Almanak Hins íslenska þjóðvinafélags - 01.01.1984, Page 173
metnar á 89.3 milljarða króna. í nýja matinu hækkuðu fast-
eignir á höfuðborgarsvæðinu um 78% frá árinu á undan, en
landsmeðaltalið var 65%.
Fegurðardrottning. í júní var Guðrún Möller frá Reykja-
vík kosin fegurðardrottning íslands.
Finnar koma — Pólverjar fara. Martin Isaksen, sendi-
herra Finna, kom til starfa á íslandi í byrjun október. Er
það í fyrsta sinn, sem finnskur sendiherra hefur búsetu á
íslandi. — Pólski sendiherrann hefur nú ekki lengur búsetu
á íslandi.
Fjöldi háskólamanna. A þingi BHM í nóvember komu
fram upplýsingar um fjölda háskólamanna á íslandi. Eru
þeir nú taldir vera u. þ. b. 8.500. Af þeim starfa 5.100 hjá
hinu opinbera, 2.200 á almennum markaði og um 900 sjálf-
stætt.
Flóttamenn. 23 flóttamenn frá Póllandi komu til landsins
í maí og settust hér að.
Fornleifar. Unnið var að fornleifarannsóknum að Stóru-
Borg og í Þingnesi. Pá voru rannsakaðar rústir húsa í
Maríuhöfn í Hvalfirði. Kumi frá 10. öld fannst í landi Mið-
Sandfells í Skriðdal. Meðal gripa í því var skrautleg víkinga-
aldarnæla.
Friðarmál. 3. júlí var haldinn fundur á Miklatúni til þess
að mótmæla kjarnorkuvopnum. Þar töluðu m. a. þingmenn
úr þremur stjórnmálaflokkum. Pétur Reimarsson, formað-
ur Samtaka hernámsandstæðinga, ávarpaði 6. júní geysi-
fjölmennan friðarfund í Hyde Park í Lundúnum.
Frímerkjafundur. Við skráningu embættisskjala, einkum
frá landfógeta, í Þjóðskjalasafni, „fundust" 46 frímerkt bréf
og umslög frá fyrstu árum frímerkja á íslandi. Meðal þeirra
voru 10 skildingabréf og 4 bréf með 5 aura merki bláu.
Frjálst útvarp. Stjórnskipuð nefnd undir formennsku
Markúsar Á. Einarssonar, útvarpslaganefnd, skilaði áliti í
byrjun október. Nefndin lagði til, að einkaleyfi Ríkisút-
varpsins til útvarpsreksturs yrði afnumið.
Gullskipið. 24. júlí töldu leitarmenn á Skeiðarársandi sig
hafa fundið skipsflak úr eik á miklu dýpi. Töldu þeir þetta
(171)