Almanak Hins íslenska þjóðvinafélags - 01.01.1984, Page 177
hópurinn og hljómsveitin Human League. Um 17.000 gest-
ir sóttu sýningar og tónleika.
Listamannalaun. 149 fengu listamannalaun. Nýir menn í
hópi þeirra, sem fengu úthlutun samkvæmt ákvörðun al-
þingis, voru þessir: Ólafur Jóhann Sigurðsson rithöfundur,
Stefán Islandi söngvari og Svavar Guðnason listmálari. -
88 rithöfundar og fræðimenn fengu starfslaun eða viðbótar-
ritlaun úr Launasjóði rithöfunda. Þessir fengu níu mánaða
laun: Böðvar Guðmundsson, Einar Bragi, Stefán Hörður
Grímsson og Þorsteinn frá Hamri. - 21 rithöfundur fékk
styrk úr Rithöfundasjóði íslands. — Úr rithöfundasjóði
ríkisútvarpsins hlaut Nína Björk Árnadóttir verðlaun að
þessu sinni. - Andrés Indriðason fékk verðlaun Fræðslu-
ráðs Reykjavíkur fyrir beztu frumsömdu barnabókina, en
hún heitir „Palli er ekkert blávatn". Árni Þórarinsson hlaut
verðlaun sömu aðila fyrir beztu þýddu barnabókina, sem
nefnist „Einn í stríði". — Flosi Ólafsson og Guðmundur
Jónsson fengu styrk úr menningarsjóði Þjóðleikhússins. —
29 listamenn fengu starfslaun í 3—12 mánuði. Hringur
Jóhannesson fékk 9 mánaða laun, og Karl Kvaran fékk 6
mánaða laun. — Sigurður Skúlason fékk styrk úr Leiklistar-
sjóði Brynjólfs Jóhannessonar. - Bragi Ásgeirsson list-
málari hlaut bjartsýnisverðlaun Bröstefyrirtækisins danska.
— Menningarverðlaun Dagblaðsins og Vísis hlutu: Vilborg
Dagbjartsdóttir (bókmenntir), Árni Kristjánsson (tónlist),
Ásgerður Búadóttir (myndlist), Hjalti Rögnvaldsson (leik-
list), Birna Björnsdóttir (byggingarlist). Auk þess hlaut
kvikmyndin Útlaginn verðlaun. Einar Már Guðmundsson
fékk viðurkenningu AB á 25 ára afmæli félagsins fyrir bók
sína „Riddarar hringstigans".
Málverkaverð. í maí var Kjarvalsmálverk slegið á
uppboði fyrir 152.000 kr. (187.720 með söluskatti).
Mattheusarpassían. Um páskana var Mattheusarpassía
J. S. Bachs flutt í fyrsta sinn á íslandi. Flytjendur voru
Pólýfónkórinn og fleiri.
Metsölubœkur. Samkvæmt könnun Félags íslenzkra
bókaútgefenda voru söluhæstu bækur 1. nóvember til 20.
(175)