Almanak Hins íslenska þjóðvinafélags - 01.01.1916, Page 180

Efnisskráin hefir verið prentuð mörg undanfarin
ár á kápu almanaksins, en af því að hún óhreinkast
við brúkun almanaksins, þá er það heppilegra að
prenta efnisskrána í sjálft alman. og því það gert hér.
Margir eru nú farnir að kaupa árg. af alman.
sem þá vantar til þess að geta látið binda þau í
bækur. Sumir árg. af almanakinu eru því að ganga
upp; er því vissara fyrir þá, sem vilja fá það, er þá
vantar, að draga ekki lengur að biðja um þau. Ekkert
alman. er til fyrir 1880 og ekki 1890 og ’91.
í*etta almanak er ekki hægt að seija minna en
75 a. — 24 myndir eru í því, sem eru dýrar, og
einnig er prentun dýr, af því talsvert af smástíl og
skýrslum eru í því; þær er seinlegt að setja. Þegar
þess er gætt, að í alman. eru 11 arkir að meðtöldum
myndum; þá er ólíklegt að nokkrum þyki örkin dýr
á tæpa 7 aura.
Aðalumboðsmenn Pjóðv.fél. eru:
Herra bóksali Sigurður Kristjánsson i Reykjavík.
— — Guðmundur Bergsson á ísafirði.
— Kristján Guðmundsson á Oddeyri.
— — Pétur Jóhannesson á Seyðisfirði.
— — H. S. Bárdal í Winnipeg.
»r Félagið greiöir i ritlaun 30 kr. fyrir hverja Andvara-örk
prentaða með venjulegu meginmálsletri eða sem því svarar
af smáletri og öðru letri i hinum bókum félagsins, en
prófarkalestur kostar þá höfundurinn sjálfur.