Dagblaðið Vísir - DV - 07.02.2004, Blaðsíða 35

DV Sport
LAUQARDAGUR 7. FEBRÚAR 2004 35
Keflavík og Njarðvík mætast í bikarúrslitaleik KKÍ og Lýsingar í Laugardalshöll í
dag. Það er þegar orðið ljóst að sigur hvors félags fyrir sig verður sögulegur,
Njarðvíkingar hafa aldrei orðið bikarmeistarar án þess að hafa Teit Örlygsson
innanborðs og Keflvíkingar hafa aldrei unnið bikarinn án Guðjóns Skúlasonar.
Óvissan í kringum bikarúrslitaleik karla er löngu búinn að skapa
kringumstæður fyrir klassískan úrslitaleik milli tveggja nágranna og forna
fjenda. Meiðsli og leikbönn hafa sett sitt mark á Njarðvíkurliðið sem hefur
þó ekki frekar en áður lagt árar í bát en líkt og Keflvíkingar eiga þeir kost á
að vinna sögulegan sigur en tveir af merkustu leikmönnum íslensku
körfuboltasögunnar lögðu skóna á hilluna í vor og án þeirra hefur hvorugu
liðinu tekist að vinna bikarinn. Þessir félagar og erkifjendur sem hafa
saman leikið 18 bikarúrslitaleiki í Höllinni og hafa báðir sett punktinn fyrir
aftan frábæran feril og nú er að sjá hvoru félaginu gengur betur að viðhalda
þeirra ótrúlegu sigurgöngu sem hefur fylgt þessum tveimur frábæru
leikmönnum alla tíð.
Guðjón Skúlason hefur oftast
allra lyft DV-bikamum (gefinn 1988)
eða alls fjórum sinnum og hann
hefur verið fyrirliði Keflavíkurliðsins
í öll skiptin sem liðið hefur orðið
bikarmeistari. Keflavík hefur
reyndar aldrei unnið titil án Guðjóns
því hann hefur verið með sem
leikmaður í öllum sex íslandsmeist-
araliðunum og öllum íjórum
sigurliðunum félagsins í
fyrirtækjabikar KKÍ.
Guðjón er reyndar enn á fullri
ferð með Keflavíkurliðinu því hann
er annar þjálfari liðsins ásamt Fali
Harðasyni auk þess sem að hann lék
með gegn Þrótti úr Vogum í 32 liða
úrslitum bikarsins. Guðjón skoraði
11 stig í leiknum sem vannst en
hann setti niður meðal annars þrjá
þrista. Þetta er eini leikur Guðjóns á
þessu tímabil enda er hann hættur.
Sigri Keflavík hins vegar í dag telst
hann þó vera bikarmeistari sem
leikmaður liðsins þótt ekki hafi
hannspilað sjálfan úrslitaleikinn líkt
og í hin fjögur skiptin.
Guðjón náði meðal annars þeim
frábæra og einstakaárangri að verða
bikarmeistari með tveimur félögum
þrjú ár í röð á sínum tíma. Guðjón
varð bikarmeistari með Keflavík
1993 og 1994 og svo með Grindavík
1995.
Vann Njarðvík 2 ár í röð
í síðustu tveimur
úrslitaleikjunum unnu hann og
félagar hans sigur á Njarðvík sem
átti síðan eftir að vinna
íslandsmeistaratitilinn bæði tíma-
bilin. Guðjón spilaði stóra rullu í
þessum úrslitaleikjum skoraði yfir
20 stig í þeim öllum og alls 72 stig
eða 24 stig að meðaltali í leik. Hann
er sem stendur annar stigahæsti
leikmaður bikarúrslitaleiks karla frá
upphafi, hefur skora𣣣£ 115 stig í
þeim átta bikarúrslitaleikjum sem
hann hefur spilað, sem gerir 14,4

Á loft í fjórða sinn Guöjón Skúlason hefur oftast allra lyft DV-bikarnum og hér lyftir hann
honum I fjórða sinn eftir sigur á Snæfelli I bikarúrslitaleiknum I fyrra. DV-mynd Teitur
stig að meðaltali í leik.
Teitur Örlygsson hefur unnið 17
stóra titla á sínum ferli, tíu
íslandsmeistaratitla og sjö
bikarmeistaratitla, fleiri titla en
nokkur annar leikmaður í íslenskri
körfuboltasögu. Njarðvík hefur
unnið alls 19 í sögu félagsins og
hefur aldrei orðið bikarmeistari án
þess að Teitur sé með í för en
Njarðvík vann Islandsmeistara-
titlinn 1981 og 1982 áður en Teitur
gekk upp í meistaraflokk.
Enginn spiiað fleiri leiki
Teitur Örlygsson hefur líka spilað
flesta bikarúrslitaleiki allra
leikmanna eða alls tíu og enginn
leikmaður hefur skorað fleiri stig í
Höllinni en Teitur hefur skorað 199
stig þar af fimm síðustu stig leiksins
í síðasta bikarúrslitaleik Njarðvíkur
er þeir unnu KR-inga, 86-79, 9.
febrúar 2002. Teitur skoraði 18 stig í
þessum síðasta úrslitaleik sínum, tíu
þeirra þegar mest á reyndi í fjórða
leikhlutanum. Njarðvík vann hann,
27-15 og þar með leikinn með sjö
stigum. Teitur hefur skoraði 19,9 stig
að meðaltali í bikarúrslitaleikjunum
þar af yflr 18 stig í átta þeirra. Mest
skoraði Teitur, 38 stig, í þriggja stiga
tapi, 97-100, fyrir Keflavík fyrir tíu
árum síðan. Njarðvíkingum gekk illa
að vinna bikarinn til að byrja með. Á
árunum 1976 til 1986 vann félagið
fimm íslandsmeistaratitla en tapaði
að sama skapi öllum fjórum
bikarúrslitaleikjum sínum á þessum
tíma. Þegar bikarinn vannst loksins
10. apríl 1987 var ísinn brotinn,
Njarðvík vann bikarinn fjögur ár í
röð og hefur unnið sjö af síðustu níu
bikarúrslitaleikjum sínum.
Teitur var reyndar á
leikmannalista Njarðvíkurliðsins
fyrir mót en það hefur ekki tekist
ennþá að plata hann af stað.
Hver veit þó nema hann birtist í
Njarðvíkurbúningnum í Höllinni í
dag. Meiðsli og leikbönn liðsins hafa
skapað þær aðstæður að enginn veit
hvernig lið Njarðvíkur verður skipað
í leiknum í dag.
ooj@dv.is
Hver veit nema hann
birtist í Njarðvíkur-
búningnum í Höllinni í
dag. Meiðsli og
leikbönn liðsins hafa
skapað þær aðstæður
að enginn veit
hvernig lið Njarðvíkur
verður skipað í
leiknum í dag.
Teitur tók við bikarnum 2002 Teitur Úríygsson hefursjö sinnum unnið bikarinn, síðast árið
2002 þegar hann tók við bikarnum eftir 86-79 sigur á KR-ingum. DV-mynd Hari
Rökrétt spá:
Sjö stiga sigur
Keflavík og Njarðvík
hafa mæst þrisvar sinnum
áður í vetur, tvisvar í deild-
inni og svo í fyrsta úrslita-
leik vetrarins, úrslitaleik
Hópbílabikarsins sem fram
fór í Laugardalshöllinni 22.
nóvember síðastliðinn.
Allir leikirnir þrír hafa
endað með sama mun, sjö
stiga sigri heimaliðsins í
deildinni og svo vann
Njarðvík úrslitaleik Hóp-
bílabikarsins með sjö
stigum eftir að Keflavík
hafði glutrað niður 15 stiga
forskoti sínu í síðasta
leikhlutanum.
Slakt gengi í fjórða
leikhlutanum ætti þó að
vera Keflavíkingum nokkuð
áhyggjuefni enda hafa þeir
tapað fjórða leikhlutanum í
öllum þessum þremur
innbyrðisleikjum liðanna í
vetur og samtals með 33
stiga mun, 46-79.
Tíuársíðan lið
varði bikarinn
Keflvíkingar geta í dag
orðið fyrsta karlaliðið í tíu
ár til að verja bikarinn en
það voru þeir sjálflr sem
náðu þeim árangri síðast er(
þeir unnu bikarinn tvö ár í
röð frá 1993 til 1994. KR á
að baki lengstu sigur-
gönguna en KR vann
bikarinn fimm ár í röð frá
1970 til 1974. Njarðvíkingar
unnu síðan bikarinn fjögur
ár í röð frá 1987 til 1990.
Fara alla leið
á útivelli
Keflvíkingar sem í fyrra
urðu fyrsta liðið til að fara *
alla leið og verða bikar-
meistarar eftir að hafa bara
mætt úrvalsdeildarliðum,
geta í ár orðið fyrsta liðið til
að verða bikarmeistari eftir
að hafa leikið alla fimm
leiki sína á útivelli. Hér er
miðað við núverandi
fyrirkomulag bikarkepp-
ninnar sem hefur verið í
gildi síðan 1998, það er
úrvalsdeildarliðin koma inn
í 32 liða úrslit og það þarf
að vinna fimm leiki til að
hampa bikarnum. KR fór
sömu leið árið 2000 en
tapaði þá úrslitaleiknum
gegn Grindavík. ,