Skólablaðið - 01.05.1992, Qupperneq 62

62 SKÓLABLAÐIÐ
HÁKONI SVEINSSYNI SVARAÐ:
Hallærispopparar
— eftir Barða Jóhannsson lll.C.
/
myrkum degi í janúarmánuði fékk ég til umráða
rit eitt sem bar nafnið Skólablaðið. Þegar ég fæ
slík eðalrit í hendur les ég þau jafnan spjaldanna
á milli. Er lestri lauk sá ég fyrst og fremst einn galla á gjöf
Njarðar en hann var grein Hákonar Sveinssonar. Hét hún
því afkáralega nafni: „Af bítlatónlist og hipp-hoppi“.
Sló þessi svarti blettur á skólablaði hinnar virtu stofnunar
mig slíku bylmingshöggi að ég sé mig tilneyddan að leið-
rétta þá reginfirru sem þessi misvitri maður hefur látið frá
sér fara. Ég held að hann eigi sárafáa skoðanabræður og
hafi því fengið flesta vitiborna menn upp á móti sér. Tel
ég mig hiklaust fulltrúa síðarnefnda hópsins.
Nú þegar hin versta afturhaldssemi er að líða undir lok
nær hvarvetna í hinum stóra heimi og nýir og betri stjórn-
arhættir taka við, eru samt minnihlutahópar sem flesta
hryllir við að heyra nefnda á nafn, enn að reyna að afvega-
leiða jafnt unga sem aldna. Eru fjöldamörg dæmi um slíka
starfsemi t.d. nýnasistar sem vilja koma á samskonar
stjórn og á dögum illmennisins Hitlers, einnig djöfladýrk-
endur sem stunda mannfórnir og aflimun. Síðast er vert
að nefna hallærispopparann Hákon Sveinsson sem virðist
ekki geta hlýtt á nýrri tónlist en frá lokum sjöunda áratug-
ar og tekur sér fyrir hendur að niðurlægja og ófrægja nýjar
tónlistarstefnur á opinberum vettvangi með því að koma
fáránlegum skoðunum sínum á framfæri í Skólablaði
Menntaskólans. í grein sinni fjallar Hákon af hreint ótrú-
legri fáfræði um tónlistarstefnur síðustu ára. Þegar hann
byrjar að lýsa dæmigerðum þungarokkskonsert sýnir hann
og sannar að hann reiðir svo sannarlega ekki vísdóminn í
þverpokum í þeim efnum. Segir hann ekki óalgengt að sjá
síðfexta hljómsveitarmeðlimi hrista loðna makkana fram-
an í hlustendur þannig að fimm fremstu bekkirnir vaði
flösuna í hné. Heimskt er heimaalið barn var í fyrndinni
mælt. Er ég viss um að Hákon hefur aldrei farið á þunga-
rokkstónleika en ef svo ólíklega vildi til að mér skjátlaðist
í þessum efnum, hefur hann annað hvort verið búinn að
reykja þessi vafasömu laufblöð sem hann fjallaði um af
mikilli jákvæðni í grein sinni ellegar ekki komist inn á tón-
Nokkrir áhugamenn um popptónlist.
Við erum vinsælii en Jesús. - John Lennon.