Vera - 01.08.2004, Page 49

LYSTARSTOL OG LOTUGRÆÐGI
Guðrún Ögmundsdóttir (Sf) leitaði svara við áleitnum spurningum varðandi átröskunarsjúkdóma og í svari heilbrigðisráðherra
koma fram sláandi upplýsingar. ( skýrslu sem átröskunarteymi geðdeildar LSH skilaði til heilbrigðisráðherra kemur fram að ekki
er vitað um heildarfjölda þeirra sem veikst hafa afvöldum átröskunar á íslandi á liðnum árum. En í skýrslunni segirennfremur að
ef litið er til Vestur-Evrópu og Bandaríkjanna sé áætlað að um 20 ný tilfelli átröskunarsjúkdóma greinist ár hvert á hverja 100 þús-
und íbúa. Ef við gerum ráð fyrir að tíðnin sé svipuð á fslandi getum við reiknað með að um 60 ný tilfelli átröskunnarsjúkdóma
greinist á fslandi ár hvert.
GAGNSÆI FJÖLMIÐLA
Þar sem umræðan um fjölmiðlafrumvarpið drukknaði í sjálfri sér er ekki úr vegi að skoða aðeins hvaða tillögur aðrar en frumvarpið sjálft
voru á sveimi í þinginu á þessum tíma. Bryndís Hlöðversdóttir (Sf) er fyrsti flutningsmaður þingsályktunartillögu um gagnsæi og rit-
stjórnarlegt frelsi í íslenskum fjölmiðlum. Megin inntak tillögunnar er að Alþingi skipi þverpólitíska og þverfaglega nefnd sem rýni í að-
gerðir til stuðnings gagnsæi á íslenska fjölmiðlamarkaðnum. Þau atriði sem flutningsmenn leggja til að nefndin skoði eru m.a.
• Hvernig má tryggja almenningi upplýsingar um eignarhald og rekstur fjölmiðla.
• Hvernig er hægt að tryggja sjálfstæði ritstjórna gagnvart eigendum fjölmiðla.
• Hvernig getur þetta farið saman með lögmætum hagsmunum eigenda eins og viðskiptafrelsi, persónuvernd og vernd heimildar
manna.
• Hvernig er valdheimildum eftirlitsstofnana best hagað í þessu samhengi.
í niðurlagi greinargerðar með tillögunni segja flutningsnienn m.a. að ekki þurfi að ráðast í stórfellda endurskoðun á löggjöf um fjölmiðla
hér á landi til að tryggja gagnsæi þeirra í samræmi við tilmæli Evrópuráðsins. Almennar reglur samkeppnislaga ættu að ná yfir athafnir
markaðsráðandi fjölmiðlafyrirtækja sem annarra fyrirtækja. Gagnsæi í fjölmiðlun má ekki verða til að hefta þróun fjölmiðla hér á landi.
Meginmarkmiðið er að tryggja að nauðsynlegar grunnupplýsingar um fjölmiðlana liggi fyrir og séu aðgengilegar almenningi - svo ein-
fallt er það.
MEÐFERÐARÚRRÆÐI FYRIR FANGA
Margrét Frímannsdóttir (Sf) spurðist fyrir um það hjá dómsmálaráðherra hvort hann muni beita sér fyrir því að opnuð verði
meðferðardeild vegna áfengis- og vímuefnaneyslu við fangelsi landsins. f svari ráðherra kemur fram að ákvörðun um slíkt bygg-
ist á samvinnu yfirvalda fangelsismála og heilbrigðismála. Af hálfu þeirra sem reka fangelsi hafa verið skoðaðir kostir þess að slík
deild yrði á Litla-Hrauni. Hefur verið hugað að nauðsynlegum framkvæmdum vegna þess en fjármunum hefur ekki enn verið for-
gangsraðað til verkefnisins. Yfirvöld fangelsismála munu halda áfram athugunum sínum á möguleikum slíkrar deildar í samstarfi
við þá sem sinna heilbrigðismálum fanga. Ráðherra sagði einnig að fangar í fangelsinu á Litla-Hrauni ættu kost á vímuefnameð-
ferð á öllum stigum afplánunar. Að öllu jöfnu má segja að þeir fangar sem vilja aðstoð við að hætta vímuefnaneyslu eigi kost á
meðferð meðan á afplánun stendur.
BREYTINGAR Á NEYÐARMÓTTÖKU FÓRNARLAMBA NAUÐGANA
Kolbrún Halldórsdóttir (Vg) spurði heilbrigðisráðherra út í starfsemi neyðarmóttöku fyrir fórnarlömb nauðgana á Landspítala Há-
skólasjúkrahúsi. Fyrirspurn Kolbrúnar beindist að fyrirhuguðum niðurskurði og á hvern hátt hann bitnaði á neyðarmóttökunni, starfs-
fólki hennar og markmiðum almennt. Einnig vildi Kolbrún vita við hverja hefði verið haft samráð og hvernig ráðherra ætlaði að bregð-
ast við ákalli kvennahreyfinga um að horfið verði frá fyrirhuguðum niðurskurði.
Ráðherra fullyrti í svari sínu að þjónusta við fórnarlömb nauðgana myndi á engan hátt skerðast þátt fyrir að 20% staða yfirlæknis yrði
lögð niður. Verkefni yfirlæknis hefðu ekki falist beinlínis í því að sinna móttöku fórnarlamba! f svari ráðherra kom fram að starfsemi
neyðarmóttökunnar yrði áfram á slysa- og bráðavakt í Fossvogi og haft hefði verið samráð við starfsfólk slysa- og bráðavaktar ásamt
starfsfólki neyðarmóttöku um breytingarnar. Helsta breyting önnur er sú að félagsráðgjafi verður ráðinn í hálft starf í stað þess að vera á
bakvöktum og sama á við um hjúkrunarfræðinga. Ákalli kvennahreyfinga um að fallið verði frá niðurskurðinum svarar ráðherra á þann
hátt að hvorki sé réttmætt né ástæða til að hlutast til um þessar breytingar. Fari hins vegar svo að breytingarnar leiði til þess að þjónust-
an versni er kornin ástæða til að taka málið til skoðunar.
ÓFEÐRUÐ BÖRN
Rannveig Guðmundsdóttir (Sf) beindi fyrirspurn til ráðherra Hagstofu fslands um hversu mörg börn yngri en 18 ára væru ófeðruð og
hvort þeim hefði fjölgað síðustu tvo áratugi. Ráðherra sagði engar tölvuskráðar upplýsingar til um fjölda ófeðraðra barna á þessu tímabili.
(tengslum við sifjalaganefnd og undirbúning núgildandi barnalaga kannaði Hagstofan málið fyrir árin 1996,1997 og 1998. Könnunin leiddi
í Ijós að á þessu þriggja ára tímabili var 41 barn ófeðrað, eða enginn lýstur faðir við fæðingu, en um áramótin 1999 og 2000 voru 20 börn
ófeðruð. Einnig kom fram í svari ráðherra að engar vísbendingar eru um meiri háttar breytingar í þessum efnum undanfarin ár. Verður því
ekki annað séð en að þessi athugun gefi haldgóða vísbendingu um fjölda ófeðraðra barna á Islandi síðustu áratugi.
vera / 4. tbl. / 2003 / 49