Bændablaðið - 29.03.2012, Blaðsíða 18

18 Bændablaðið | fimmtudagur 29. mars 2012
Mikil breidd í íslenskri þráðlist
Félagssýning Textílfélags Íslands
var haldin á Korpúlfsstöðum og
lauk síðastliðinn sunnudag en 38
textílkonur sýndu verk sín. Þar
mætti nútíminn þjóðlegum blæ í
einum skemmtilegasta sýningarsal
landsins sem hýsti í byrjun síð-
ustu aldar stærsta kúabú lands-
ins. Þóra Björk Schram og María
Valsdóttir textílkonur og meðlimir
í félaginu tóku á móti blaðamanni
Bændablaðsins og leiddu í gegnum
salarkynnin.
Fjölbreytileikinn er mikill á
sýningunni því þar er jafnt prjóna- og
fatahönnun, veflistaverk, tauþrykk,
þæfing, útsaumur, pappírsverk, ljós-
myndaverk, ljósahönnun og margs-
konar óhefðbundin þráðlistaverk
unnin með blandaðri tækni. Sýningin
var sett upp á þremur stöðum á
Listasumri á Akureyri síðastliðið
sumar.
„Við textílkonur elskum allt
sem heitir efni. Við erum alltaf að
finna einhvern efnivið og þar kemur
íslenskt roð og skinn sterkt inn. Það
er auðvitað alltaf verið að vinna með
íslensku efnin eins og ullina, enda
leitum við mikið í íslenska náttúru til
dæmis með jurtalituninni því mikið
af því sem við gerum er náttúrutengt.
Umhverfið skapar okkur. Ég er sem
dæmi með gamaldags blúndur í
ljósunum sem ég geri,” lýsir Þóra
brosandi og María bætir við:
„Við erum ofsalega ólíkar en
eigum það eitt sameiginlegt að
það er mikill eldmóður í okkur.
Textílfélagið var stofnað árið 1974
og núna eru um 80 meðlimir í því
alls staðar að af landinu og á öllum
aldri en eingöngu konur. Félagið er
hattur yfir ákveðna starfsemi eins
og sýninguna núna og við leigjum
af félaginu vinnurýmin okkar hér í
húsinu. Þannig að hér er komin fín
vinnuaðstaða og mikilvægt fyrir
okkur að hafa sameiginlegan vett-
vang að koma á, enda er andinn
hérna í húsinu alveg sérstakur og
mikil saga tengd Korpúlfsstöðum.”
/ehg
Þóra Björk Schram og María Valsdóttir textílkonur og meðlimir í Textílfélagi Íslands við verk Ólafar Einarsdóttur en í
bakgrunni má sjá hvíta stranga sem búið er að skera í laufabrauðsmynstur eftir Önnu Guðmundsdóttur. Myndir / ehg
Helena Sólbrá Kristinsdóttir leitar í gamlar hefðir og þrykkir gömul mynstur
á verk sín en saumar einnig.
Verk eftir
Ragnheiði Björk
Þórisdóttur þar
sem koparþræði
er blandað inn í
verkið.
Eitt verkið á félagssýningu Textílfélagsins á Korpúlfs-stöðum sýndi nálapúða
í öllum sínum fjölbreytileika en það er verk Kristveigar Halldórsdóttur.