Akranes - 01.07.1952, Blaðsíða 25

Akranes - 01.07.1952, Blaðsíða 25
ust þegar til að taka eitt barna þeirra til fósturs. Þetta gerði Sigurður þegar, og fór Sigurður og kona hans nokkru seinna með yngsta barn þeirra 2—3. ára í fóstur að Kolviðarhóli. Var Sigurði mest i minni, með hve mikilli alúð og hlýju þau tóku á móti þessari ungu stúlku, Mörtu Jóns- dóttur. Þar ólst hún síðan upp sem eitt þeirra barna. Hún er nú gift kona á Ak- ureyri. Árið 1906 kaupir Guðni stórbýlið Leirá í Leirársveit og flytur þangað. Þar býr hann í 9 ár til 1915. Ekki gerði Guðni þar verulegar umbætur. Þó lagaði hann eitt- hvað hið gamla íbúðarhús og byggði fjós ifyrir 16—20 nautgripi. Þess má heldur ekki láta ógetið, að Guðni lét byggja Leirárkirkju 1914, hið myndarlegasta hús, sem enn stendur, og hefur nýlega fengið gagngera aðgerð, þar sem einnig var byggð framan við hana for-kirkja. Kifkjan var byggð eftir teikn- ingu Rögnvaldar heit. Ólafssonar, en af Ölafi smið Þorsteinssyni í Halldórshúsi. Bæði munu þau hjón hafa verið allvel greind. Sérstaklega mun Margrét hafa lesið það, sem hún gat komizt yfir, eink- anlega um andleg efni. Voru þau bæði trúrækin og héldu þeim gamla góða sið að lesa húslestra meðan bæði lifðu. Guðni var vel búhagur og gerði sjálfur við allt, sem viðgerðar þurfti við, hvort sem var úr tré eða járni. Þessi voru börn þeirra hjóna: 1. Kristín, sem giftist Jóhanni Ólafssyni brúarsmið, ættuðum úr Árnes- og Rangárvallasýslum. Þrjú af þeirra börnum eru nú hér: Guðni, kvæntur Rósu Björnsdóttur frá Ósi. María og Guðmunda, báðar ógiftar. 2. Jóhann B.Guðnason, byggingarfulltrúi, sem hér verður nánar frá sagt. 3. Jón, smiður, sem vinnur hjá Agli Vil- hjálmssyni í Reykjavik. Kona hans er Elín Gísladóttir, ættuð úr Reykjavík. Þau eiga einn son, Gísla að nafni, er les byggingarverkfræði við Háskóla Is- lands. Árið 1923 byggði Jóhann sonur þeirra ofan á húsið og býr þar með konu sinni, Sigríði Sigurðardóttur írá Melshúsum, til ársins 1927, er hann reisir húsið á Arnar- stað við Vesturgötu 59. Það selur Jóhann ^93° og byggir húsið Haukaberg við Merk- urteig, er þar til 1936, er hann stækkar og umbætir Bakkakotshúsið enn, og flyt- ur þangað. Þar eru þau svo til 1941, er hann selur Bakkakot, Jóhanni Stefánssyni frá Skipanesi, en byggir sjálfur steinhús, út við þáverandi Suðurgötu, í norðurhorni Bakkakotslóðar. Það hús er talið við Suð- urgötu 100, og þar búa þau enn í dag, en þar mun þeirra síðar verða getið. Margrét Jónsdóttir andaðist 17. janúar 1931, en Guðni Þorbergsson 3. okt. 1935. Foreldrar Jóhanns Stefánssonar, núver- andi eiganda Bakkakots, voru þau Stefán Jónasson, frá Bjarteyjarsandi á Hvalfjarð- arströnd og kona hans Guðríður Jóhanns- dóttir, Torfasonar frá Þyrli. Stefán og Guðríður byrjuðu búskap á Hlíðarfæti, fóru síðan að Kjalardal. Árið 1914 fluttu þau svo að Skipanesi, og keyptu jörðina fljótlega. Þau brutust þar um á hæl og hnakka, og gerðu þar miklar jarða- og húsabætur. Dugnaður beggja og árvekni í starfi var óvenjulegur, enda búnaðist þeim eftir því. Stefáns naut þó of skammt við, þvi hann andaðist 1927. Eftir það b)ó Guðríður með börnum sínum á Skipanesi til 1941 er þau fluttu að Bakkakoti. Börnin voru afburða dugleg sem for- eldrarnir, og umbættu jörðina enn mikið. Börn Stefáns og Guðriðar eru þessi: i. Jónas, dó er han var 22. ára gamall mjög efnilegur maður, og sárt saknað af foreldrum. 2. Jóhann, skipasmiður, sem nú býr í Bakkakotí. 3. Þorsteinn, smiður og jarðræktarmaður Jaðarsbraut 21 hér í bæ. Kvæntur Valdísi Sigurðardóttur frá Kjalardal. Þeirra börn: Stefán og Sigurður. 4. Guðlaug, gift Nikulási Vestmann, lög- regluþjóni á Keflavikurflugvelli. Þeirra börn: Guðríður og Alma. 5. Guðmunda, gift Magnúsi Magnússyni, skipasmið frá Söndum. Þeirra börn: Magnús, og Guðmunda Magnea. Guðríður andaðist í Bakkakoti 25. marz 1947- 85. Garðbær. Þennan bæ byggir Árni Sveinsson ffá Innsta-Vogi 1885. I manntalinu í desem- ber 1885 er þar þetta fólk: Árni Sveinsson 42. ára, Guðríður Ásbjörnsdóttir kona hans 49 ára og Guðrún Guðmundsdóttir, móðir hennar 84. ára. Árin á undan áttí Árni heima i Brekkubæ, þar sem Sigríð- ur systir hans bjó með fyrri'manni sín- um Eyjólfi Sigurðssyni. Um Garðbæ stendur svo í virðingabók- inni: „Eitt hús á hálfstöfum 6 al. br. og 10 al. langt. Skorsteinn í öðrum enda, en eldamaskína litil í íveruhúsinu. Lítill kjall- ari, haganlega innréttaður skúr við inn- ganginn." Þau Garðbæjarhjónin áttu ehgin börn, en ólu upp eitt barn, Jónínu Jónasdóttur. Hún er f. í Reykjavik 4. ágúst 1887, en kom að Garðbæ aðeins 5 ára gömul. For- eldrar hennar voru: Jónas Ölafsson, ætt- aður úr Árnessýslu, albróðir Samúels 01- afssonar söðlasmiðs í Reykjavík. En móðir Jóninu, var hálfsystir Guðríðar konu Árna. Guðríður í Garðbæ var alsystir Magnúsar á Beitistöðum, föður Sveins Magnússonar á Setbergi og þeirra systkina. Jónas, faðir Jóninu, flytur að Garðbæ i8gs. Jónína var aðeins 4 ára, er hún missti móður sina, en 12 ára, er hún missti föð- ur sinn, er drukknaði með Teiti í Bakka- gerði hér i Teigavörinni. Guðríður í Garðbæ var lengi vinnukona hjá Hallgrimi hreppstjóra og Margréti í Guðrúnarkoti. Hún var bráðgreind, vel hagmælt,. og vel vinnandi á ull, eins og það var kallað. Hún andaðist í ágúst 1915. Árni var lagtækur, heldur heilsulinur, stundaði þó sjó, og fékkst lengi við að sauma skinnklæði. Árni var alla tíð bind- indismaður. Jónína, uppeldisdóttir Árna, trúlofaðist 18 ára gömul, Sigurbirni Jónssyni, bróður Guðjóns Bachmanns, verkstjóra í Borgar- nesi. Hann var þá vinnumaður hjá Ni- elsi í Lambhúsum. Sigurbjörn var einn þeirra mörgu, sem létu lífið, er Ingvar fórst á Viðeyjarsundi 1906. Árið 1908 giftist Jónína, Jóni Finnssyni, frá Mársstöðum. Þau áttu saman eina dótt- ur, Sigurbjörgu, en misstu hana á 4. ári. Árið ígi 7.gif tist Jónína öðru sinni, Þór- arni Ólafssyni frá Einifelli í Stafholtstung- um, bróður Ölafs í Deild og þeirra syskina. Þau bjuggu allan sinn búskap í Borgar- nesi, þar sem Þórarinn var trésmiður. Hann var ágætur trésmiður og verkmaður yfirleitt, hugsandi maður og velviljaður öllum góðum málefnum, var hann t. d. um langt skeið einn af áhugasömustu templurum í Borgarnesi. Þórarinn er dá- inn fyrir nokkrum árum. Börn Þórarins og Jónínu eru þessi: 1. Guðriður Árný, gift Klemenz Þor- leifssyni kennara, ættuðum úr Svarf- aðardal. Þeirra börn: Þórunn og Þór- arinn. 2. Tyrfingur, kvæntur Láru Þórðardótt- ur frá Högnastöðum, er húsasmiður, þau búsett í Reykjavík og eiga þessi börn: Þórð og Þórarinn. 3. Sigurbjörn skósmiður, búsettur í Reykjavík, kvæntur Jónu Friðbjörgu Pétursdóttur, ættaðri úr Svanfaðardal. Þau eiga einn son, Árna Jóhann Þór. Jónína, ekkja Þórarins á nú heima í Reykjavik. Árni Sveinsson bjó í Garðbæ til árs- ins 1921, og hafði þá um nokkur ár verið ráðskona hjá honum Guðríður Jónsdóttir, móðir Gísla á Jörfa og þeirra systkina. En það sama ár, selur hann Jóni Bjarna- syni Garðbæ, og er þar í skjóli Jóns, þar til hann andast 28. júlí 1924, fæddur á ósi 14. ágúst 1844. Jón Bjarnason sá, sem siðan hefur bú- ið i Garðbæ, er fæddur á Björgum á Skagaströnd 20/11—1892. For.: Guðrún Eiríksdóttir og Bjarni Guðlaugsson, og ólst upp hjá þeim til g ára aldurs. Jón var 12. barn af 13, er foreldrar hans áttu, en auk þessa mikla barnahóps, ólu þau Framhald á 105 s&u. AKRANES 97

x

Akranes

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Akranes
https://timarit.is/publication/865

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.