Teningur - 01.01.1987, Blaðsíða 14
kynntumst. Ég haföi séð honum bregða
fyrir hér og þar alveg frá því ég man fyrst
eftir mér. En ég veitti honum aldrei
neina athygli fyrr en íöðrum bekk, en þá
var hann orðinn töluvert umtalaður í
skólanum. Pað er kannski dálítið útí
hött en ég man óljóst eftir einhverju
kjaftæði um hann frá því í áttunda bekk:
Við stóðum nokkrir strákar og stelpur
við innganginn í skólann og reyktum og
ein stelpan sagði „...hann bara stóð
þarna uppá skrifborðinu hennar Dóru
og ..." Ég man ekki meira úr þessari
setningu, en ég man brot úr annari:
„mætti ekki í fjóra daga og Baldur um-
sjónarkennari fór heim til hans og...“.
Svo man ég brot úr einni í viðbót, en hún
er líklega eldri, sennilega frá því í sjö-
unda bekk: ,,... og pabbi hans alveg
blindfullur og sparkaði í...“ Þetta er allt
sem ég man orðrétt að hafa heyrt um
Sigurð áður en ég kynntist honum.
En nú var Sigurður í mínum bekk og
hann var númer 19 í kladdanum. En Sig-
urður var ekki bara númer í kladdanum.
Og kannski einmitt þess vegna átti Sig-
urður ekki öruggt sæti í klöddum næstu
ára að sumra áliti.
1. Um Sigurð gengu allskyns sögu-
sagnir.
2. a) Sigurður hafði fengið ágætis
einkunn uppúr áttunda bekk...
b) .. .en það var ekki öll sagan.
c) Sigurður var svo óheppinn að eiga
sér sögu - eða er kannski réttara að
segja, Sigurður var svo óheppinn að vera
hálfsögð saga- eða, getur verið, að rétt-
ast sé að segja, Sigurður var svo óhepp-
inn að vera efni í sögu?
3. Eitt sinn sagði bekkjabróðir:
„Hvað er hann eiginlega að gera í A -
bekknum, ha?“
4. a) Sigurður er söngvari skólahljóm-
sveitarinnar.
b) Sigurður er oftast kallaður Siggi
söngvari.
5. -9. Þeir sem skipuðu skólahljóm-
sveitina voru ekki vanir að koma úr A -
bekknum. En þeir sem voru í A - bekk-
num voru líka vanir að koma annars-
staðar frá en Sigurður.
Hvernig á ég svo að lýsa Sigga, aðal-
persónu sögunar sem veruleikinn er fyrir
löngu búinn að skrifa svo fullkomlega að
ég stend hér næstum orðlaus í upphafs-
kaflanum?
Auðvitað get ég gefið upp hæð hans
og háralit og þyngd. Og auðvitað get ég
lýst fötum hans alveg oní saumana, gefið
upp bómullarblönduna í svörtum
bolnum hans eða tegund og verð íþrótta-
skónna sem hann hefur á fótunum. Og
ég get líka sagt að fötin opni honum ekki
margar dyr einsog algengt er að föt geri
þegar maður er í 9 bekk. Og ég get hald-
ið áfram og farið útí hvað hár hans nær
marga sentimetra niður fyrir eyru og
hvort það sé slétt eða alsett liðum og
hvernig eða hvort hann greiðir það.
En ég ætla ekki að fara útí neitt af
þessu núna. Nei, ég ætla að hafa þetta
allt á hreinu í upphafi og eins einfalt og
hægt er og þess vegna segi ég bara til að
byrja með:
Hann er strákur í 9. bekk og með
dökkbrúna leðurreim um úlnliðinn.
P.S. Þessi Gunnar sem ég sagði ykkur
frá áðan. Þið munið? Strákurinn sem er
svo yfir sig hrifinn af Signý. Þessi strák-
ur, þessi Gunnar, það er eiginlega ég.
Fyrirspurn
Þeir Eggert og Kristinn skrifuðu fjör-
lega og nokkuð upplýsandi um mynd-
listasýningar í síðasta hefti Tenings, en
greinin um sýningu Jóns Axels virðist
hafa verið unnin í flaustri eða af ein-
hverju undarlegu kæruleysi. Þeim er
skrifar láðist að styðja skoðanir sínar
rökum, sem hann þó hlýtur að hafa haft
við hendi sér og eru blátt áfram nauðsyn-
leg til að hægt sé að taka mark á grein-
inni. Þar vantaði sem sé nöfn „sumra
þýskra myndlistarmanna af yngri kyn-
slóðinni“ sem eiga að varna Jóni Axel að
finna „sinn eigin reit“. Svona vinnu-
brögð eru nú ekki til fyrirmyndar og
vonandi fáum við lesendur úr bætt.
Hverjir eru þeir þýsku og hvar má sjá
verk eftir þá hér á Skeri, í tímaritum og
bókum eða öðrum heimildum til við-
miðunar og samanburðar við verk Jóns
Axels?
Björg Örvar
Svar vid athugasemd Bjargar
Þar sem ég undirritaður skrifaði um
sýningu Jóns Axels í síðasta tölublaði
Tenings ber mér að svara athugasemd
Bjargar Örvar. Það var alls ekki mín
meining að þýsku áhrifin vörnuðu Jóni
Axel að finna sínn reit. Listamenn koma
sjaldan eða aldrei fullmótaðir fram á
12