Ægir - 01.01.2002, Blaðsíða 10
10
F R É T T I R
„Það sem kannski kom okkur
sjálfum mest á óvart var að vöxt-
ur á fiskinum í þessa fjóra mán-
uði sem við vorum með hann í
kvíum. Vöxturinn reyndist vera
um 140% og við fengum út
lægri fóðurstuðul en hefði mátt
búast við. Það hefur almennt ver-
ið gengið út frá því að fóðurstuð-
ull með villtu fóðri eins og loðnu
sé 3, en við fengum út nálægt
2,1,” segir Björn Gíslason, nemi
við sjávarútvegsdeild Háskólans á
Akureyri, en hann hlaut ásamt
Bergi Guðmundssyni, skólafélaga
sínum, nýsköpunarverðlaun for-
seta Íslands fyrir tilraunaverkefni
þeirra félaga sl. sumar í áframeldi
á þorski, sem þeir unnu í sam-
vinnu við Útgerðarfélag Akureyr-
inga hf.
Björn og Bergur fengu hug-
myndina að þessu verkefni og
lögðu hana fyrir stjórnendur ÚA
og úr varð að veidd voru um tvö
tonn af þorski til áframeldis í
kvíum í Eyjafirði sl. sumar. Þetta
verkefni gekk mjög vel og niður-
stöðurnar voru athyglisverðar.
Björn tekur fram að þeir félagar
hafi hreint ekki verið að finna
upp hjólið með því að ala þorsk í
kvíum, það hafi oft verið gert
áður hér á landi. Hins vegar hafi
þessu eldi fylgt ákveðnar rann-
sóknir og upplýsingaöflun sem
hafi kannski ekki verið farið í
áður. Nðurstöðurnar hafi um
margt komið skemmtilega á
óvart. „Því er ekki að neita að
Norðmenn eru að skapa sér mikið
forskot á okkur í þorskeldinu og
það var eitt af því sem hvatti
okkur til þess að skoða þetta mál.
Norski sjávarútvegsráðherrann
kom hingað til lands fyrir stuttu
og í viðtali í Morgunblaðinu
hafði hann mörg orð um áform
Norðmanna og hvað þeir ætluðu
sér í þorskeldi í framtíðinni.
Þessar tölur voru svo stórar að
maður fór að velta því fyrir sér að
þetta mætti ekki yfir okkur
ganga án þess að eitthvað væri að
gert. Við erum auðvitað virkilega
ánægðir með að hafa fengið að
gera þetta verkefni og þar á Út-
gerðarfélag Akureyringa miklar
þakkir skildar. Það kom okkur
ýmislegt á óvart í þessu, til dæm-
is hversu skemmtileg eldistegund
þorskurinn er. Menn höfðu sagt
við okkur að reikna með því að
sjá fiskinn ekki allt sumarið,
hann myndi halda sig niður við
botninn. Annað kom á daginn.
Fiskurinn óð bókstaflega í kvínni
þegar við komum út að fóðra og
hann virtist þekkja okkur fljót-
lega,” segir Björn.
Björn segir ánægjulegt til þess
að vita að ákveðið hafi verið að
fara út í nákvæmar rannsóknir í
þorskeldi og menn gefi sér góðan
tíma til þess að skoða gaumgæfi-
lega allar hliðar málsins. Tilraun
þeirra Bergs í Eyjafirði gefi góðar
vonir um að áframeldi á þorski á
Íslandi sé raunhæft, en á þessa
rannsókn beri að horfa sem einn
hlekk í langri keðju víðtækra
rannsókna á þorskeldi á Íslandi.
Tveir nemar fengu nýsköpunarverðlaun fyrir þorskeldisverkefni:
Vaxtarhraðinn kom
okkur á óvart
- segir Björn Gíslason, nemi við sjávarútvegsdeild HA
Björn Gíslason (t.v.)
og Bergur Guðmunds-
son fengu nýsköpun-
arverðlaun forseta Ís-
lands fyrir tilrauna-
verkefni í áframeldi á
þorski í Eyjafirði.
Þorskeldiskvíarnar voru skammt undan
Svalbarðseyri við Eyjafjörð.
Fiskurinn óð bókstaflega í kvínni þegar við komum út að fóðra og hann virtist þekkja
okkur fljótlega,” segir Björn Gíslason m.a. í viðtalinu.
Mynd: Kristján Kristjánsson