Skátablaðið - 01.12.1961, Side 36

æskulýðsfélög, t. d. íþróttafélög, innheimta
ársgjöld af meðlimum sínum, sem nema eitt
til tvöhundruð krónum, þá getur þetta ekki
talizt mikið miðað við allt það sem skáta-
félögin láta meðlimum sínum í té. Er og
ótrúlegt, að foreldrar myndu amast við að
greiða þessa upphæð fyrir börn sín, ef þau
í staðinn vissu af þeim í góðum félagsskap
við holl og þroskandi störf.
Um ýmis minni háttar framkvæmdar-
atriði í sambandi við þessa breytingu yrði
að sjálfsögðu að fjalla eftir því sem þau
kæmu fram. Til dæmis mætti telja eðlilegt,
að þessi breyting væri ekki látin ganga yfir
ylfinga og Ijósálfa, heldur aðeins yfir skáta,
11 ára og eldri, og að sjálfsögðu væri rétt
að gefa gömlum skátum og áhugamönnum
um skátastarf kost á að vera áfram áskrif-
endur að blaðinu gegn hæfilegu áskriftar-
gjaldi. Dreifingunni mætti til dæmis haga
þannig, að í hverju félagi eða hverri deild,
þar :em stærri félög eru, væri skipaður sér-
stakur embættismaður, sem annaðist dreif-
ingu blaðsins til skátanna. Til að tryggja
enn betur, að blaðið kæmist til skila, mætti
t. .d auglýsa það í útvarpi, þegar blaðið
kæmi út, og benda skátunum á að vitja
þess til umboðsmanna. Með þessu fyrir-
komulagi væri að sjálfsögðu ekki girt fyrir,
að fleiri en eitt eintak bærist inn á heim-
ili, þar sem systkini væru fleiri en eitt skát-
ar, en þar sem um hollt og gott lestrarefni
er að ræða, ætti slíkt ekki að koma að sök,
enda er ekki um svo stórt fjárhagsatriði að
ræða.
Það er óbifanleg sannfæring mín, að sú
breyting, sem hér fyrir framan er lýst, sé
eina leiðin, sem fær sé til að koma útgáfu
Skátablaðsins aftur í viðunandi horf. Þetta
sama fyrirkomulag var notað fyrsta áratug-
inn, sem Skátablaðið kom út, og þótt útgáf-
an hafi gengið vel fyrstu árin eftir að henni
var breytt í núverandi horf, þá stafaði það
fyrst og fremst af óvenjulegri fjárhagsvel-
megun í landinu. Nú blasa aðeins við tvær
leiðir fyrir íslenzka skáta til að haga fram-
tíðarrekstri Skátablaðsins eftir, önnur er sú
að láta allt hjakka í sama farinu og verið
hefur, láta blaðið koma óreglulega og sjald-
an út og borga meiri eða minni taprekstur
á því á ári hverju; og hin leiðin er að hækka
ársgjöldin til B.Í.S., senda öllum skátum
landsins í þess stað stórt og vandað Skáta-
blað annan hvern mánuð eða oftar og
tryggja jafnframt örugga fjárhagsafkomu
blaðsins og hallalausan rekstur þess. Það
er stefnt að því að láta komandi ár, —
Skátaárið, — verða ár öflugrar og sterkrar
skátahreyfingar á íslandi. Ef svo á að geta
orðið, er fátt öllu nauðsynlegra en að þessi
öfluga hreyfing eigi sér útbreitt og víðlesið
Skátablað að málgagni.
118
SKATABLAÐIÐ