Almanak Hins íslenska þjóðvinafélags - 01.01.1984, Side 179

að lenda á ísafirði, en vélinni var flogið til Keflavíkur. Þar
nauðlenti hún á öðru hjólinu og með annan hreyfil virkan.
Stórlán. Hinn 26. febrúar undirritaði Ragnar Arnalds
fjármálaráðherra stærsta lánssamning, sem íslenzka ríkið
hefur gert. Hann hljóðaði upp á 75 milljónir dollara og var
gerður við banka í Lundúnum.
Strákalínan. í hárgreiðslu kvenna var tízkan kennd við
„garqon" og kölluð strákalínan.
Sveitarstjórnarmál. Borgarstjórn Reykjavíkur ákvað í
júlí að fækka borgarfulltrúum við næstu kosningar aftur í
15, en þeir eru nú 21. — í september var Björn Friðfinnsson
kjörinn formaður Sambands íslenzkra sveitarfélaga. - 14.
nóvember fór fram atkvæðagreiðsla í Dyrhólahreppi og
Hvammshreppi í Vestur-Skaftafellssýslu um sameiningu
þessara hreppa. Það var samþykkt í Dyrhólahreppi með 56
atkvæðum gegn 35 og í Hvammshreppi með 133 atkvæðum
gegn 96.
Söng- og tónleikaferðir. í júní fór lúðrasveit Laugarness-
skóla í 12 daga ferð til Luxemborgar og Þýzkalands. Um
mánaðamótin júní-júlí fór karlakórinn Þrestir til Skotlands
í söngferð. Pólýfónkórinn fór til Spánar í júlí. Hann hélt
fimm tónleika í jafnmörgum borgum. í sama mánuði fór
kór Öldutúnsskóla til Hong Kong og Kína. Kór Hamrahlíð-
arskóla söng á Europa Cantat hátíðinni í Namur í Belgíu í
ágúst. Hljómsveit Björgvins Halldórssonar ferðaðist um
Sovétríkin í ágúst og september og kom víða fram. Karla-
kórinn Fóstbræður fór í söngferðalag til Bandaríkjanna í
september.
Thorvaldsenssýning. 3. september var opnuð á Kjarvals-
stöðum sýning á verkum Bertels Thorvaldsens. Þetta var í
fyrsta sinn, sem efnt er til svo rækilegrar sýningar á verkum
hans utan Danmerkur.
Tundurdufl enn. í júní var sprengt tundurdufl frá stríðs-
árunum í Þvottáreyjum í Hamarsfirði.
Útvarpið. 14. ágúst hófst föst starfsemi Ríkisútvarpsins á
Akureyri (Rúvak).
Verðlaun Ásu Wright. Verðlaun úr sjóði Ásu Guðmunds-
12 (177)