Almanak Hins íslenska þjóðvinafélags - 01.01.1984, Side 169
1. nóvember voru útlánsvextir hækkaðir um 6-7% og inn-
lánsvextir um 8%. - í febrúar var Ragnar S. Halldórsson
kosinn formaður Verzlunarráðs fslands, en fráfarandi for-
maður, Hjalti Geir Kristjánsson, gaf ekki lengur kost á sér.
Verðlag á nokkrum algengum vörutegundum var sem
hér segir í nóvember 1982 (innan sviga eru tölur frá nóv.
1981): Franskbrauð kr. 7.75 (5.15), vínarbrauð 6.35 (3.47),
súpukjötskfló 60.25 (43.45), ýsukíló 17.40 (11.00), ný-
mjólkurlítri 7.50 (5.45), eplakfló 31.01 (15.51), kartöflukíló
5.60 (4.49), strásykurskíló 10.06 (6.89), kaffikíló 77.64
(51.48), appelsínflaska 4.95 (2.80), brennivínsflaska 261.00
(167.00), vindlingapakki 26.75 (17.15), benzínlítri 12.20
(8.00).
Vinnumarkaður
Atvinnuleysi var lítið á árinu. Atvinnuleysisdagar í janú-
ar voru 73.001 og í desember 30.607.
Kjaradeila Alþýðusambandsins og Vinnuveitendasam-
bandsins stóð í júní. Efnt var til vinnustöðvunar 10. og 11.
júní og allsherjarverkfalls 18. júní. Hinn 30. júní tókust
samningar með ASÍ og VSÍ um 4% grunnkaupshækkun
strax. Samið var um skerðingu vísitölubóta 1. september.
Gildistími þessa samnings var frá 1. júní 1982 til 1. septem-
ber 1983. Hann varð stefnumarkandi um launaþróun í land-
inu. Byggingamenn höfðu þó samið um 20% kauphækkun
á þremur árum hinn 13. júní. Flugmenn sömdu 8. júlí um
6.9% kauphækkun strax. Þetta voru fyrstu sameiginlegu
samningar allra flugmanna hjá Flugleiðum. Hinn 1. sept-
ember var undirritaður kjarasamningur milli BSRB og
n'kisins, og gildir hann til jafnlengdar 1983. Samið var um
4% kauphækkun frá 1. ágúst og 2.1% hækkun frá 1. janúar
1983. f allsherjaratkvæðagreiðslu um þennan samning
•nnan BSRB sögðu 5.603 já, en 2.333 sögðu nei. Hinn 22.
október sömdu BHM og ríkið, og fengu allir BHM menn
eins flokks hækkun auk nokkurra minni breytinga. Fyrr á
árinu eða í febrúar hafði Kjaradómur dæmt í þáverandi
(167)