Verktækni - 15.08.1991, Síða 34
hafið starfsemi síðan en raforkunotk-
un í iðnaði hefur samt aukist gífurlega.
NÝTING JARÐHITANS
Jarðhiti var nýttur á íslandi frá upp-
hafi byggðar til baða og þvotta í nátt-
úrulegum hverum og laugum. Minna
má á að Snorri lét fara vel um sig í laug
sinni í Reykholti. Nýtingin jókst
snemma á þessari öld með tilkomu
sundlauga og gróðurhúsaræktunar auk
þess sem farið var að kynda hús með
heitu vatni. Ekki var þó farið að bora
eftir því fyrr en á þriðja áratugnum í
tengslum við undirbúning að stofnun
Hitaveitu Reykjavíkur, sem fór að
veita mönnum yl á þúsund ára afmæli
Alþingis, 1930. í lok seinni heims-
styrjaldarinnar náði hún svo til alls
bæjarins. Síðan hafa æ fleiri hitaveit-
ur verið byggðar, einkum eftir olíu-
kreppuna fyrri 1973, og nú er mikill
meirihluta húsa á íslandi kyntur með
heitu vatni.
Jaðrðhitinn hefur einnig verið nýtt-
ur talsvert í iðnaði, t.d. í Kísiliðjunni,
Þörungaverksmiðjunni á Reykhólum
og Saltverksmiðjunni á Reykjanesi.
Á seinni árum hafa svo verið byggð-
ar jarðvarmavirkjanir fyrir hitaveitur
og raforkuframleiðslu. Þessar virkjanir
eru í Bjarnarflagi, við Kröflu, í Svarts-
engi og á Nesjavöllum.
Forseti Islands, Asgeir Asgeirsson, leggur hornstein að stöðvarhúsi Búrfellsvir-
kjunar 3. júni 1968. Jóhannes Nordal fylgist íbygginn með en Ingólfur Ágústsson
snýr baki í myndavélina. (Mynd: Landsvirkjun.)
Gasstöðin við Hverfisgötu.
34 VERKTÆKNI