Ljósmæðrablaðið - 15.11.2000, Blaðsíða 16

ferðir við eðlilega fæðingu og hefur verið kallað
„State of the art“ og er byggt á rannsóknarniður-
stöðum. Verkefnið var kynnt á ráðstefnunni og er
um margt athyglisvert en mun áreiðanlega valda
talsverðum deilum. Verkefninu er ætlað að vera
leiðbeinandi við gerð verklagsreglna á hinum
ýmsu fæðingardeildum. Einnig hér var rætt um
ljósmæðramenntun og í Svíþjóð hafa skólarnir
verið mikið skoðaðir með þeim afleiðingum að
tveir skólar misstu leyfi til að mennta ljósmæður
þar sem þeir þóttu ekki uppfylla akademiskar
kröfur og einn er undir eftirliti. Allir Ijósmæðra-
kennarar á sjúkrahúsum eru magisterar, starfandi
á sjúkrahúsinu og ráðnir bæði af því og viðkom-
andi háskóla.
Fyrir dyrum stendur að hefja masters nám fyrir
ljósmæður við Karolinska institutet í Stockhólmi
fljótlega og við háskólann í Lundi síðar. Búið er
að ráða prófessor við Karolinska og það verður
gert fljótlega við Lund. Umræða er um að ljós-
mæður frá öllum Norðurlöndunum muni geta sótt
um inngöngu i mastersnám við báða þessa há-
skóla.
Ennfremur kom fram að væntanleg er mjög
áhugaverð grein um rannsóknir á sitjandafæðing-
um og hvatti Anna allar ljósmæður til að lesa
hana um leið og hún birtist, en hún á að birtast í
Lancet í okt. nk..
Talsverðar umræður hafa verið í Svíþjóð um sitj-
andafæðingar sem og um upplýst val kvenna en
sú umræða tengist því að hópur kvenna hefur
stofnað samtök til að berjast fyrir því að fá að
velja keisaraskurð!
• Áheyrnarfulltrúi ljósmæðra innan Norskra hjúkr-
unarfélagasins sagði frá baráttu hennar hóps fyrir
því að ljósmæður fengju rétt til að vísa konum til
sérfræðings.
Samþykkt var á fundinum að nota skandinavisku
sem aðalmál fundanna enda í anda norrænnar sam-
vinnu.
Rætt var um Munchen ráðstefnuna og eru henni
gerð skil annarsstaðar í blaðinu.
Flestir voru á því að ráðstefnan hefði verið góð
og gagnleg.
Þá var komið að því að greiða atkvæði um og
ræða umsókn ljósmæðra innan norska hjúkrunarfé-
lagsins að samtökunum og vék fulltrúi þeirra af
fundinum.
Það var einróma ákveðið að veita þeim ekki aðild
að samtökunum og urðu miklar og snarpar umræður
um málið. Ennfremur var ákveðið að stofna nefnd
sem í situr einn fulltrúi frá hverju landi, Noregi, Sví-
þjóð, Islandi og Danmörku sem hefur það hlutverk
að endurskoða lög samtakanna og markmið. Ákveð-
inn var fundur í Kaupmannahöfn í september. Þang-
að til munu nefndarkonur vera í tölvusambandi og
reifa málin.
Talsverðar umræður urðu um peningagjafir og
styrki frá t.d. lyfjafyrirtækjum og virðist sem löndin
standi misvel að vígi hvað varðar
slíkt. Sænska ljósmæðrafélagið fær
stóra fjárhagslega styrki og náms-
styrki sem þær geta ráðstafað fyrir
sína félagsmenn, frá lyfjafyrirtækj-
um árlega. Hin félögin eru ekki svo
heppin! Einnig var rætt um siða-
reglur varðandi þátttöku ljósmæðra
í auglýsingum t.d. í fjölmiðlum
sem og á netinu og skrifum á net-
inu.
Ákveðið er að næsta Ráðstefna
Norðurlandasamtaka ljósmæðra
verður haldin í Reykjavík í maí
2004.
Allar frekari upplýsingar um fund-
inn og efni hans er að fá hjá Ljós-
mæðrafélagi Islands.
Reykjavík sept 2000
Hildur Krístjánsdóttir.
Standandi frá vinstri: Anna (form. sd. ljósm.fél.), Málfrid (form. norsku ljósm.-
deildarinnar hj.fél.), Merete (form. danska ljóm.fél.)
Sitjandi frá vinstri: Ásta (finsk varaform. og nýr formaður NJF), Merja (form.
finnska ljósm.fél.), Anne Christi (frá danska ljósm.fél.) Ástþóra (form. LMFÍ),
Sunna (frá Færeyjum), Ruth (form. færeyska ljósm.fél.), Anne Marut (form. norska
ljóm.fél.), Berit Hortern (fráfarandi NJF form.)
16
LJÓSMÆPRA&LAPIÐ