Litli Bergþór - 01.12.1988, Qupperneq 24

Kvenfélaginu var Kristrún
Sæmundsdóttir Brautarhóli. Þessi nefnd
til undirbúnings, kom fyrst saman í
Reykholti 15. maí 1953. Formaður var
kosinn Helgi Kr. Einarsson. Fyrst var
athugað hvar helst myndi mögulegt að
byggja. Kom strax í ljós, að sveitin mundi
ekki eiga nóg land til að byggja á í
Reykholti. Komu helst til álita tvær
spildur; önnur norðvestan þjóðvegar fyrir
austan túnið á Brautarhóli ; hin neðan
skólalóðar, þar sem Aratunga er nú.
Báðar þessar spildur átti Kristinn bóndi á
Brautarhóli. Hann tók vel í það að selja
land undir hús. Hinn 20. ágúst 1953 kom
nefndin enn saman að Brautarhóli. Þá var
þar einnig mættur Þorsteinn Einarsson
íþróttarfulltrúi og framkvæmdarstjóri
Félagsheimilasjóðs. Þar var ákveðið að
mæla þessar spildur og meta kostnað.
Hitalögn yrði dýrari á svæðið vestan
vegar en tilfærsla á landi vegna
íþróttavallar yrði meiri fyrir neðan
skólann. Eftir mælingar og áætlanir var
talið að kostnaður við framkvæmdir yrði
um kr. 16.000 meiri á svæðinu vestan
þjóðvegar en fyrir neðan skólalóðina.
íþróttafulltrúi mælti fremur með því, að
byggt yrði fyrir neðan skólann. Enn frem-
ur með tilliti til sameiginlegra nota af
íþróttamannvirkjum.
Þcgar hér var komið sögu var málið
lagt fyrir almennan sveitarfund 9. febrúar
1954. Sá fundur var fjölmennur. Þor-
steinn á Vatnsleysu var fundarstjóri en
málshefjandi Helgi Kr. Einarsson
Hjarðarlandi. Ábyggilega var nokkur
glímuskjálfti meðal forgöngumanna
húsbyggingarmálsins, minnugir þess, að
samkomuhúsið á Vatnsleysu hafði reynst
nokkur fjárhagslegur baggi og ekki síður
að um þá byggingu hafði alls ekki ríkt
nógu góð eining í sveitinni. En við
umræður á fundinum kom strax í ljós
almennur áhugi fyrir því að byggja hús og
þar voru samþykktar tillögur lið fyrir lið
nær einróma, um að hefjast handa um
byggingu sem miða skyldi við sal sem
tæki 250 manns í sæti, þar sem Aratunga
stendur nú.
Þann 18. febrúar 1954 var á fundi
undirbúningsnefndar að Hjarðarlandi,
ákveðið hver kostnaðarhlutföll skyldu
vera í þátttöku þeirra aðila sem að bygg-
ingunni stæðu.
Félagsheimilasjóður skyldi, sam-
kvæmt lögum, taka á sig 40%, en eigendur
60%. Af því skyldi hreppurinn taka á sig
68%, Umf. Bisk. 30% og Kvenf. Bisk.
2%. Á þessum fundi var einnig ákveðið
að í eigendanefnd skuli vera 3 menn frá
hreppsnefnd, 3 frá Umf. Bisk. og 1 frá
Kvenf. Bisk. Á þessum fundi var mætt
næröll hreppsnefndin, stjóm Umf. Bisk.
og gjaldkeri Kvenf. Bisk. ásamt
undirbúningsnefndinni. Þá var einnig
ákveðið að í framkvæmdamefnd skuli
vera þrír; þar af 2 ffá Umf. Bisk. og 1 frá
hreppsnefnd. Kvenfélagskonur töldu sig
hafa litla möguleika á að fjármagna
húsbygginguna, en töldu sig hins vegar
geta lagt lið við rekstur húsins þegar þar
að kæmi.
2. maí 1954 hélt hin nýkjöma eig-
endanefnd fyrsta fund sinn að Vatnsleysu.
í henni voru: frá Biskupstungnahreppi:
Skúli Gunnlaugsson oddviti
Bræðratungu, Karl Jónsson bóndi
Gýgjarhólskoti, Sigurður Greipsson
skólastjóri Haukadal ; frá Kvenf. Bisk-
upstungna: Kristrún Sæmundsdóttir
húslfú Brautarhóli; fráUmf. Bisk.: Einar
G. Þorsteinsson Vatnsleysu, Björn G. Er-
lendsson bóndi Skálholti og Helgi Kr.
Einarsson bóndi Hjarðarlandi, sem þá var
kosinn formaður nefndarinnar og var það
til 1963.
Nú þurfti margt að starfa: sækja um
fjárfestingarleyfi til Innflutningsráðs,
semja um kaup á því landi sem til þurfti,
mæla landið og kortleggja, teikna hús og
mannvirki. Skúli Gunnlaugsson og Helgi
Kr. Einarsson voru valdir til að fara á fund
Kristins bónda á Brautarhóli til að semja
um landkaupin. Hann gafkostáca. 4ha.
lands á kr. 5000 pr. ha. Að tillögu Þor-
steins Einarssonar íþróttafulltrúa var leit-
að til teiknistofu Gísla Halldórssonar um
hústeikningu. Tíminn líður hægt og
bítandi. Það er teiknað, mælt og áætlað.
16. apríl 1955 var svo kosin
framkvæmdamefnd: Loftur Kristjánsson
Felli og Einar G. Þorsteinsson frá Umf.
Bisk. og Þórarinn Þorfinnsson,
Spóastöðum, sem var gjaldkeri nefndar-
innar. Teikningar fóru milli teiknistofu
og eigendanefndar til athugunar og
breytinga. Sótt var um fjárfestingarleyfi
og fékkst vilyrði fyrir að fjárfesta í annarri
tilraun, fyrir allt að 150.000,- árið 1956.
15. maí 1956 komu til athugunar
lokateikningar, sem voru þá endanlega
samþykktar. Þær þurfti svo að senda
Félagsheimilasjóði til endanlegrar
samþykktar og svo til innflutningsskrif-
stofu. í öllu þessu bréfastússi var
íþróttafulltrúi Þorsteinn Einarsson,
framkvæmdastjóri Félagsheimilasjóðs,
alltaf boðinn og búinn til að gefa góð ráð
og liðka málið.
Á þessu ári var svo hafist handa við
bygginguna. Steyptur var upp kjallari
undir veitingasal og eldhús og plata yfir
hann. Enginn fastur verkstjóri var ráðinn,
en Eiríkur í Miklaholti sá um þetta verk,
ásamt framkvæmdarnefndinni.
Kostnaður þetta árið var kr. 269.433,- .
Ekkert fékkst úr Félagsheimilasjóði þetta
24
Litli Bergþór