Bændablaðið - 09.08.2012, Qupperneq 1
15. tölublað 2012 Fimmtudagur 9. ágúst Blað nr. 376 18. árg. Upplag 24.500
8
„Þetta er bara skelfilegt ástand,“
segir Eyjólfur Sigurðsson, fram-
kvæmdastjóri hjá Fóðurblöndunni,
um mikla þurrka sem ríkjandi
hafa verið á helstu ræktunar-
svæðum heims undanfarnar
vikur. Afleiðingarnar eru þær að
uppskerubrestur blasir við. Þórir
Haraldsson hjá Líflandi segir
morgunljóst að uppskerubrestur
af völdum þurrka muni hafa áhrif
hér á landi.
Bæði félögin hækkuðu verð á
tilbúnu fóðri í júnímánuði og nam hún
á bilinu 4-9%. Ástæða hækkunarinnar
var hækkun á hráefnisverði en öll
helstu aðföng til fóðurgerðar höfðu
þá hækkað umtalsvert. Mest hækkaði
sojamjöl í kjölfar uppskerubrests í
Suður-Ameríku en korn hafði einnig
hækkað verulega í verði í norðanverðri
Evrópu.
Eyjólfur segir að menn hafi horft
upp á miklar hækkanir það sem af
er ári og nefnir m.a. tæplega 20%
hækkun á hveiti frá áramótum, bygg
hafi hækkað örlítið minna en mikið
samt. „Þetta eru ofboðslegar hækkanir
og nú bíða menn bara og sjá hvað
gerist næst, hvernig ný uppskera
verður og hvað gerist í kjölfarið,“
segir hann. Gengi íslensku króunnar
hefur styrkst um 7% frá áramótum og
segir Eyjólfur að það bjargi einhverju,
í eðlilegu árferði hefði slík styrking
skilað sér í góðu verði nú á komandi
hausti. „Við horfum upp á skugga-
legar hækkanir á öllum aðföngum og
þær munu örugglega koma fram hér á
landi. Við munum meta stöðuna upp á
nýtt fljótlega,“ segir Eyjólfur.
Þórir segir að hækkanir á aðföng-
um úti muni fyrr eða síðar hafa áhrif
hér á landi, „þetta er fljótt að skila sér
hingað inn,“ segir hann. Væntingar
séu uppi um að ný uppskera í Evrópu
verði meiri en áætlanir gera ráð fyrir
og ástandið gæti af þeim sökum orðið
ívíð skárra en útlit er fyrir einmitt nú.
„Jákvæðu fréttirnar eru þær,“ segir
Þórir, „að gengi íslensku krónunnar
gagnvart helstu gjaldmiðlum hefur
styrkst nokkuð að undanförnu og það
hefur þau áhrif að hægt hefur verið
að halda verðbreytingum í lágmarki.
Hver þróun verður þegar líður fram
á haustið er erfitt að segja nákvæm-
lega fyrir um en útlitið er ekki sérlega
gott.“ /MÞÞ
Þurrkar valda uppskerubresti víða um heim
Skelfilegt ástand og mun skila sér
fljótt í hækkunum hér á landi
Handverkshátíð og landbúnaðarsýning á Hrafnagili
Búist við fjölda gesta
Það verður mikið um dýrðir á
Hrafnagili í Eyjafjarðarsveit um
komandi helgi en á morgun, 10. ágúst,
verður Handverkssýningin sett þar
í tuttugasta sinn. Búnaðarsamband
Eyjafjarðar slæst í hópinn og fagnar
80 ára afmæli sínu með því að setja
upp veglega landbúnaðarsýningu.
Búist er við miklum fjölda gesta
á sýningarnar og verður mikið
um að vera á sýningarsvæðinu þá
daga sem hátíðin stendur en henni
lýkur á mánudag, 13. ágúst. Ester
Stefánsdóttir framkvæmdastjóri
sýninganna á Hrafnagili segir að
sýnendur séu vel á annað hundraðið.
Fer fram á stærra svæði en áður
Handverkssýningin fer að
stórum hluta fram innandyra,
á um 500 fermetra stóru svæði
í Hrafnagilsskóla og á svæði
framan við það, en þar hefur á
liðnum árum verið komið upp torgi
þar sem sýnendur hafa aðstöðu í
tjöldum. Nú hefur svæðið verið
stækkað og verða tún sunnan
við Hrafnagilsskóla einnig nýtt
undir landbúnaðarsýninguna. Þar
verður m.a. vélasýning þar sem bæði
verða sýndar nýjar vélar og gamlar.
Afurðastöðvar, skólar og fleiri verða
með sýningarbása auk þess sem gestir
fá að bragða á góðgæti af ýmsu tagi,
mjólkur- og kjötvörum. Kvöldvaka
verður á laugardagskvöld.
Sýningin verður opin frá kl. 12 til
19 frá föstudegi til sunnudags og á
mánudag frá kl. 12 til 17.
Sjá nánar um dagskrá á bls. 4.
Grænmetisbændur á Flúðum
Góðar uppskeruhorfur
þrátt fyrir þurrkatíð
Allflestar grænmetistegundir
sem eru í útiræktun í uppsveitum
Árnessýslu eru nú komnar
á markað en frá þessu svæði
koma tæplega 80% af allri
grænmetisframleiðslu á Íslandi.
Blómkálið er sú káltegund sem
kemur jafnan síðast í búðir og nú
eru rúmlega tvær vikur síðan það
skilaði sér.
Grænmetisbændur á svæðinu eru
á einu máli um að þrátt fyrir mikinn
þurrk í nánast allt sumar stefni engu
að síður í góða uppskeru, það sé
hlýindunum að þakka. Í samtölum
við stóra kálframleiðendur sem
eru með sínar stöðvar á Flúðum:
Garðyrkjustöð Sigrúnar, Mela og
Flúðajörfa, kemur fram að talsvert
þarf þó að hafa fyrir því að ná svo
góðri uppskeru í hús. Garðarnir þurfi
heilmikla vökvun sem má helst ekki
eiga sér stað í sólskini. Í einhverjum
tilvikum hafa bændur farið út í
að fjárfesta í vökvunarbúnaði og
einhverjir hugleiða það. /smh
Þröstur Jónsson, hjá Garðyrkjustöð
Sigrúnar, í fallegum hvítkálsgarði.
Stöðin fjárfesti sl. vor í vökvunar-
búnaði til að vera undirbúin fyrir
þurrkatíð líkt og á síðasta sumri.
Mynd /smh
Norðlenska og SS
hafa birt verðskrá
Þegar Bændablaðið fór í prentun
hafði einungis Norðlenska
og SS gefið út ákvörðun um
verðlagningu sauðfjárafurða
fyrir komandi sláturtíð.
Hjá Norðlenska hækkar verð
um 6,3% á lömbum en verð fyrir
fullorðið breytist ekkert frá fyrra
ári. Álagsgreiðslur verða með
sama hætti og áður. Í tilkynningu
frá Norðlenska segir að félagið
áskilji sér rétt til að endurskoða
verðskrána ef tilefni verður til.
Sláturfélag Suðurlands hækkar
grunnverðskrá sína um 3% frá
fyrra ári og bæta sláturviku við
í nóvember með 10% álagi. SS
hækkar ekki greiðslur fyrir kjöt
af fullorðnu fé. Í útskýringum SS
á verðskránni segir að nú gæti
sölutregðu á erlendum mörkuðum
og aðstæður á innanlandsmarkaði
leyfi ekki mikla verðhækkun. Hjá
SS er þó til lengri tíma litið vaxandi
eftirspurn eftir kjöti erlendis og
gæði íslenska lambakjötsins gefi
ástæðu til bjartsýni.
Aðrir sláturleyfishafar
hafa ekki birt verð en þó hefur
Sláturhús KVH á Hvammstanga
auglýst álagsgreiðslur sem eru á
bilinu 4-10% í vikum 36 til 39.
Þá hafa SAH afurðir á Blönduósi
gefið það út að álagsgreiðslur
verði sambærilegar og í fyrra.
Skiptinemar í sveit
2612
Íslenskir steinbitar í gripahús
Sjálfboðaliðar unnu við það á þriðjudagskvöld að reisa tjöld á sýningarsvæðinu.
Mynd /Margrét Þóra
Börnin á Teigi