Almanak Hins íslenska þjóðvinafélags - 01.01.1944, Blaðsíða 91

1il leiðbeiningar. Eftir 1930 færðist starfsemi þessi
mjög í aukana, en þá var núverandi vélfræðiráðu-
nautur félagsins, Þorsteinn Loftsson, ráðinn til
starfsins, en þvi hafði þá enginn gegnt siðan 1920.
Er óhætt að fullyrða, að mótornámskeið félagsins
hafi orðið útgerðinni til mikils gagns.
Árið 1940 áttu jandsmenn 514 mótorskip, samtals
10957 smál. Þessi floti var uni 43% af fiskiskipa-
stólnum.
VII.
Um langan aldur hafa erlendar þjóðir stundað
veiðar við ísland. Um 1880 voru það ekki færri en
7 þjóðir, sem sendu skip sín til veiða á íslandsmið.
Engin þjóð hafði hér jafn stóran flota og Frakkar.
Á tímabilinu 1831—1883 voru hér fæst 63 skip
frönsk, en flest 321. Talið er, að allur íslandsafli
Frakka á árunum 1868—1883 (árið 1880 þó undan-
skilið) hafi að verðmæti numið jafn miklu og allar
tekjur íslands 93 árin næstu á undan.
Danir byrjuðu hér veiðar að ráði 1891. Öfluðu
þeir einkum kola og notuðu dragnót og lagnet við
veiðarnar. Aðalbækistöð sína höfðu þeir í Önundar-
firði. Á bátum þeim, er stunduðu lagnetjaveiðar,
voru íslendingar. Önfirðingar stunduðu einnig um
þessar mundir kolaveiðar i lagnet, og seldu Danir
afla þeirra. Eftir að Danir byrjuðu hér veiðar, færð-
ist landhelgisgæzlan í betra horf en verið hafði.
Ameríkumenn byrjuðu hér flyðruveiðar 1873 og
stunduðu þær i allmörg ár. Voru þeir á stórum
skonnortum og héldu hér úti frá marzbyrjun tií
ágústloka ár hvert. Þeir höfðu bækistöð á Þing-
eyri í Dýrafirði. Margt islehzkra manna var á þess-
um skipum, og var mjög eftirsótt að komast á þau,
því að þar var greitt hærra kaup en annars staðar
tíðkaðist.
Norðmenn byrjuðu hér borskveiðar um 1890, en
um nokkurt skeið áður höfðu þeir stundað hér síld-
(89)