Skólablaðið - 01.05.1992, Side 20

20 SKÓLABLAÐIÐ
Samtal
- eftir Skagfirding
Er það ekki undarlegt hvað manni getur haldist illa
á peningum?
Nei, ég var nú bara eitthvað að spekúlera. Sko,
tökum mig sem dæmi... Ég meina, í sumar var ég að
vinna í tvo mánuði í fiski, út á landi,... í Keflavík.
Einhvernveginn hefur mér aldrei fundist Keflavík vera
úti á landi, skilurðu hvað ég meina. Alltaf þegar maður er
að fara til útlanda, þá fer maður þar framhjá. Æi,... svona
pláss eins og Akranes, Selfoss og Keflavík og svona,... ég
meina manni finnst maður bara ekki almennilega vera
kominn út á landsbyggðina. En svona staðir eins og Akur-
eyri, Borgarnes og Stykkishólmur,... ég var í sumarbúð-
um hjá Stykkishólmi, algjört skítapláss. Ég meina,... það
er eitthvað þannig sem ég hugsa mér sveitina, eitthvað
svona,... afskekkt. Það er ekki eins og ég sé neitt á móti
landsbyggðinni, ég hef bara svo lítið farið út á land, bara
hringveginn með pabba og mömmu. Ætli ég hafi ekki ver-
ið svona tólf ára. Man eiginlega ekki neitt eftir þessu. Ég
var svo bílveikur þegar ég var minni. Þetta var bara einn
allsherjar ælutúr. Svo stoppuðum við hjá systur mömmu á
Vopnafirði. Ég á pennavinkonu á Vopnafirði, hún er
heimsk, alltaf að skrifa um hestinn sinn, Stjörnu. Ég er nú
eiginlega alveg hættur að nenna að skrifa henni. Þetta er
svo mikið pakk þetta hestafólk.
En ég man að mér fannst alveg rosalega gaman í Skafta-
felli. Það er eitthvað svo fallegt þarna. Til dæmis fossinn
þarna,... Svartifoss. Hann er alveg svakalegur.
Verst hvað maður þarf að labba langt upp að honum.
Ég hef séð alveg ofboðslega flottar slæds-myndir af þess-
um fossi. Mér finnst að það ætti að hafa hann framan á
Símaskránni. Það er nefnilega svo töff að sjá grjótið þarna
í kring,... stuðlana.
Nei, annars veit ég ekki,... kannski fer maður ekki nóg
út á land. Auðvitað eiga menn að skoða landið sitt. Þetta
er bara svo mikil spurning um peninga.
Já, peninga,... sagði ég þér ekki frá því að ég var að
vinna í Keflavík. Ógeðslegt slor. Auðvitað var þetta ágæt-
lega borgað en það eru nú takmörk hvað maður leggur á
sig. Hefurðu slægt fisk? Það er viðbjóðslegt. Manni finnst
næstum eins og hann sé lifandi, þó hann sé steindauður.
Skilurðu hvað ég meina? Næsta sumar held ég að ég fái
mér bara vinnu í bænum. Ætli ég hafi ekki fengið svona
300.000 kall út úr sumrinu. Ég er búinn með það fyrir
löngu. Kláraði það um áramótin.
Hesturinn minn hún Stjarna.
Djöfull var ég fullur þá. Ég man ekkert hvað ég gerði
eftir að skaupið var búið. Stelpan sem hélt partýið sem ég
var í, pantaði bara leigubíl og sendi mig heim. Ógeðslega
stressuð manneskja, hélt að ég myndi brjóta eitthvað.
Þetta er náttúrulega geðbilað þetta pakk. Æi, djöfullinn
sjálfur, ég dey ef ég fæ ekki kaffibolla. Viltu lána mér
þrjátíu krónur. Ég lofa að borga þér aftur. Ég á ennþá
eitthvað eftir af peningum frá því ég fermdist. Meirihátt-
ar, ég borga þér örugglega aftur. Heyrðu, allt í orden, við
sjáumst seinna. Sláðu endilega á þráðinn einhverntíma.
Alltaf gaman að heyra í þér.
Höfundur kaus af augljósum ástæöum að birta „þetta“ undir dulnefni
Nú segja þeir bara: I wanna feel your body baby. - Ólafur Oddsson.