Almanak Hins íslenska þjóðvinafélags - 01.01.1984, Page 153
Laxá í Aðaldal með 1.304 laxa, og í fjórða sæti voru
Elliðaárnar með 1.219 laxa. Árið áður hafði Laxá í Kjós
verið mesta laxveiðiáin (1.550). Stangveiði nam 60% af
heildarlaxveiði ársins, netaveiði var 27%, og frá hafbeitar-
stöðvum komu 13%. Af hafbeitarstöðvunum komu flestir
laxar í Kollafjarðarstöðina eða um 2.340.
í janúar var Hannes Hall ráðinn framkvæmdastjóri Sam-
lags skreiðarframleiðenda ásamt Braga Eiríkssyni. í febrú-
ar setti togarinn Vigri sölumet í í’ýzkalandi og seldi 279.3
tonn fyrir 673.592 mörk. Aflakóngur á netavertíð varð
Sigurjón Óskarsson á Þórunni Sveinsdóttur frá Vestmanna-
eyjum með 1.187 tonn. í maí lét Gunnar Guðjónsson af for-
mennsku í Sölumiðstöð hraðfrystihúsanna eftir 17 ár. í
hans stað var kjörinn Ágúst Flygenring. Grásleppuvertíðin
var hin lélegasta í 20 ár. Landssamband íslenzkra útvegs-
manna boðaði til stöðvunar íslenzka fiskiskipaflotans frá og
með 11. september vegna tapreksturs. Ríkisstjórnin lagði
fram tillögur til lausnar tíu dögum seinna, og lauk deilunni
með hækkun fiskverðs um 4% og lækkun olíuverðs um
20%. Þá var gert ráð fyrir vaxtalækkun og skuldbreytingu
útgerðarmönnum í hag. Eldborg frá Hafnarfirði var á árinu
útbúin til veiða og vinnslu á kolmunna. Voru settar í skipið
flökunar- og marningsvélar auk frystitækja. Byrjað var á að
reisa frystigeymslur og fiskréttaverksmiðju SH í Grimsby.
Aflahæstu togarar á árinu voru Guðbjörg frá ísafirði með
6.154 tonn, Ottó N. Þorláksson frá Reykjavík með 6.142
tonn og Páll Pálsson frá ísafirði með 5.132 tonn.
Fiskiskipastóll íslendinga var í árslok 841 skip (árið áður
839), og voru þau alls 111.848 lestir brúttó (108.154).
Bátaflotinn var 734 skip, 60.422 lestir brúttó eða 82.3 lestir
að meðaltali. Minni skuttogarar (250-499 lestir) voru 83,
stærri skuttogarar og nótaveiðiskip voru 19, síðutogari var
einn og hvalveiðiskip fjögur. Meðalaldur allra fiskiskipa
var 17.5 ár.
Heildarskipastóll íslendinga var í árslok 1982 947 skip,
samtals 193.306 lestir brúttó (í árslok 1981 950 skip, samtals
194.482 lestir brúttó).
(151)