Litli Bergþór - 01.12.1988, Blaðsíða 17

Litli-Bergþór
Sigríður J. Sigurfinnsdóttir
Á aðalfundi Umf. Bisk. vorið 1979 var
kosin útgáfunefnd í fyrsta sinn. Hlutverk
hennar var fyrst og fremst að koma
fréttum frá Umf. á framfæri. Ekki var
hugmyndin þá að það yrði í jafn stórum
stíl og útgáfa Litla-Bergþórs er orðin nú.
Þegar leið á næsta vetur var farið að
undirbúa útgáfu fréttablaðs og kom það
eins og af sjálfu sér, undir handleiðslu
Gríms Bjamdal “útgáfustjóra” og Sveins
Sæland þáverandi formanns Umf. Bisk.
og núverandi ritstjóra.
í 1. tölublaði 1. árgangs Litla-Bergþórs,
sem kom út 5. mars 1980 segir m.a. svo í
ritstjóragrein Gríms Bjamdal: ”í gamni og
alvöru”:
“Einu sinni var ritnefnd og afrek hennar
em elstu Tungnamönnum kunn, því hún
gaf út blað er nefnt var Bergþór, eftir karli
miklum er bjó í Bláfelli.
Nú er öldin önnur. Ritnefnd er að vísu til,
en hver hún er og h var hún er, vita sjálfsagt
fáir. Það dettur engum í hug að vekja
Bergþór í Bláfelli til lífsins, en ég er
sannfærður um að til eru þeir sem hafa hug
á að hefja á ný útgáfu Bergþórs. En hinir
frómustu menn segja það jafnerfitt verk
að vekja ritnefnd til dáða og að særa fram
draug. Fleiri nefndir er brenndar sama
brennimerki og ritnefnd. Nálega eitt ár er
frá því að útgáfunefnd var komið á fót og
má segja að þetta sé hennar fyrsta skref,
það er því hægara um að ræða en í að
komast, en vonandi er u'mi krafta-
verkanna ekki liðinn.
Hér með hefur göngu sína “Fréttablaðið
Litli-Bergþór.” Nafnið erkomið ffá áður
nefndu blaði og er nafngift útgáfustjóra.
Markmið þessa blaðs er að koma alls
konar upplýsingum, fréttnæmu efni
héðan úr byggðalaginu á framfæri við
ykkur lesendur góðir. Öllum er heimilt að
senda inn efni til birtingar og mun
útgáfunefndin sjá til þess að sem flest
komi í blaðið.”
í þessu 1. tbl. eru fréttir af þingi HSK. og
af félagsvist Umf. Bisk. og ber þar mest á
vísum eftir Jóhannes á Litla-Fljóti og
Björn í Úthlíð, þar sem þeir voru fengnir
til að yrkja um ýmis málefni til skemmt-
unar á félagsvistinni:
“Hvemig gengur að vakna á morgnana?
Jóhannes:
Friðinn lengur fæ ég ekki,
í fússi lem ég klukkuna.
Verra skítverk vart ég þekki,
en vakna snemma á morgnana.
Afmælisvísa um sjálfan sig.
Bjöm:
Þótt gildni vömb og gráni hár,
glaður þrátt ég glími.
Því fjörutíu og fjögur ár,
finnst mér stuttur tími.
Þá var yrkisefnið hestur.
Jóhannes:
Staður, hvimpinn, slægur, latur,
styggur væri ef nennti því.
Ef í honum væri einhver matur
eflaust færi hann pottinn í.”
„ Vel má vera aö tilvist Litla-
Bergþórs hafi að einhverju,
leyti orðið hvati að skrifum
Einars [Gíslasonar frá
Kjarnholtum], allavega þegar
fram í sótti og er það vel efsvo
er. Einnig má ímynda sér að
svo sé og eigi eftir að verða hjá
fleiri góðum mönnum, því
margir eiga minningar sem
eru þess virði að festa beri á
blað."
Látum þetta nú duga af 1. tölublaðinu. í
næsta blaði birtust úrslit úr íþróttamóti og
æ síðan hafa iðulega birst úrslit móta.
Fljótlega fóru að berast greinar frá öðrum
félögum hér innansveitar, nú eða einstak-
lingum, en alltaf þurfti að ganga eftir
þeim. Nú er svo komið að algengt er að
Sigríður J. Sigurfinnsdóttir.
menn hafi samband og vilji komagreinum
eða fréttum á framfæri.
Vorið 1981 tekur Margrét Sverrisdóttir
við starfi ritstjóra og var í því í 1 ár. Þá tók
við Sigríður J. Sigurfinnsdóttir, en 2 árum
seinna eða vorið 1984 verður Sveinn
Sæland ritstjóri og er hann það enn.
Varðandi uppsetningu LB er það að
segja að mikil þróun hefur orðið. í
upphafi var fjölritað af stenslum með
akkúrat engum skemmtilegum
möguleikum, en nú hefur tölvuöldin
haldið innreið sína, svo nú þarf að vara sig
á vírusum.
Ýmsir þættir eiga sér fastan sess í Litla-
Bergþór. Ber þar hæst fréttaþátt sem er í
sífelldri þróun. Vísnaþátturhefur veriðaf
og til og einnig ættfræðiþáttur.
“Eins og mér sýnist”, er þáttur þar sem
hver sem getur skrifað um hvaðeina sem
honum liggur á hjarta, (líkist helst
útvarpsþættinum “Um daginn og
veginrí’) og hefur ritnefnd helst viljað
halda í þáttinn en oft gengið illa að fá fólk
til að skrifa.
Erfiðlega hefur gengið með “Viðtalið”
og hefur það æði oft fallið niður, þrátt fyrir
góðan vilja ritnefndar og ýmissa
aðstoðarmanna sem kvaddir hafa verið til.
Ýmsar frásagnir hafa birst í LB á seinni
árum, fróðlegar og skemmtilegar og yrði
of langt mál að telja þær upp, en mig lan-
gar sérstaklega að nefna greinar Einars
Gíslasonar frá Kjamholtum.
Vel má vera að tilvist Litla-Bergþórs
hafi að einhverju leyti orðið hvati að skri-
fum Einars, allavega þegar fram í sótti og
erþað vel ef svo er. Einnig má ímynda sér
að svo sé og eigi eftir að verða hjá fleiri
góðum mönnum, því margir eiga minn-
ingar sem eru þess virði að festa beri á
blað.
Litli Bergþór
17