Freyr - 15.09.1979, Qupperneq 47

Sala kjöts til Noregs stöðvaðist í verkföll-
unum í vor og olli það ótta um, að kjötbirgðir
yrðu verulega meiri við upphaf sláturtíðar í
haust en var á sl. ári. En vegna ríflegrar-
kjötsölu innanlands á þessu ári eru ekki
horfur á, að verulegur munur verði á birgð-
unum. Helst væri, að birgðir ærkjöts yrðu
eitthvað meiri.
Ostaútflutningur stöðvaðist einnig í verk-
föllunum í vor, og fyrir það eru birgðir af osti
meiri nú en ráðgert var, að yrði, og færist
hluti þess, sem átti að flytja út á verð-
lagsárinu, til nýs verðlagsárs.
í upphafi þessa árs var áætlað, að útflutn-
ingsbótaþörf verðlagsársins 1978—1979
yrði 10,7 milljarðar króna og réttur okkar til
útflutningsbóta úr ríkissjóði yrði um 5,6
milljarðar króna. Af þeirri upphæð voru að-
eins 4,3 milljarðar á fjárfögum. Sú fjárhæð
var að fullu notuð snemma sumars. Var þá
mikið eftir af ógreiddum útflutn-
ingsbótareikningum.
Við þá breytingu, sem orðið hefur á út-
flutningsmagni verðlagsársins, minnkar
fjárþörfin, og er talið, að hallinn sé nú um
3.480 milljónir króna.
(Fskj. X).
Til að mæta áætluðum halla var í lok maí,
eftir að Alþingi hafði fellt tillögu um aukna
fyrirgreiðslu til bænda vegna útflutningsins
að upphæð 3,5 milljarðar króna, ákveðið að
innheimta verðjöfnunargjöld.
Þau voru 190 kr. af kg dilkakjöts frá síðasta
hausti, 95 kr. af kg ær- og hrútakjöts frá síð-
asta hausti og 10 kr. af mjólkurlítra fram-
leiddum á þessu almanaksári.
Þessi verðjöfnunargjöld gætu gefið, ef þau
verða innheimt að fullu, um 3,6 milljarða
króna.
í byrjun júnímánaðar skipaði landbún-
aðarráðherra harðærisnefnd, svo sem áður
er komið fram.
Nefndin hafði tvíþætt verkefni. Annars
vegar að gera tillögur um fjárhagslega að-
stoð við bændur vegna vorharðindanna og
hins vegar að gera tiliögur ti! lausnar sölu-
vandamálunum vegna vöntunar útflutn-
ingsbóta.
Tillögur meirihluta nefndarinnar um það
efni voru, að ríkissjóður útvegaði 3 milljarða
króna í þá vöntun, þar af kæmu 2 milljarðar á
verðlagsárinu 1978—1979, en 1 milljarður
króna á verðlagsárinu 1979—1980 vegna
þeirra birgða, er færðust á milli verð-
lagsáranna í útflutningi.
Einn nefndarmanna, Eiður Guðnason,
vildi aðeins láta helming þessararfjárhæðar í
þessu skyni, en auk þess 500 milljónir króna
til að kaupa bændurtil að hætta búrekstri.
Ekki er nú vitað hvað gert verður með
þessar tillögur. En trúiegt þykir mér, að end-
anleg ákvörðun bíði þess, að Alþingi komi
saman og taki á málinu á nýjan leik, hvort
sem það ber árangur eða ekki.
VERÐLAGSMÁL.
Verðlagning og tekjur bænda. Eftir verð-
lagssamningana á síðasta hausti komu fram
hækkanir á rekstrarvörum og kaupi, og
hækkaði verðlagsgrundvöllur af þeim
ástæðum 1. desember um 6,7%, 1. mars um
6,07%, 1. júní um 13,33%, samtals 29,44%.
í byrjun ágústmánaðar skilaði Búreikn-
ingastofa landbúnaðarins uppgjöri fyrir sl.
ár. Það uppgjör sýndi verulega mikla hækk-
un á „fjölskyldutekjum", þ. e. launum hjóna,
barna innan 16 ára aldurs að meðtöldum
vöxtum af eigin fé. Tekjur þessar hækkuðu
um 112% miðað við hliðstæðar tekjur 1977.
Til uppgjörs komu 152 reikningarað þessu
sinni. Meðalbústærð var 608 ærgildi hjá
þeim bændum. Stærst voru kúabúin, 797
ærgildi, en sauðfjárbúin minnst, 403 ærgildi,
en blönduðu búin 53I ærgildi. Allt er þetta
reiknað sem meðaltal allra mánaða ársins.
Skuldir til langs tíma eru kr. 3.313.520,-
eða kr. 2.398 þúsund miðað við vísitölubúið.
Lausaskuldir eru kr. 591.453,- eðatilsvarandi
við vísitölubúið kr. 428.120,-.
Skuldir eru furðu litlar miðaðar við bú-
stærð og heildarfjármagn og vélakostur er á
lágu verði.
FREYR
611