Ljósmæðrablaðið - 15.11.2000, Blaðsíða 26
nokkrar fullbúnar töskur til leigu fyrir þær ljósmæð-
ur sem þess óska.
Félag áhugafólks um heimafæðingar
Félag áhugafólks um heimafæðingar var stofnað í
nóvember 1998. Meginmarkmið félagsins er að
kynna verðandi foreldrum kosti fæðinga í heimahús-
um og veita þeim stuðning. Félagið hefur gefið út
bækling sem allar ljósmæður geta nálgast hjá félag-
inu og á að liggja frammi þar sem mæðravernd fer
fram. Heimasíða félagsins er www.simnet.is/heim-
afaedingarfelag/. Á heimasíðunni eru m.a. greinar á
íslensku, vísað er í erlendar heimasíður um fæðingar
í heimahúsum ásamt lista yfir ljósmæður sem gefa
kost á sér í heimafæðingar. Ef einhverjar ljósmæður
hafa áhuga á að taka á móti í heimahúsum geta þær
látið skrá sig á lista hjá Félagi áhugafólks um heima-
fæðingar með því að senda tölvupóst á eyruni@is-
holf.is
Fyrirhugað er að félagið safni fyrir fæðingapotti
sem ætlaður er til útleigu fyrir konur sem fæða
heima, þetta gerir fleiri konum kleift að nota vatn í
fæðingu. Félagið heldur reglulega fræðslufundi og
stefnt er á að hafa 3-4 slíka fundi á ári. Ef einhver
ljósmóðir óskar eftir að halda erindi á fundum eða
gerast félagi er hægt að senda póst á ofangreint
tölvupóstfang.
Ljósmæðraskírteini
Gott væri að hafa ljósmæðraskírteini sem hægt væri
að framvísa við lyfjakaup og veitti ljósmæðrum rétt
til að kaupa ákveðin lyf án lyfseðils, auk afsláttar á
helstu hjúkrunarvörum s.s. grisjum, hönskum, saum-
um, undirbreiðslum o.f.l. Einnig væri gott ef Lyfja-
verslun ríkisins seldi ljósmæðrum hluti í stykkjatali í
stað stórra pakkninga.
Nafnspjöld og stimplar
Ljósmæður ættu að hafa í huga að þegar þær stunda
sjálfstæðan rekstur er gott að kynna sig með nafn-
spjöldum og einnig er gott að láta búa til stimpil til
að merkja pappfra og annað sem frá þeim fer.
Aðstoðarljósmóðir
I samningi Tryggingastofnunar ríkisins við ljósmæð-
ur er því miður ekki gert ráð fyrir greiðslu til ljós-
móður sem aðstoðar aðra ljósmóður í heimafæðingu.
Hér þarf að verða breyting á, þar sem aðstoðarljós-
móðir gegnir mikilvægu hlutverki í heimafæðingu.
Þjónusta eftir fæðingu við þær konur
sem fæða heima
Mikilvægt er að konur sem fæða heima hafi sama
aðgang að sérfræði- og bráðaþjónustu á fæðingar-
stofnun og þær konur sem þar fæða, t.d. brjóstaráð-
gjöf og aðstoð við brjóstavandamál fyrstu mánuðina,
barnalæknisþjónustu og þjónustu kvensjúkdóma-
lækna.
Sjálfstætt starfandi ljósmæður
Kannski er kominn tími til að ljósmæður sem starfa
sjálfstætt við heimafæðingar og heimaþjónustu
stofni ljósmæðrastofu og auglýsi sig þar að lútandi
sjálfstætt starfandi, rétt eins og læknar og fleiri heil-
brigðisstéttir gera. Verði þetta gert er eðlilegt að ljós-
mæður geymi skjöl sinna skjólstæðinga á stofunni.
Ljósmæðramiðstöð
Gaman væri ef ljósmæður hefðu miðstöð þar sem
Ljósmæðrafélagið og Félag áhugafólks um heima-
fæðingar væri með aðsetur. Þar væri einnig bókasafn
fyrir foreldra og ljósmæður, ásamt útleigu á ýmsum
hlutum sem snerta starfsemi ljósmæðra. í þessari
miðstöð gæti einnig verið ýmis félagsleg þjónusta
eftir að heimaþjónustu eða útskrift af sjúkrahúsi lýk-
ur s.s. félagsráðgjöf, sjúkraþjálfun, opið hús og and-
legur stuðningur.
Fjöreggið, ljósmæðrastofa
Undanfarin ár hefur hópur ljósmæðra unnið að und-
irbúningi að stofnun ljósmæðrastofu, sem hefur hlot-
ið nafnið Fjöreggið. í Fjöregginu munu ljósmæður
starfa sjálfstætt, þær koma til með að annast með-
gönguvernd, foreldrafræðslu, fæðingar bæði á stof-
unni og í heimahúsi, sængurlegu ásamt ýmsu öðru.
Þetta verður kærkomin viðbót við þá þjónustu sem
ljósmæður veita konum og gerir þjónustu ljósmæðra
fjölbreyttari. Vonandi sjáum við Fjöreggið dafna og
rísa í náinni framtíð.
Heimilclir
Chamberlain, G., Wraight, A. og Crowley, P. (1997)
Home births: The report of the 1994 confidential
enquiry by the National Birthday Trust Fund,
London: The Parthenon Publishins Group.
Informed choice, for professionals. (1997) Place of
birth (bæklingur), Midirs.
26
LJÓSMÆÐRABLAÐIÐ