Vera - 01.08.2004, Page 14

Orð og efndir í
jafnréttismálum
» Það vantar ekki að til séu fögur orð og fyrirheit um jafnréttismál hér á landi og má sjá brot
af þeim hér á opnunni. Einnig má benda á að í vor lagði ríkisstjórnin fram þingsályktunartil-
lögu um áætlun í jafnréttismálum til fjögurra ára. Þar kemur fram vilji á ýmsum sviðum til að
vinna að meira jafnrétti og eru lesendur hvattir til að kynna sér hana á vef Alþingis. Verkefnin
eru flokkuð eftir ráðuneytum sem flest hafa sett sér háleit markmið í jafnréttismálum.
En það er ekki nóg að gera áætlanir og setja fögur orð á blað ef þau gleymast þegar kemur
að því að taka ákvarðanir sem máli skipta. Undanfarið hefur óvenju mikið borið á því að ráðn-
ingar í æðri stöður hafa reynt á jafnréttisviljann í verki og í Ijós hefur komið að efndirnar eru
ekki í samræmi við loforðin. Sú spurning brennur því á mörgum jafnréttissinna hvort jafnrétt-
ismarkmiðin gildi ekki ef karlar þurfa að fórna einhverju til að þeim sé náð. Ef þeir þurfa að
víkja fyrir konu gilda fögru orðin ekki lengur. Um þetta fjallar þema blaðsins.
14/4. tbl. / 2003 / vera