Akranes - 01.07.1952, Blaðsíða 6

Akranes - 01.07.1952, Blaðsíða 6
m/s „Hvassafell" á siglingu í MiSjarSarhafi krafta sína til vaxtar og viðgangs sam- vinnusamtökunum í landinu. Hins vegar mætti hún að nokkru vera falin bak við verkin, sem tala. Skráð verður hún ekki hér — og líklega hvergi, — nema þá að örlitlu leyti. Gera má sér þó í hugar- lund, að fyrirhafnarlaust hefir vart verið komist „til áfangans, þar sem vér stönd- um." Nei, starfið var áreiðanlega oft erf- itt og ekki án fórna. Það hefir verið lagt fram og er nú einn merkasti þáttur í sjálfri lifs- og starfssögu íslenzku þjóðar- innar jafnlengi og saga samvinnu- samtakanna nær aftur i tímann. Slíkt menningar- og manndómsframlag ber að virða og þakka. Það var ekki innt af hönd- um í sjálfselsku og eigingirni — ekki vegna eins eða fárra. Samvinnustarfið er í senn heilbrigð sjálshjálpar- og samhjálparvið- leitni allra þeirra, sem sjálfir vilja vera með sem þátttakendur í þjónustunni við þá framvindu lífsins, er þarf ekki að telja neitt mannlegt sér óviðkomandi. Þótt íslenzk samvinnusamtök séu þjóð- leg og af rammíslenzkri rót runnin, hafa þau þó ekki innbyrgt sig i kotungslegu við- horfi til samvinnuhreyfingarinnar utan landsteinanna. Þegar árið 1928 gekk Sam- hand íslenzkra samvinnufélaga í alþjóða- samband samvinnumanna, International Cooperative Alliance. Árið 1950 gekk SlS 5 norræna samvinnusambandið, Nordisk Andelsifbrtbund. Bæði þessi gagnmerku samvmnu-sambönd vinna stórmikið gagn; ekki aðeins sem gildur aðili í menningar- og verzlunarlegum umsvifum á norrænan og alþjóðlegan mælikvarða, heldur einnig ;.em áhrifamikill vegvisir í friðsamlegum og farsælum sambúðarháttum þjóða í milli. Þessi víðtæku samvinnusamtök færa út til meiri áhrifa og sterkari viðurkenningar annarra þau einkenni samvinnuskipulags- ins, sem gætir jafnvel í hverjum þrengsta hring-þar sem tveir eða fleiri eru saman- komnir í sönnum anda þess. Bæði I. C. A. og N. A. F. hafa nýlega heiðrað íslenzk samvinusamtök. Það hafa þau gert með því að halda fundi sína í fyrsta skipti á Islandi, og af sérstökum til- efnum. Norræna samvinnusambandið hélt aðalfund sinn hér árið 1950, vegna inn- göngu SlS í það. Alþjóðasambandið hélt á þessu sumri miðstjórnarfund sinn í Reykjavík i tilefni aif 50 ára afmæli Sam- bandsins. Þótt um langan veg væri að fara, vildu hinir erlendu samherjar fyr- 'rfram, glaðir taka á sig auka erfiði og kostnað þess vegna. Sem betur fer, er óhætt að segja, að komq þeirra hingað í bæði skiptin varð með þeim hætti, að allir luku upp einum munni um myndarskap þann og glæsibrag, er þeir urðu varir og nutu á Islandi. Má fullyrða, að sú al- menna land- og þjóðkynning, sem felst í heimsókn slíkra mikilsmetinna áhrifa- manna, þegar svo vel tekst til, er mikils virði fyrir ekki einasta samvinnusamtök- in hér, heldur þjóðina alla. Ég hefi nú reynt að draga fram nokk- ur helztu atriði úr sögu íslenzkra sam- vinnusamtaka eins og hún kemur fyrir sjónir á þessum merku tímamótum í ár. Engum mætti vera ljósara en mér sjálf- um, hversu margs er vant í þessa skyndi- mynd mína. Hvort tveggja er, að aðeins er stiklað á þvi stærsta, enda er sannleik- urinn lika sá, að engin talnafræði eða ytri vegsummerki leiða, hvorki hér né annars slaðar, til fulls í ljós gagnsemi samvinnu- félagsskaparins; þessarar máttugu en mildu mannfélagshreyfingar. Þar er svo margt, sem ekki verður bent á og sagt: Sérðu, — en speglar þó, meira að segja í sinni fegurstu mynd, siðabót samtakanna og mannbætandi áhrif þeirra. En það ætla ég, að samvinnumenn og aðrir geti því betur notið alls þess, sem samvinnusamtök- in hafa bezt veitt, sem þeir gera sér gleggri grein fyrir tilkomu verðmætanna; á hversu göfgandi hátt inn á við og réttlátlega og áreitnislaust út á við hefir verið til þeirra unnið. Ég á heldur ekki von á því, að nokkr- um finnist ofmælt, þótt ég fullyrði, að ís- lenzkir samvinnumenn hafi gengið sína götu fram til góðs, þá fáu áratugi, sem nú liggja að baki. Staddur í Flatey á BreiSafirSi 31. júlí, 1952. Baldvin Þ. Kristjánsson. KAUPIÐ, LESH) OG GEYMIÐ AKRANES 78 AKRANES

x

Akranes

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Akranes
https://timarit.is/publication/865

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.