Unga Ísland - 01.07.1944, Síða 58

rokkurinn var þagnaður. Og skærin héldu
áfram: Klipp, klipp, klipp, klipp, klipp.
Loks staðnæmdist snældan og bæði börn-
in hentu sér yfir hana. Þá sá María, að
snældan lá einmitt við runnann, sem þráð-
arendinn var bundinn í. Hún var ekki lengi
að leysa hnútinn, en snældan valt til baka
á sömu stundu.
María tók nú til að vinda upp þráðinn
sem ákafast og bæði börnin hröðuðu sér
sem mest þau máttu niður hina kolsvörtu
gljúfraþröng. — Haltu þér í hárflétturnar
mínar, sagði María og vatt og vatt.
Þið megið trúa því, að þetta gekk í
fljúgandi fart, en hugsið ykkur, að María
hefði nú misst hnykilinn! Hugsið ykkur, ef
skessan hefði nú fundið börnin aftur! Hugs-
ið ykkur, að þessi löngu, kolsvörtu gljúfur
enduðu aldrei! En nú heyrðu börnin að
kerlingin var á hælum þeirra.
— Bíðið þið! Bíðið þið ögn! skrækti hún.
Verið þið ofboðlítið róleg! Hvílið ykkur,
skjáturnar mínar!
Nær og nær kom hún. Þau heyrðu hvern-
ig stafurinn hennar glamraði við klettana.
Krakk, krakk.
En í sörnu svifum komu börnin auga á
gljúfurmunnann og sólargeislarnir brutust
á rnóti þeim. Þau voru sloppin fit úr gljúfr-
inu og heyrðu nú ægilega bresti og dynki
að baki sér. Gljúfurbarmarnir féllu saman
og grjóthnullungar, sandur og möl þyrlað-
ist í kringum þau. En þau voru ósködduð,
og nú tók María upp sokkinn sinn og síð-
an héldu þau áfram lieim til Maríu. Þegar
þangað kom, sagði drengurinn:
— Manstu, að ég sagðist vera prins frá
Kaliforníu? Nú vil ég, að þú fylgir mér. Ég
ætla að gera þig að prinsessu. Þú skalt fá
allt, sem þú óskar og seinna verður þú
drottningin mín.
Og þannig fór það. María litla fór yfir
sjó og land til Kaliforníu. Þar lifði hún sæl
og ánægð með prinsinum sínum allt sitt líf.
„Átthagarnir“
FLJÓTSDALSHÉRAÐ.
Sveitin mín heitir Hróarstunga, og ligg-
ur á Fljótsdalshéraði. Er það hérað afar
stór dalur, er liggur milli hárra fjalla. Eftir
héraðinu renna tvö stór vatnsföll er heita
Jökulsá á Brú og Lagarfljót, og eiga þau
bæði uþptök sín inn við Vatnajökul. í
Lagarfljóti er foss er heitir Lagarfoss. Lag-
arfljót rennur í gegnuin lengsta stöðuvatn
á landinu, er heitir Lögur. Innst á hérað-
inu liggja fjórir dalir er heita: Jökuldalur
og inn úr honum Hrafnkelsdalur, og sam-
hliða Jökuldal að austan Fljótsdalur, og
Skriðdalur austast.
Byggðin austan Lagarfljóts, þar sem
Fljótsdalur og Skriðdalur enda, heit-ir Vell-
ir, þá Eiðaþinghá, og yzt Iljaltastaðaþing-
há. Milli Lagarfljóts og Jökulsár á Brú er
Hróarstunga, og er bærinn minn — Kirkju-
bær — skammt frá Lagarfossi. Byggðin
meðfram Jökulsá á Brú að vestan, út frá
Jökuldal, heitir Jökulsárhlíð.
Fyrir botni Fljótsdals gnæfir næst hæsta
fjall á íslandi, Snæfell, 2100 metra hátt.
Á Ilallormsstað í Skógum er húsmæðra-
skóli Austfirðinga. Þar er líka stærsti frið-
aði skógur á landinu, og eru oft haldnar
skemmtanir þar í skóginum á sumrin. Á
Eiðuin í Eiðaþinghá er alþýðuskóli Aust-
firðinga.
Máni Sigurjónsson( 12 ára),
Kirkjubæ, Hróarstungu,
N or ður-MúIasýslu.
Sveitakona kemur inn í lyfjabúð.
— Ilafið þið veiðipúður?
— Nei, en við höfum skordýraduft.
— Kemur það í sama stað niður?
— Ja, það er undir því komið, hvað
menn ætla að véiða.
144
UNGA ÍSLAND