Freyr - 01.12.2002, Blaðsíða 34

Ráðstefnan
HROSSARÆKT 2002
Hin árlega hrossaræktar-
ráðstefna var haldin í A-
sal Hótel Sögu 22. nóvember sl.
Ráðstefna þessi hefur heldur
betur fest sig í sessi frá því far-
ið var af stað með hana fyrir
tveimur árum ef marka má að-
sóknina og ljóst að panta verð-
ur stærsta sal Sögu að ári. Ráð-
stefnugestir voru vel á annað
hundrað talsins, hrossarækt-
endur, tamningafólk, kennarar,
dýralæknar og annað áhuga-
fólk um íslenska hrossarækt. A
ráðstefnunni voru á dagskrá
fastir liðir, eins og umfjöllun
Agústar Sigurðssonar um rækt-
unarstarfið á árinu og afhend-
ing viðurkenninga fyrir gæða-
stjórnun í hrossarækt, auk til-
nefninga til ræktunarverðlauna
ársins. Þessum þáttum eru gerð
skil á öðrum stöðum hér í blað-
inu. Aðal tromp ráðstefnunnar
að þessu sinnu voru gestafyrir-
lesararnir, þau dr. Sigríður
Björnsdóttir, Herdís Reynis-
dóttir og dr. Þorvaldur Arna-
son. Hér á eftir fer útdráttur úr
erindum þeirra.
Á.S.
ÚTDRÁTTUR ÚR ERINDl
Herdísar Reynisdóttur
BÚFRÆÐIKANDÍDATS:
Mælingar í STAÐ DÓMA.
Frá örófi alda hafa hestamenn
velt fyrir sér byggingu hrossa
með tilliti til fegurðar, hreysti og
hæfileika.
Ræktun flestra hestakynja mið-
ast við að fegra hestinn og
styrkja getu hans til að inna af
hendi þau verkefni sem honum
eru ætluð. Fegurð er afstætt hug-
tak og smekkur manna á bygg-
ingu hrossa misjafn. Hlutverk
hinna ýmsu hrossakynja eru
sömuleiðis ólík og endurspeglar
bygging hrossa að miklu leyti
það hlutverk sem hvert kyn hefur
verið ræktað fyrir. En þrátt fyrir
að mikið hafi verið ritað og rætt
um byggingu hrossa og tengsl
hennar við hæfileika síðustu 200
árin er lítið til af hlutlægum eða
áþreifanlegum gögnum.
Almennt hefur arfgengi beina-
byggingarinnar verið metið nokk-
uð hátt (0,5-0,7) en mun lægra
arfgengi er á einkunnum byggð-
um á huglægu mati fyrir bygg-
ingarþætti. Því má ætla að hlut-
lægt mat með mælingum á bygg-
ingarþáttum, sem tengjast æski-
legum hæfileikaþáttum, ætti að
koma kynbótum hrossa til góða.
Nokkrir vísindamenn hafa reynt
að þróa tækni til þess að mæla
þessa byggingarþætti hrossa og
einn þeirra er dr. Mikael Holm-
ström. Hann hefur þróað tækni til
að greina beinabyggingu hrossa
og fá stuðul sem segir til um
hvort viðkomandi hross sé líklegt
| 34 -Freyr 10/2002