Skátablaðið - 01.12.1961, Síða 34

EYSTEINN SIGURÐSSON:
F ramííS
SKÁTABLAÐSINS
AÐ er gamall og góður siður að
Hminnast merkra tímamóta með
því að stalclra við um stund,
* renna huganum aftur í fortíð-
ina og hafa hliðsjón af liðnum tíma, þegar
hugað er að því, hversu bezt megi haga
vegferðinni inn í framtíðina.
Nú standa íslenzkir skátar einmitt á slík-
um tímamótum. Innan skamms munu þeir
minnast hálfrar aldar afmælis hreyfingar
sinnar með þeirri viðhöfn, sem slíkum við-
burði hæfir, og sem liður í þeim hátíða-
höldum fer nú senn að renna upp skátaár-
ið 1962, en þá mun skátahreyfingin ís-
lenzka reyna að kappkosta að hafa sem
flesta og bezta skáta innan sinna vé-
banda.
Því ber ekki að neita, að mörg undanfar-
in ár hefur höfuðmálgagn íslenzkra skáta,
Skátablaðið, verið hálfgert vandræðabarn
á skátaheimilinu íslenzka. Blaðið hefur
komið oft óreglulega út, það hefur haft til-
tölulega fáa áskrifendur, og einnig hefur
það barizt í bökkum fjárhagslega og oft orð-
ið stórtap á rekstri þess. Áhugi skátaforingj-
anna, og þá jafnframt skátanna sjálfra, hef-
ur og verið dræmur fyrir hag blaðsins, enda
eðlilegt, þar sem útgáfa þess og rekstur all-
ur hefur gengið svo brösótt. Á öllum meiri
háttar ráðstefnum skáta, svo sem Skáta-
þingum, hefur útgáfa blaðsins verið fastur
dagskrárliður, en sjaldnast komið fram
neitt raunhælt til úrbóta.
Þetta ófremdarástand á sér vissulega sín-
ar orsakir. Þegar útgáfa Skátablaðsins stóð
með sem mestum blóma á stríðsárunum síð-
ari og fyrst eftir þau, var óvenjumikil og
almenn fjárhagsleg velmegun í landinu.
Það gerði það aftur að verkum, að sala
Skátablaðsins varð tiltölulega auðveld við-
fangs, og auðveldaði jafnframt söfnun aug-
lýsinga, sem voru og eru enn annar helzti
tekjustofn blaðsins. Síðan hefur eins og öll-
um er kunnugt þrengt mjög fyrir dyrum
hjá mörgum, og hefur það ekki hvað sízt
bitnað á tekjustofnun Skátablaðsins, svo að
blaðið, sem áður kom út sex sinnum á ári
og birti lesmál fyrir skáta á um það bil
tvö hundruð síðum árlega, gerir nú ekki
betur en að birtast fjórum sinnum á ári með
lesmálssíðufjölda, sem gott þykir, ef losar
hundraðið. Fjárhagsafkoman er með af-
brigðum léleg, og peningaörðugleikarnir
vaxa með hverju árinu sem líður.
Þetta er ófremdarástand og úr þessu þarf
að bæta. íslenzka skátahreyfingin er öflug
og sterk, en engum mun blandast hugur
um, að vilji hún halda styrkleika sínum
áfram, þá sé henni meiri nauðsyn á fáu
öðru en að eiga sér öflugt og útbreitt mál-
gagn, sem sé tengiliður skátanna um allt
land, túlki skoðanir þeirra og flytji þeim
116
SKATABLAÐIÐ