Almanak Hins íslenska þjóðvinafélags - 01.01.1984, Side 160

Rangárvallasýsla. Unnið var að miklum hitaveitufram-
kvæmdum og leitt heitt vatn frá Laugalandi í Holtum til
kauptúnanna Hellu og Hvolsvallar. Þar voru lagðar heim-
æðar í u. þ. b. 400 hús. — Á Hvolsvelli var áfram unnið við
heilsugæzlustöð.
Vestmannaeyjar. Fjarhitun Vestmannaeyja var formlega
tekin í notkun 21. marz og skipalyftan 27. júní. Hamars-
skóli var vígður 4. september. Minnisvarði um Oddgeir
Kristjánsson tónskáld var vígður 6. júní.
Skaftafellssýslur. Unnið var að lendingarbótum í Dyr-
hólaey. Gerð var renna og dráttarbúnaður fyrir létta báta.
— Á Höfn í Hornafirði var unnið að lokafrágangi á íþrótta-
húsi og sérkennslustofum við skólahúsið. Lokið var við
byggingu átta íbúða í verkamannabústöðum. Lögð var olíu-
möl á allmargar götur.
Múlasýslur. Hinn 20. nóvember var formlega tekin í
notkun ný bókasafnsálma við grunnskóla Djúpavogs. — A
Stöðvarfirði var nýtt kaupfélagshús tekið í notkun. — Á
Fáskrúðsfirði var unnið að flugvallargerð. — Á Reyðarfirði
var í árslok 21 íbúðarhús í smíðum. Þar var áfram unnið að
byggingu áhaldahúss og slökkvistöðvar. Hafin var bygging
leikskóla. Olíufélögin eru að reisa birgðastöð, og verka-
lýðsfélagið kom upp húsi fyrir starfsemi sína. Þá var a
Reyðarfirði gerð uppfylling fyrir nýtt iðnaðarsvæði og reist
þar eitt iðnaðarhús. Nokkuð var unnið að malbikun gatna.
— Á Eskifirði hófust framkvæmdir við nýtt sýslumannshús
og grunnskóla. Þar var áfram unnið við að reisa skrifstofu-
húsnæði og nýjar frystigeymslur fyrir Hraðfrystihús Eski-
fjarðar. — í Neskaupstað var áfram unnið við íbúðir aldr-
aðra og nýtt framhaldsskólahús að nokkru tekið í notkun
um haustið. Þá var unnið við flugvöllinn og mjög mikiö
malbikað af götum bæjarins. Undirbúið var nýtt íþrótta-
svæði. — Á Seyðisfirði var sjúkrahús í smíðum. Á Fjarðar-
heiði var reistur minnisvarði um Þorbjörn Arnoddsson,
brautryðjanda í vetrarferðum yfir heiðina. — Á Egilsstöð-
um var áfram unnið að byggingu íþróttahúss. - Nýtt
heimavistarhús var tekið í notkun við Eiðaskóla. BSRB let
(158)