Dagblaðið Vísir - DV - 07.02.2004, Blaðsíða 32

32 LAGUARDAGUR 7. FEBRÚAR 2004
Fókus DV
Fíkníefnasalarnir vísuðu hvor á annan þegar þeir voru spurðir um morðið á héraðslækninum Danny
Dyke. Var læknirinn kyrktur með rafmagnssnúru eða barinn til dauða með hamri? Lögreglunni í Swan-
sea var mikill vandi á höndum.
Aukabúgrein Iseknisins
kostaði hann lífið
Héraðslæknirinn Danny Dyke hefði getað átt glæstan feril sem læknir. Það veit ekki á gott þegar héraðslæknir hefur amfetamínsölu sem
aukabúgrein.
Foreldrar hafa oft þann hátt á að
geyma hluti sem börn þeirra hafa
átt; svo sem fyrsta skóinn eða fyrstu
teikningarnar. Móðir Danny Dyke
var engin undantekning. Þegar son-
ur hennar fór barn að aldri í skurð-
aðgerð þá fékk hún að eiga brjósk
sem fjarlægt var úr líkama hans.
Hún setti brjóskið í krukku og kom
fyrir uppi á hillu. Það var víst eins
gott - því mörgum árum síðar átti
brjóskið eftir að koma sér betur en
nokkurn hefði getað grunað.
Sérstæð sakamál
Veikindi Danny urðu til þess að
hann fékk snemma áhuga á lækn-
ingum. Hann hóf læknanám að
loknu stúdentsprófi og opnaði f
framhaldinu læknastofu í heimabæ
sínum, Eastbourne í Sussex.
Skólafélagi Dannys, Simon
Webborn, hafði opnað læknastofu í
Swansea og gekk rekstur hennar
mun betur. Hann vildi færa út kví-
arnar og bauð Danny að gerast með-
eigandi. Danny tók þessu góða boði
og flutti sig um set. Samstarfið gekk
vel í fyrstu og Danny hóf að leika
ruðning með félagi bæjarins. Með
tímanum þótti Simon hins vegar
sem Danny væri að svíkjast um í
starfi og það var erfitt að treysta á
hann. Aftur og aftur bárust kvartanir
frá sjúklingum um að Danny hefði
ekki verið í fyrirframákveðnum við-
talstíma. Simon fór að gruna að
Danny væri með hugann við eitt-
hvað annað en læknisstarfið.
Það var laukrétt hjá Simon.
Danny hafði um skeið stundað eit-
urlyfjasölu f héraðinu. Hann flutti
kókaín, amfetamín og kannabis
reglulega frá London og lét sölu-
mönnum í té. Stórtækastir í smásöl-
unni voru tveir kumpánar; Jackie
Welsby, 38 ára smiður og John Wil-
son, 39 ára dyravörður. Danny sá
þeim fyrir nægum birgðum af eitur-
lyfjum og upphæðirnar skiptu
hundruð þúsunda punda.
Vildu ekki borga skuld
Simon var farinn að verða veru-
John Wilson Hann stundaði eiturlyfjasölu
fyrir Danny Dyke. Þegar harðnaði á dalnum
fannst honum þjóðráð að myrða Danny
fremur en greiða honum skuld.
Með tímanum þótti
Simon hins vegarsem
Danny væri að svíkj-
ast um í starfi og það
var erfitt að treysta á
hann.
lega áhyggjufullur enda fjölgaði
kvörtunum stöðugt. Annars vegar
tók ruðningurinn sinn tíma hjá
Danny og svo urðu eiturlyfjavið-
skiptin æ umsvifameiri.
Síðdegis þann 11. apríl 1994 fór
Danny í venjubundna heimsókn til
þeirra Welsby og Wilsons. Tilgangur
ferðarinnar var að innheimta fé fyrir
seld eiturlyf en tvímenningarnir
fengu efnin oftast út á krít. Þeir
höfðu hins vegar verið svo duglegir
að dreifa eiturlyfjum um héraðið
mánuðina á undan að markaðurinn
var orðinn mettur - og verðið hafði
lækkað. Hvorugur þeirra átti því
pening til að borga Danny. Úrræða-
leysi tvímenninganna var algjört.
Það eina sem þeim datt í hug var að
kála Danny,
Stuttu seinna kom Danny til
Welsby sem þrátt fyrir blankheit
tókst að láta honum í té 16 þúsund
pund. Síðan hélt Danny för sinni
áfram og næsti áfangastaður var
heimili Wilsons. Welsby hafði í
millitíðinni hringt í Wilson og sagt
honum að iæknirinn væri á leiðinni.
Tvímenningarnir áttu eftir að deila
um það sem gerðist næst. Welsby
sagðist hafa gengið inn í eldhúsið
hjá Wilson og séð hvar hann var að
kyrkja Danny með rafmagnssnúru.
Wilson sagðist aftur á móti hafa
komið ofan af annarri hæð til þess
eins að sjá Welsby berja Danny með
hamri.
Danny Dyke var látinn. Welsby
tók lfkið og ók með það að fáförnum
stað í nokkurri fjarlægð. Hann hafði
áður tekið 16 þúsund pundin úr
vasa Dannys. Wilson hóf að fjar-
lægja sönnunargögn og gekk býsna
langt í þeim efnum. Hann vissi að
geta lögreglunnar til að finna blóð-
bletti og gera DNA-rannsóknir fór
vaxandi. Hann tók því enga sénsa
heldur fjarlægði eldhúsinnrétting-
una í heilu lagi. Hann hætti ekki við
svo búið heldur reif burt gluggalista
og braut svo upp steinsteypt eldhús-
gólfið. Allt var endurnýjað og
nokkrum dögum síðar var Wilson
kominn með spánnýtt eldhús.
Welsby var óheyrilega stressaður
eftir morðið og logandi hræddur um
að líkið fyndist. Hann ákvað að grafa
það upp og brenna til ösku. Síðan
lagði hann líkamsleifarnar í djúpa
gröf og steypti yfir.
Ákærðir fyrir morð
Hvarf Dannys vakti að sjálfsögðu
athygli og björgunarsveitir leituðu
hans. Lögregíuna fór fljótt að gruna
að hann væri látinn. Rannsóknin
leiddi síðan til þess að böndin fóru
að beinast að Wilson. Lögréglan
hafði hins vegar engar sannanir fyrir
að Wilson væri valdur að dauða
læknisins. Welsby fór hins vegar á
taugum. Hann átti yfir höfði sér dóm
vegna ffkniefnamisferlis og gerði
samning við lögregluna um að sýna
þeim lík Dannys gegn því að sleppa
við fangelsisdóm.
„Hann sagði að við myndum
aldrei finna líkið hjálparlaust," sagði
yfirlögregluþjónninn í Swansea.
Welsby leiddi lögreglumennina að
steinsteyptri gröfinni og hófu tækni-
deildarmenn þegar að brjóta upp
þykka steinstéttina. Aðeins eitt bein
fannst, annað hafði brunnið til ösku.
Lögreglan vildi ólm sanna að um lík-
amsleifar Dannys væri að ræða en til
þess þurfti DNA-samanburð. Rann-
sóknin virtist í hnút...þar til móðir
Dannys mundi skyndilega eftir
brjóskinu. Samanburður var gerður
með hraði og staðfest að urn Danny
Dyke var að ræða.
Wilson og Welsby voru báðir
ákærðir fyrir morðið á Danny Dyke.
Þeir kenndu hvor öðrum unt ntorðið
en kviðdómur leit svo á að báðir
menn væru sekir. Þeir hlutu lífstíð-
ardóm og voru fluttir í öryggisfang-
elsi. Á leiðinni þangað réðist Welsby
á Wilson og voru það þeirra síðustu
samskipti. Wilson greindist með
krabbamein skömmu eftir að hann
hóf afplánun og lést ekki löngu síð-
ar.
Gröfin Lögreglumenn rannsaka gröfina þar sem likamsleifar Danny Dyke fundust. Aðeins eitt
bein reyndist heillegt -annað hafði brunnið til ösku.