Árbók VFÍ/TFÍ - 01.06.1999, Qupperneq 102

100 Árbók VFÍ/TFÍ1998/99
af heildarlaunum. Ríkisskattstjóri mun bera saman inngreiðslur í lífeyrissjóði og skatt-
framtöl. Komi í ljós að ekki hafi verið greitt til lífeyrissjóðs full 10% af heildarlaunum mun
ríkisskattstjóri fela viðkomandi lífeyrissjóði að innheimta vangreidd iðgjöld ásamt
dráttarvöxtum.
Samtrygging
Með nýju lífeyrissjóðalögunum var samtryggingakerfið fest í sessi. Lögin leiða til þess að
allir þurfa að greiða í lífeyrissjóð og jafnframt að allir sjóðir verða að greiða ellilífeyri til
æviloka og að vera með svokallaða samtryggingu. Frá 1. júlí 1999 nægir ekki að bjóða upp
á tryggingar fyrir þá sem það vilja heldur skulu allir sem greiða í lífeyrissjóð njóta
samtryggingar.
Rétt er að benda sjóðfélögum á að til þess að njóta fulls framreiknings þegar reynir á
samtrygginguna er nauðsynlegt að iðgjöld séu í skilum. Sjóðfélagi sem ekki greiðir
reglubundnar iðgjaldagreiðslur til sjóðsins, aföðrum orsökum en veikindum, skal ekki njóta
lífeyrisréttar vegna iðgjalda fyrir ókominn tíma. Þetta þýðir með öðrum orðum að þegar
reynir á samtrygginguna vegna sjóðfélaga sem ekki hefur greitt iðgjöld til sjóðsins um ein-
hvem tíma þá miðast allur réttur einungis við áunninn lífeyrisrétt en framreiknaður lífeyris-
réttur vegna ógreiddra framtíðariðgjalda fellur niður. Hjá ungum sjóðfélögum er framreiknaði
rétturinn miklu hærri fjárhæð en áunni rétturinn.
Landssamtök lífeyrissjóða
Á árinu 1998 náðist merkur áfangi í málefnum lífeyrissjóða er stofnuð voru ein samtök
lífeyrissjóða, Landssamtök lífeyrissjóða, sem leystu af hólmi tvenn samtök, sem höfðu haft
nokkra samvinnu sín á milli. í þessi nýju samtök hafa gengið nær allir lífeyrissjóðir landsins,
einnig þeir sem stóðu fyrir utan gömlu samtökin.
Lífeyrissjóður verkfræðinga naut fulltingis til að koma einum manni af átta í stjórn sam-
takanna og felst í því viðurkenning á leiðandi starfi lífeyrissjóðsins á þessu sviði. Stjórn
landssamtakanna vinnur að stefnumótun og vænta lífeyrissjóðirnir mikils af starfí
Landssamtaka lífeyrissjóða.
Málarekstur
Eins og ykkur er kunnugt hafa þrír sjóðfélagar staðið í málarekstri við sjóðinn.
Undirréttardómar voru kveðnir upp 23. nóvember 1998. Ákveðið var að áfrýja málunum til
Hæstaréttar. Málsgögnum hefur verið skilað til réttarins og vænta má flutnings og dómsupp-
kvaðningar í haust.
Stjórn
Stjórn sjóðsins skipuðu þetta starfsár Þórólfur Árnason formaður, Eysteinn Haraldsson
varaformaður, Björgvin Njáll Ingólfsson, Guðbrandur Guðmundsson og Erlingur Jens
Leifsson meðstjórnendur.
Frá síðasta aðalfundi hafa verið haldnir 19 stjórnarfundir og afgreidd 238 mál. Nú eiga
2.129 sjóðfélagar réttindi í sjóðnum en af þeim eru 1.798 greiðandi. Sjóðfélögum hefur
fjölgað um 215 á árinu þar af voru 85 ekki verkfræðingar.
Samningar um séreignarsparnað hafa verið gerðir við 261 sjóðfélaga.