Almanak Hins íslenska þjóðvinafélags - 01.01.1944, Qupperneq 112

voru hér á landi tvær fiskfrystistöðvar, en í árs-
lok 1940 voru hraðfrystihúsin orðin 30. Á tímabil-
inu 1936—1940 hefur útflutningsmagn freðfisks rúm-
lega sjöfaldazt. Þessi nýja verkunaraðferð þarfnast
mikils vinnuafls, og hefur því átt mikinn þátt í að
bæta úr þeirri atvinnurýrð, er skapaðist við minnk-
andi saltfiskverkun. Samfara aukinni hraðfrystingu
á fiski hefur þátttaka í dragnótaveiðum margfald-
azt. Arið 1930 stunduðu 5 bátar slíkar veiðar, en
um 170 1940. Framleiðsla á freðfiski er orðinn
veigamikill þáttur í atvinnu landsmanna og hefur
miðað drjúgum i þá átt að bæta hag margra þeirra
veiðistöðva, er verst voru 'komnar í lok krepp-
unnar.
Fyrir tilstuðlan Fiskimálanefndar byrjuðu mótor-
bátar að veiða með botnvörpu, og fiskar nú mikill
fjöldi báta með slíku veiðarfæri.
Löggjöfin um Fiskimálanefnd og Fiskimálasjóð
hefur því reynzt hin merkilegasta, og má fullyrða,
að ekki hefði verið fitjað upp á ýmsum þessum
nýjungum, sem hér hefur verið drepið á, ef hún
hefði ekki verið sett.
X.
Timabilið 1874—1940 er hið merkasta í sögu
landsins. Aldrei hafa orðið jafn mikilvægar breyt-
ingar á atvinnuháttum og högum landsmanna. Mann-
virki öll, sem nokkurs virði eru, hafa sprottið úr
rót á þessu tímabili. Landsmönnum hefur fjölgað á
þessum árum um 52 þús., en þrátt fyrir þennan vöxt
býr þjóðin nú við miklu betri lifsskilyrði en nokkru
sinni fyrr. Sjávarútvegurinn hefur beint og óbeint
átt ríkulegan þátt í öllum framförum, sem orðið
hafa í landinu. Frá honum hefur runnið mikið af
því fjármagni, sem notað hefur verið til endurreisn-
ar landi og þjóð.
Aldamótaárið áttu landsmenn 148 þilskip, alls um
(110)