Bændablaðið - 29.03.2012, Blaðsíða 10

Bændablaðið | fimmtudagur 29. mars 201210
Fréttir
Nú er formlega lokið fjögurra
ára samstarfsverkefni hönnuða
og bænda sem miðaði að því að
hanna nýjar matvörur úr land-
búnaðarafurðum. Verkefnið
hófst árið 2007 en meðal þess sem
komið hefur út úr samstarfinu
er hið vinsæla skyrkonfekt frá
Erpsstöðum, nýjar vörur fyrir
veitingastaðinn í Þórbergssetrinu
á Hala í Suðursveit og rabar-
barakaramellan frá Löngumýri
á Skeiðum.
Á Hönnunarmars, sem er fjögurra
daga hönnunarhátíð í Reykjavík
seinni hluta mars, var endapunktur-
inn settur á verkefnið með opnun
sýningar á vörum sem hafa fæðst
í samstarfinu auk opnunar heima-
síðunnar designersandfarmers.com.
Fjöldi bænda hefur notið leiðsagnar
reyndra hönnuða úr Listaháskóla
Íslands og vísindamanna í mat-
vælaiðnaði frá Matís síðan verkefnið
var sett á laggirnar. M.a. hafa verið
gerðar rannsóknir á sögu og markaði
á hverjum stað fyrir sig og ótal til-
raunir með vörurnar sjálfar.
Upplýsingar um stefnumót hönn-
uða og bænda er að finna á vefnum
www.designersandfarmers.com en
þar má finna margs konar efni sem
getur gagnast framtíðarvöruhönnuð-
um og þeim sem hyggja á framleiðslu
og markaðssetningu á nýjum mat-
vörum. Sýningin verður opin fram á
vor en hún er til húsa á Klapparstíg
33 í Reykjavík í gallerýinu Spark
Design Space.
/TB
Stefnumót hönnuða og bænda:
Nýjar búvörur sem eiga
framtíðina fyrir sér
Um síðastliðna helgi var
Mysuklakinn Íslandus val-
inn vistvænasta og vænlegasta
nýsköpunarhugmynd Íslands
á matvælasviði í nemenda-
keppni í kjölfar námskeiðs sem
Nýsköpunarmiðstöð Íslands,
Matís, háskólarnir á Akureyri,
Hólum, Hvanneyri, Listaháskólinn
og Háskóli Íslands efndu til sam-
starfs um. Elín Agla Briem og
Sigríður Anna Ásgeirsdóttir, nem-
endur í umhverfis- og auðlinda-
fræði við Háskóla Íslands, hönn-
uðu vistvænustu hugmyndina sem
er 100% náttúrulegur og lífrænn
mysuklaki.
„Þetta hefur verið í vinnslu í allan
vetur og var aðaláherslan á vistvæna
nýsköpun matvæla. Okkur var skipt í
hópa og hver hópur þróaði sína mat-
vöru. Við komum inn á alla hluti í
ferlinu svo sem umhverfisáhrif,
markaðsfræði, umbúðir og að koma
vörunni á markað, svo eitthvað sé
nefnt, en Kjartan Þór Trauner, nem-
andi við Listaháskóla Íslands, sá um
vöruhönnunina,“ segir Sigríður Anna
og bætir við:
„Við ákváðum að nota mysuna
af því að svo miklu af henni er hent
og það getur verið mengandi, því
þetta er næringarrík afurð og mikil
lífræn efni í henni. Við ákváðum að
nota lífræna mysu frá Biobúi ásamt
íslenskum jurtum, berjum, fjalla- og
fjörugrösum í vöruna. Það
skemmtilega
er að með
þessu erum
við að breyta
til, fara út
fyrir þetta
hefðbundna.
Þetta er
h u g s a ð
sem bæði
holl vara og
falleg. Við hugsuðum hana á heilsu-
og lífræna markaðinn og eins fyrir
ferðamenn. Við fengum mjög góð
viðbrögð á sýningunni um nýliðna
helgi og það var skemmtilegt að sjá
hvað krökkum líkaði þetta vel, enda
er klakinn góður og svalandi. Nú er
mikið ferli eftir til að koma klakan-
um á markað en næst á dagskrá er að
fara með Íslandus í Evrópukeppnina
EcoTrophelia 2012 í París, þar sem
vistvænar hugmyndir frá ýmsum
löndum í Evrópu munu keppa sín á
milli.“
/ehg
Mysuklakinn Íslandus:
Náttúrulegur og lífrænn
Nýir eigendur ferðaþjónustu
á Hjarðarbóli í Ölfusi
Sagnakvöld til heiðurs Gunnari
Bjarnasyni verður haldið í
Ásgarði á Hvanneyri í kvöld,
29. mars og hefst kl. 20:00.
Fram koma þjóðþekktir sagna-
þulir og spaugarar sem flestir
þekktu Gunnar af eigin raun sem
nemendur hans frá Hvanneyri. Má
þar nefna snillinga eins og Guðna
Ágústsson, Sigga Sæm, Einar á
Skörðugili, Halldór Gunnarsson í
Holti, Sigurborgu á Báreksstöðum
og Valda Roy. Einnig láta ljós sitt
skína menningarvitar eins og Gísli
Einarsson og Bjarni safnstjóri á
Hvanneyri auk þess sem karlakór-
inn Söngbræður og kórinn Hásir
hálsar koma fram. Léttar veitingar
í boði og léttur aðgangseyrir sem
allur rennur í sjóð til að reisa
minnisvarða á vori komanda til
heiðurs hinum mikla meistara.
Þetta verður ekki leiðinlegt
Gunnar Bjarnason þekkja allir
hestamenn. Hann var fremstur
meðal jafningja í að skapa
hið stórkostlega ævintýri um
Íslenska hestinn. Hann kynnti
hestinn um lönd og álfur, beitti
sér fyrir stofnun Landssambands
hestamanna og skipulagði fyrsta
Landsmótið á Þingvöllum 1950
auk þess að stofna FEIF, alþjóða-
samtök um íslenska hestinn, ásamt
félögum sínum í Evrópu. Hann
var hrossaræktarráðunautur og
kennari á Hvanneyri um árabil.
Nemendur hans minnast hans sem
hugmyndaríks og drífandi kennara
sem átti það til að tala af slíkum
eldmóði að nærstaddir tókust á
loft. Í tímum var yfirleitt ekkert
talað um það sem stóð í kennslu-
heftinu en menn lærðu samt. Hann
var sagnaþulur af guðs náð.
Takið kvöldið frá – þessu má
bara enginn missa af!
Velkomin að Hvanneyri
Hollvinir
Á Hjarðarbóli í Ölfusi hefur um
árabil verið rekin ferðaþjónusta
enda bærinn vel í sveit settur við
þjóðveg númer eitt. Nýir eigendur
tóku við rekstrinum í febrúar og
hafa undanfarna daga endurnýjað
allan húsbúnað.
Stál og gler eiga ekki upp á pall-
borðið en frekar antik og ull og er
hlýleiki hafður að leiðarljósi. Á
Hjarðarbóli eru 24 herbergi af öllum
stærðum og gerðum. Flest eru her-
bergin með sérsnyrtingu en annars
með handlaugum og sameiginlegri
snyrtingu. Sum eru svo stór að fjöl-
skyldur geta látð fara vel um sig í
einu herbergi. Í húsnæði sem áður
hýsti súra töðu eru nú eldhús og
snyrtingar en kálfahúsið og fjósið
eru huggulegir matsalir. Í fjárhúsinu
eru svo stór fjölskylduherbergi með
sérinngangi. Jörðin er skógi vaxin en
fyrri ábúendur voru iðnir við gróður-
setningar hér á árum áður. Salirnir
henta vel fyrir minni veislur eins og
til dæmis fermingarveislur og munu
verða leigðir út, með eða án veitinga
og þjónustu.
Bústýra og aðaleigandi
Hjarðarbóls er Sigríður Helga
Sveinsdóttir sem ættir á að rekja
til Bjarnastaða í Ölfusi, hennar
maður er Guðbrandur Sigurðsson
sem fæddur er í Akurgerði í Ölfusi.
Aðrir eigendur eiga rætur sínar að
rekja í sveitina og er mikill hugur í
hópnum. „Lögð verður mikil áhersla
á notalegheit og góða þjónustu,“
sagði Sigríður Helga í samtali við
blaðið. „Hugmyndafræðin „beint
frá bónda“ verður í heiðri höfð með
heimaræktun á grænmeti, ostagerð
og hænum vappandi í hlaðvarpanum.
Leitast verður við eftir fremsta megni
að hafa reksturinn umhverfisvænan,
en liður í því er til dæmis að flokka
sorp og lágmarka notkun á hreinsi-
efnum. Það er von okkar húsráðenda
á Hjarðarbóli að sveitungar og nær-
sveitungar hugsi hlýtt til okkar og
muni eftir okkur þegar gesti ber að
garði og hýsa þarf mannskapinn.“
/MHH
Nýju skilti komið fyrir við Hjarðarból í Ölfusi.
Gunnar Bjarnason.
Gunnarsvaka í Ásgarði
Það voru þær Sigríður Sigurjónsdóttir, Guðfinna Mjöll Magnúsdóttir og Brynhildur Pálsdóttir sem báru hitann og
þungann af skipulagningu og framkvæmd stefnumóts hönnuða og bænda. Þær standa hér við gnægtarborð ís-
lenskra búvara ásamt Kristjáni Birni Þórðarsyni velgjörðarmanni Listaháskóla Íslands. Myndir / TB.
Rúgbrauðsrúlluterta sem er í boði í
Þórbergssetrinu í Suðursveit.
Sláturtertan frá Möðrudal.
Rabarbarakaramellurnar eru til í
nokkrum gerðum af umbúðum.
Sigríður Anna Ásgeirsdóttir og Elín
Agla Briem unnu verðlaun fyrir
mysuklakann Íslandus sem vistvæn-
ustu og vænlegustu nýsköpunarhug-
myndina á matvælasviði í nemenda-
keppni um síðastliðna helgi.
Íslandus inniheldur mysu, ber, jurtir og fjalla- og fjörugrös.