Líf og list - 01.05.1952, Síða 5

Á FERTUGSAFMÆLI LEIFS HARALDSSONAR
6. júnf 1952
pTJÖRUTÍU ÁR eru ekki hár aldur, ef litið er á Leif
Haraldsson. Ég býst við, að innst inni sé hann ná-
kvæmlega eins sprækur og hugsjónaríkur og þegar hann
var að blása eldi að Ungmennafélagi Eyrbekkinga fyrir
tuttugu og sjö árum. En nú er Leifur enginn Ungmenna-
félagi lengur — sem betur fer! Hann er virðulegur intelli-
genti, sem þýðir Stríð og frið eftir Tolstoj, skrifar um
ljóðagerð í Líf og list, og allt gerir hann þetta af þeirri
alúð hjartans, sem ómögulegt er annað en að virða og
meta við manninn. Líf og list getur því alls ekki látið
hjá líða að minnast Leifs á þessum tímaskiptum ævi
hans; hann er hreinskilinn einkavinur tímaritsins, einn af
samgrónustu kontribútorum þess, og þá er aftur komið að
vandvirkninni, virðingu hans fyrir því, sem hann lætur
sjá eftir sig á þrykki. Mér er ofurkunn sú einstaka, mér
liggur við að segja ómannlega vinna, sem hann leggur í
skrif sín um ljóðskáldin: Þar má ekkert vera of eða van,
allt er hófsamlegt og rólega vegið frá öllum hliðum. Leif-
ur sýnir manndóm sinn bezt með því, hve hlutdrægnilaust hann leitast við að dæma
höfundinn og verkin. Þó vil ég ekki þvertaka fyrir það, að í dagfari sínu — hvort
heldur sem er yfir teinu á Ingólfscafé eða yfir kaffinu á Hressingarskálanum —
geti þessi heiðarleikur Leifs í dómum um menn og málefni sett ofan. Fyrir kemur
þá, að Leiíur gerist nokkuð erfiður og luntalegur og ónærgætinn, en sökina fyrir því
er oftast að finna hjá Tolstoj og Stríði og frið: Þýðingin uppi á Landsbókasafni hefur
ekki gengið sem skaplegast, og stundum eru bæði Leifur og Tolstoj illa fyrirkallaðir
og í ósátt hvor við annan. En nú fer að hilla undir endahnútinn á þýðingu hans á
risaverkinu, og þá má búast við því, að Leifur verði léttari á bárunni, jafnléttur og
liðgengur og hann getur verið, þegar honum tekst bezt upp í því, sem hann skrifar.
Líf og list óskar Leifi langlífis og konu.
6. júní 1952. STEINGRÍMUR.
-------------------------------------------------------------------
Venjið komur ykkar á skálann —
Njótið sólarinnar og drekkið síðdegiskaffið í garðinum.
HRESSINGARSKÁLINN við Austurstræti.
L. Har.
LÍF og LIST
5