Ársrit Nemendasambands Laugaskóla - 01.01.1926, Page 27

21
verðum við að leggja fram alt okkar besta, til að verða
réttu megin í dómum okkar og athöfnum.
Jesús ber tign sína í sér, í persónu sinni, í lífi sínu.
Af honum fær alt ljóma, sem hann ber: krossinn, þyrni-
kórónan. Af þeirri tign stafar líka Ijóminn frá dauða
hans. Hann dó fyrir sannleikann, dó fyrir lífið. Og af
þeirri tign hefir líka fallið ljómi á alla sanna lærisveina
hans. I hlýðni við hann, í trygð við þann sannleika, sem
hann kendi þeim, hafa lika þeir orðið konungar. Pað er
miklu veglegra tákn um vald hans og tign, en sjálf dóm-
kirkjan, sem bygð er yfir gröf Péturs postula.
Jesús dó fyrir lífið, mennina. En hann dó ekki til að
leysa þá af syndum sínum, heldur til þess að kenna þeim
að lifa, lifa alvarlega, lifa heilt, lifa í samræmi við það
besta í sjálfum þeim og í samræmi og samfélagi við guð.
Og hann kom í heiminn, lifði og dó til að kenna þeim,
að jafnvel mestu þrautir verða dýrðlegar, þegar Iífinu er
lifað satt. Hann dó til að sýna gildi baráttunnar fyrir
því að vera heill, sannur, jafnvel sárustu baráttunnar, sem
lífið á til. Oetum við hugsað okkur nokkuð dýrðlegra
en Jesúm á krossinum með þyrnikórónuna á höfði. Um
hann leikur guðdómlegur friðarbogi IjósbTots tára og
þjáninga baráttunnar að vera sannur.
Við viljum heita kristin. Við viljum telja okkur nem-
endur Jesú frá Nazaret. Sumir halda að til þess þurfi
fyrst og fremst að láta skírast, fermast, ganga í kirkju,
læra orðrétt nokkrar skoðanir og játa þær, fylgja ytri
siðum og lifa á yfirborðinu. Guð hjálpi slíkum mönnum!
Það, sem Jesús kom til að kenna okkur, voru ekki ytri
siðir, ekki skoðanir, jafnve! ekki kenningar, heldur satt líf,
sannleikur í lífi og líf í sannleika.
Beygjum okkur í lotningu fyrir konungi sannleikans og
reynum að fy'gja honum í lífi okkar.
Verði þinn vilji svo á jörðu sem á himnum.
Arnór Sigurjónsson.