Harpan - 01.06.1937, Blaðsíða 35

Abraham Lincoln
Abraham Lincoln var dýravinur
mikill. Vissi hann, að þeim liði illa,
leið honum líka illa, og aldrei var
hann í þeim önnum, að hann ekki
gæfi sér tíma til að hjálpa dýrum,
ef þess þurfti með.
Dag nokkum var Lincoln á ferð
með hóp vina. Veður var heitt, og
þeir stoppuðu til að vatna hestun-
um sínum. Þegar þeir ætluðu aftur
af stað, tóku þeir eftir því, að Lin-
coln vantaði. „Hvar er Lincoln?"
spurðu þeir hver annan. „Ég sá
hann fyrir nokkrum mínútum“,
sagði einn í hópnum." Hann hafði
fundið 2 fuglsunga, sem oltið
höfðu út úr hreiðrinu sínu. Hann
stoppaði til að lítast um eftir því,
svo að hann gæti sett ungana aft-
ur í það.“ Stuttu síðar kom Lin-
coln glaður í bragði, því að hann
hafði fundið hreiðrið og komið
ungunum fyrir í því. Vinir hans
hlógu að því, hve mikið hann lagði
á sig til að hjálpa ungunum. En
Lincoln sagði: „Ef ég hefði ekki
sett ungana upp í hreiðrið sitt, þar
sem mamma þeirra annast þá,
þá hefði ég ekki getað sofið í
nótt.“
Öðru sinni kom hann auga á
bjöllu (skorkvikindi) sem oltið
hafði upp í loft og spriklaði öllum
öngum til að reyna að komast á
fætuma aftur, en án árangurs.
Hann stoppaði og hjálpaði henni.
„Veiztu,“ sagði hann við einn
vina sinna, er með honum var, „ef
ég hefði skilið þessa bjöllu eftir
hjálparvana, hefði mér ekki liðið
allskostar vel. Ég varð að koma
henni á fætuma og gefa henni
tækifæri til að berjast fyrir tilveru
sinni, með hinum öðmm úr henn-
ar flokki." Fjöldi slíkra sagna lík-
ar þessum em til um Lincoln, sem
sýna takmarkalausa samúð hans
með öllu, er mátti sín minna.
Þið mynduð hafa gaman af að
lesa æfisögu hans. Reynið að ná
í hana.
Úr ensku.
Spurn.: Myndi ungunum hafa
liðið vel utan hreiðurs síns ? Myndu
fuglar ekki vera spakir, ef allir
væru góðir við þá? Hvað getum
við helzt gert, svo að fugli skiljist,
að við ekki viljum þeim illt? Væri
ekki gaman að gefa þeim, sérstak-
lega þegar snjór er og kuldi á vetr-
um? Hvernig haldið þið að fuglum
líði, þegar þeir em rændir eggjum
sínum?
Mart. Magnússon.
Athyjli
kaupenda skal vakin á því, að
langódýrast er að senda andvirði
blaðsins í pósávísun — ekki í
ábyrgðarpósti, eins og ýmsir hafa
gert.
Kaupendur gjöri svo vel og
tilkynni blaðinu bústaðaskipti.
Daglega berast Hörpu nýir
kaupendur. Harpa þakkar þær
vinsældir, erhún hefir hlotið og þau
vinsamlegu og örvandi bréf, er
henni hafa borizt.