Freyr - 15.09.1979, Side 16

harðæri o. fl. Hann tók undir orð landbún-
aðarráðhérra um aukna fjölbreytni í land-
búnaði.
Einar kvað þörf á að auka tengsl Stéttar-
sambands og bænda. Hjá sumum bændum
væri of mikil tortryggni í garð forystumanna.
Hann tók undir orð fyrri ræðumanna um þörf
áauknum auglýsingum. Hann sagði að reyna
þyrfti að selja kjöt útbúið sem best til hraðrar
matreiðslu.
Jón Guðmundsson, Óslandi, ræddi frest-
un verðlagsákvarðana, niðurgreiðslur,
lánamál, markaðsmál, skattamál o.fl. Hann
sagði, að stefna í lánamálum hefði verið
öfug, meðan lánin voru ekki takmörkuð
meira til stórra bygginga.
Sigurður J. Líndal kvað framleiðslumálin
aðalmál þessa fundar og rakti samband
framleiðslu og veðráttu og benti á, að bænd-
ur stæðu ólíkt að vígi eftir landshlutum.
Hann benti á, að síðustu árin hefur verð-
lagning gengið betur en áður, og bjóst ekki
við, að betri árangur næðist með beinum
samningum við ríkisvaldið. í tilefni af tillög-
um millifundanefndar um breytingar á sam-
þykktum Stéttarsambandsins taldi Sigurður
nóg að hafa kjörmannafund árlega, en of
mikið í borið að halda 2 á ári.
Stefán Á. Jónsson sagði, að gott árferði
hefði bætt hag bænda síðustu árin ásamt
réttlátari verðlagningu og viðbótarframlög-
um til útflutningsbóta. Hann þakkaði störf
harðærisnefndar og tillögu meiri hluta
hennar um 3000 milljóna króna framlag til
verðbóta. Vonir um sem næst fullt verð fyrir
sláturfé tryggja betri ásetning og afkomu
næsta árs. Hann áréttaði einnig ýmis átriði,
sem fram komu hjá fyrri ræðumönnum.
Hermann Guðmundsson taldi erfiðleika
bænda nú ekki nema él og síðar mundi verða
þörf fyrir íslenskar búvörur. Frá upphafi ís-
landsbyggðar hafa landbúnaðarvörur verið
fluttar út, og svo ætti enn að vera. Hann lagði
áherslu á góða heyverkun með votheysgerð
og súgþurrkun og hvatti til, að styrkur vegna
súgþurrkunar greiddist sama árið og hún
kæmist á. Hann taldi jarðræktarlögin ómet-
anleg og hefðu þau m. a. greitt götu góðs
neysluvatns í heilum byggðarlögum.
Sveinn Tryggvason ræddi markaðsmálin,
lagði áherslu á innanlandsmarkað og hvatti
alla til að gera það, sem hægt væri til að nýta
hann sem best, m. a. með nýbreytni í vinnslu
og dreifingu. Hann minntist á erfiðleika út-
flutnings og taldi íslenska utanríkisþjónustu
gera lítið.til aðstoðar í þeim efnum. Lagði
hann fram tillögu um ráðningu sérstaks
verslunarfulltrúa vegna sölu búvöru er-
lendis.
Var þá gefið matarhlé til kvöldverðar.
Þórarinn Þorvaldsson rakti forsendur
þess, að útreikningar sýndu tekjur bænda
svo miklu meiri 1978 en 1977. Þar ættu hlut
að máli vissartilfærslur milli ára. Hann ræddi
einnig ágalla skattalaga og ranglæti, sem
baéndur yrðu fyrir af þeim sökum.
Guðm. Ingi Kristjánsson hvatti bændurtil
að taka tillittil markaðsaðstæðnavið fækkun
bústofns í haust, svosem aðfækkaekki kúm,
svo að mjólkurskortur yrði í vissum lands-
hlutum, og taldi misjafnt verð á vetri og sumri
geta haft þar áhrif. Hann lagði áherslu á inn-
anlandsmarkað og minntist á för sína til
Noregs, þar sem mjólk var í hávegum höfð á
veitingastöðum. Hann varpaði fram ábend-
ingum varðandi tillögur millifundanefndar
um breytingar á samþykktum sambandsins.
Jón Bjarnason hvatti til þess, að bænda-
samtökin kæmu upp kynningarefni, sem
notað yrði í skólum og fjölmiðlum til fræðslu
um íslenskan landbúnað. Hann lagði fram
tillögu um að stofna félagsmálaskóla bænda
í samvinnu við önnur skyld félagasamtök.
Sigurður Jónsson Kastalabrekku þakkaði
landbúnaðarráðherra sérstaklega þau orð,
að harðæri mætti ekki stjórna bústofn-
sfækkun í landshlutum, heldur þyrftu jöfn-
unaraðgerðir að koma til.
Kristján Guðmundsson hvatti til aukinnar
þátttöku kvenna í bændasamtökunum og til
aukinnar votheysgerðar.
580
FREYR