Bændablaðið - 27.08.2009, Blaðsíða 35

31 Bændablaðið | fimmtudagur 9. júlí 2009
Í Stóragerði í Ölfusi býr þúsund-
þjalasmiðurinn Óskar Þór Ósk-
ars son með konu sinni Sigrúnu
Sigurðardóttur, en eftir að þau
voru fyrir á deiliskipulagi í
Reykjavík tóku þau sig upp árið
2005 með hús sitt af Lindar göt-
unni í miðbænum og settust að í
Ölfusinu. Þar hefur Óskar komið
sér upp góðri vinnuaðstöðu og
smíð ar meðal annars flugnanet
í glugga, garðbekki, líkön af
húsum og grænmetiskassa í ýms-
um stærðum.
„Þetta eru mun betri viðbrögð
en ég bjóst við. Ég reiknaði með að
framleiða um 300 grænmetiskassa í
sumar sem taka 500 kíló en mér sýn-
ist þetta fara yfir þúsund stykki af
þeirri stærð. Síðan er ég með 25 og 35
kílóa kassa á lager. Kartöflu- og rófu-
bændur hafa sýnt kössunum mikinn
áhuga, enda hagur fyrir þá; geymslu-
plássið nýtist mun betur og varan
geymist betur í kössunum þannig að
ekki verður jafn mikil rýrnun, sem
veitir ekki af á þessum tímum,“ segir
Óskar um nýjustu framleiðslu sína,
grænmetiskassa sem hann framleiðir
í nokkrum stærðum.
Ögrandi verkefni áhugaverðust
Á árum áður stundaði Óskar sjóinn
en hefur fengist við smíðarnar í 25
ár og komið að ýmsu í sínum störf-
um. Nú einbeitir hann sér að því að
smíða grænmetiskassana, flugna-
netin og garðbekki sem hann kallar
Loveseat. Einnig smíðar hann flug-
kistur og innirekka og þjónustar
fyrirtæki, stofnanir og einstaklinga
í þeim efnum.
„Ég hef fengist við ýmislegt,
eins og að byggja listagallerí uppi í
Mosfellsbæ og verið í samstarfi við
fyrirtækið Exton við að sérsmíða
flugkistur, sem er mikil fjölbreytni
í, en í þeim hefur verið flutt út allt
frá geisladiskum og upp í kafbát.
Eftir að við komum hingað hef ég
verið í ýmsum viðhaldsverkefn-
um. Síðan hefur verið ærin vinna
að byggja við húsið okkar hér og
koma þessu í sæmilegt horf. Við
ákváðum að halda sama stílnum á
öllu, íbúðarhúsinu, verkstæðinu og
jafnvel hænsnakofanum en þetta er
svokallaður Mansard-stíll, sem er
franskur stíll frá 1700 og einkenn-
ist af sérstakri þakgerð er nefn-
ist Mansard. Mér finnast ögrandi
verkefni skemmtilegust og er, að ég
tel, nokkuð óhefðbundinn smiður,“
útskýrir Óskar.
Hugmynd Óskars um grænmet-
iskassana er nú komin á fullt í
framleiðslu og er nú svo að hann
skapar þrjú sumarstörf við smíði
þeirra.
„Þessi hugmynd kviknaði á
köldu vetrarkvöldi og þróaðist út í
þetta eftir samtöl við kartöflu- og
rófubændur á Suðurlandi. Ég nota
í þetta hitameðhöndlað timbur frá
Eystrasaltslöndunum sem er sér-
staklega ætlað undir matvæli. Þetta
hefur farið vel af stað og ég er ákaf-
lega ánægður með undirtektirnar en
þó að þetta sé að vissu leyti nýsköp-
un, sem ég tel vera, var eini styrk-
urinn í boði fyrir mig 25 þúsund
krónur frá Atvinnuþróunarfélagi
Suðurlands, sem mér finnst held-
ur rýrt. Það hefur enginn fram að
þessu haft vilja eða þor til að fara út
í slíka framleiðslu, en þar sem ég er
ekki í sultu- eða saftgerð er engin
leið fyrir mig til að fá meiri stuðn-
ing,“ segir Óskar.
Flugnanet og fugladrit
Flugnanetið sem Óskar framleið-
ir er afar góð lausn fyrir þá sem
vilja fá frið fyrir flugum og öðrum
smádýrum sem vilja komast inn um
glugga og hurðir hjá fólki. Þessi
framleiðsla er komin á fulla ferð og
einnig framleiðsla og sala á bún-
aði sem kemur í veg fyrir að fuglar
setjist á hús og önnur mannvirki.
„Ég vil hvetja fólk til að hætta
að eitra hús sín, því maður spyr
sig; eru slík efni skaðlaus? Því held
ég að lausnin með flugnanetið sé
mun sniðugri. Síðan er ég búinn
að fá leyfi fyrir þessum búnaði,
sem leiðir til minni þrifa af völdum
fugladrits á byggingar, minni tær-
ingar af völdum þess og því lækk-
aðs viðhaldskostnaðar á húsum.
Þetta sýnir að það eru mörg tæki-
færi til staðar þó svo að ástandið sé
svona hér á landi. Ég neita því að
láta þessa svokölluðu víkinga eyði-
leggja okkar fallega og góða land,
sem er ætlað komandi kynslóðum,“
segir Óskar alvarlegur á svip.
Löng leið
Þau hjónin fluttu sem áður sagði í
Ölfusið fyrir fjórum árum og hafa
komið sér vel fyrir þar. Sigrún
starfar á þvottahúsi dvalarheimilis-
ins Áss í Hveragerði en Óskar sinn-
ir smíðastörfum sínum jafnt heima
og í næsta nágrenni.
„Við fengum bréf frá skipulags-
yfirvöldum í Reykjavík um að við
værum fyrir á deiliskipulagi, því
það átti að rífa alla Lindargötuna
hægri vinstri og byggja þar 6-18
hæða blokkir. Okkur var gefinn
sá kostur annað hvort að fjarlægja
húsið eða rífa það. Með flutningi
á húsinu úr Reykjavík fór hluti af
sögu borgarinnar líka. Við sjáum
hvað þessi hugmynd um framtíð
borgarinnar var arfavitlaus á þess-
um tíma. Í dag er borgin, það er
101 Reykjavík, eitt stórt flakandi
sár eftir verktaka sem höfðu stóra
drauma og borgin dansaði með sem
aldrei fyrr. Ég er ættaður frá Króki
í Ölfusi, en föðurfólk mitt kom
þangað fyrir árið 1800 svo það lá
beinast við að reyna að finna lóð
hér undir húsið okkar. Í upphafi
áttum við tíu hektara en höfum selt
úr því og búum nú á rúmum fimm
hektörum,“ útskýrir Óskar og bætir
jafnframt við:
„Ég vil koma á framfæri þakk-
læti til byggingarfulltrúa í Ölfusinu
fyrir að gefa grænt ljós á að taka
við þessum öldungi úr Reykjavík,
það er húsinu okkar, sem var reist
árið 1896 og byggt með svokölluð-
um bindingum. Þetta er eitt af síð-
ustu húsunum sem voru reist hér á
landi með þessari aðferð. Húsið var
í niðurníðslu á Lindargötunni þegar
við keyptum það á sínum tíma en
áður en við fluttum inn í það árið
1994 voru þrjú þúsund vinnustund-
ir að baki. Það er mikil bjartsýni að
byggja upp svona bæ eins og við
höfum gert hér í sveitinni og ekki
fyrir hvern sem er. Það þarf mikinn
kjark og mikla bjartsýni til að fara
út í slíka vinnu en við höfum gert
þetta mestmegnis ein. Leiðin hefur
verið afskaplega löng í þessu ferli,
en hún borgar sig svo sannarlega á
endanum og hér líður okkur ágæt-
lega.“ ehg
Þjónustuauglýsingar „
Þjónustuauglýsingar „
Þjónustuauglýsingar „
Þjónustuauglýsingar „
Þjónustuauglýsingar
Hinir vönduðu vinnugallar frá
66° Norður með merki íslensks
landbúnaðar fást hjá Bænda-
samtökunum. Verð kr. 5.700 m.
vsk. + sendingarkostnaður.
Bændur og búalið
Pantanir í síma 563-0300
eða á netfangið jl@bondi.is
ROTÞRÆR – SITURLAGNIR
Heildarlausnir – réttar
lausnir. Heildarfrágangur
til sýnis á staðnum ásamt
teikningum og
leiðbeiningum.

VATNSGEYMAR 100 –
50,000 ltr.

LINDABRUNNAR - margar
gerðir – leiðbeiningar á
staðnum.

Dalvegi 6-8 // Kópavogi // S: 535 3500
Rafstöðvar
1kva - 3000
Eigum á lager ýmsar
gerðir af rafstöðvum
á frábæru verði
fyrir alla sem
www.gottimatinn.is
toppa allt!
– Þessi ostur er rifinn á tæknilegan hátt, í vél.
Hagleikssmiður sem fer
óhefðbundnar leiðir
Óskar við hluta af framleiðslu sinni.
Íbúðarhúsið í Mansard-stíl í baksýn.
Óskar með konu sinni Sigrúnu
Sigurðardóttur við eldhúsborðið
í Stóragerði en gaman er að sjá
hvernig þau hafa haldið í gamla
stílinn í húsinu, sem eitt sinn stóð
við Lindargötuna í Reykjavík.
Við smíði grænmetiskassanna
hefur Óskar skapað þremur ung-
lingum störf í sumar. Frá vinstri;
Ómar Andri úr Hveragerði, Matt hías
Leó og Magdalena Rós, en þau tvö
síð ar nefndu eru barnabörn Óskars
og koma daglega frá Reykjavík til
að stunda vinnu sína.
Stóðhesturinn Vals frá Efra - Seli
Uppl. hjá Áslaugu í s: 847-3443 og Þóri í s: 848-3172
efrasel@efrasel.com www.efrasel.com
Stóðhestar - Tamning og Þjálfun - Sala
Verður til afnota í
sumar í heimahögum,
kostar tollurinn og
girðingargjald
25.000.- + vsk.
F: Álfur frá Selfossi ( 1.v. )
M: Villirós frá Feti ( 1.v. )