Freyr - 15.09.1979, Page 13

leiðsluráðslögunum, sem veitir heimild til
stjórnunaraðgerða og reglugerð um það
efni. Síðan nefndi hann lög um forfallaþjón-
ustu og breytingu á jarðræktarlögum. Hann
kvað jarðræktarframkvæmdir miklu minni í
sumar en áður og kæmi því á næsta ári veru-
legt fjármagn til hagræðingar og nýrra
framleiðsluhátta.
Ráðherrann sagði að leita þyrfti nýrra at-
vinnugreina í sveitum og efla aukabúgreinar.
Nefndi hann fiskeldi, loðdýrarækt, hrossa-
rækt, æðarvarp og fleiri hlunnindi. Sagði
hann það álit fróðra manna, að hér ættu að
vera sérlega góð skilyrði til loðdýraræktar.
Ráðherrann minntist á afskipti sín af ýms-
um hagsmunamálum landbúnaðarins, bæði
á Alþingi og í ríkisstjórn. Hann nefndi útveg-
un 1300 milljóna króna í viðbótarframlag til
útflutningsbóta og síðan flutningi þings-
ályktunartillögu um 3500 milljóna framlag í
sama skyni. Sú tillaga var þó ekki samþykkt,
en tillaga um 3000 milljóna króna framlag
bíður sennilega Alþingis.
Ráðherrann lýsti góðum samskiptum sín-
um við forystu bænda í þessum málum og
öðrum, sérstaklega þó formann Stéttarsam-
bandsins.
Ráðherrann ræddi um almenna bænda-
fundi, sem hann hefði setið í öllum héruðum
landsins. Hefði það stórum aukið þekkingu
sína á málefnum bænda og áhugamálum
þeirra.
Um nýjan verðlagsgrundvöll landbún-
aðarins sagði ráðherrann, að óheppilegt
hefði verið, að bréf sexmannanefndar barst
ekki fyrr en rétt fyrir þennan fund. Hann
kvaðst að vísu hafa viljað staðfesta grund-
völlinn og verðlag samkvæmt honum. en
aðrir ráðherrar hefðu óskað eftir tresti til að
kynna sér málið, hækkun launaliðar o. fl. Það
væri viðtekin venja í ríkisstjórn að veita slíka
fresti, ef óskað væri eftir. Það hefði þó verið
bókað, að bændur skyldu engu tapa vegna
þeirrar frestunar.
Ráðherrann ræddi harðindi þessa árs og
kvað afleiðingar þeirra ekki enn að fullu
Ijósar. En hann gerði ráðfyrirað leggjatil, að
Fundarstjórar voru Magnús Sigurðsson á Gilsbakka
og Hermann Sigurjónsson í Raftholti.
styrkur yrði veittur þeim byggðarlögum, sem
erfiðast eiga.
Ráðherrann kvaðst fús að mæta á
bændafundum úti um land, ef búnaðarsam-
böndin óskuðu þess.
Að síðustu sagði hann, að erfiðleikar land-
búnaðarins væru angi af efnahagsvanda
þjóðarinnar. Þau mál þyrfti að taka föstum
tökum, ef við vildum lifa góðu lífi í okkar
frjósama og auðuga landi, þar sem við ætt-
um ekki einungis gjöfulan sjó heldur einnfg
arðbæra mold.
Ráðherrann óskaði fundinum allra heilla
og vænti áfram góðrar samvinnu við bænda-
samtökin.
5. Ávarp formanns Búnaðarfélags íslands.
Ásgeir Bjarnason, formaður Búnaðarfélags
íslands, ávarpaði fundarmenn.
Hann minntist fyrst góðrarsamvinnu Bún-
aðarfélags íslands og Stéttarsambands
bænda. Hann sagði, að málefni bændastétt-
arinnar hefðu aldrei áður legið fyrir eins og
nú, annars vegar framleiðslumagnið og
sölutregðan, hins vegar harðindin í vor og
FREYR
577