þannig að hér er
reynslumeira fólk í bransanum í bland
við nýgræðinga.“
Nánari upplýsingar er að finna á
northernwavefestival.com.
Stjarna Vincent Cassel fer með aðalhlutverk-
ið í mynd Gavras, Notre Jour Viendra.