Bændablaðið - 29.03.2012, Blaðsíða 31

31Bændablaðið | fimmtudagur 29. mars 2012
Vélabásinn
Glænýr Honda Civic með 150 hestafla díselvél:
Einhver skemmtilegasti
bíllinn í sínum flokki
Laugardaginn 17. mars frumsýndi
Bernhard Vatnagörðum nýjan
Honda Civic með 150 hestafla
díselvél. Honda setti Civic fyrst á
markað 1972 og í hvert sinn sem
ný hönnun á Civic hefur verið
frumsýnd hefur bíllinn vakið
athygli og umtal. Civic hefur
lítið breyst síðustu ár, en nú var
komið að breytingum og það all
nokkrum.
Undirritaður fékk að prófa bílinn
í sólarhring eftir lokun á sunnudeg-
inum 18. mars. Ég var varla sestur
inn í bílinn þegar gerði leiðinda-
veður með snjókomu og skafrenn-
ingi. Í slíku veðurfari er ekki gaman
að prufukeyra svona kraftmikinn bíl
og eftir að skriðvörnin hafði ítrekað
komið á nennti ég ekki að keyra í
þessu færi og hætti í von um betra
veður daginn eftir. Það jákvæða
við svona færð er þó að maður fær
að kynnast skriðvörninni í bílnum
vel og eitt er víst að skriðvörnin
í Honda Civic er einhver besta
skriðvörn í bíl sem ég hef prófað.
Daginn eftir var ausandi rigning og
lítið betra grip sökum vatnselgs á
götum borgarinnar. Honda Civic er
svo kraftmikill með þessari díselvél
að hann spólaði á blautu malbikinu
ef honum var gefið vel inn.
Með bakkmyndavél
og Idle Stop -tækni
Eins og síðustu þrír bílar sem ég
hef skrifað um hér í blaðinu er
Civic með góða bakkmyndavél í lit
(i-MID -upplýsingaskjár). Þá drep-
ur bíllinn sjálfkrafa á vélinni þegar
stoppað er í umferðinni, stigið á
bremsu og sett í frígír (stopp/start
-sparbúnaður - Idle Stop -tækni).
Þegar aftur er stigið á kúplinguna og
sett í gír fer hann í gang. Öll stjórn-
tæki eru á þægilegum stöðum og gott
að ná til þeirra, en inni í bílnum er
hreint ótrúlega mikið gólfpláss og
farþegamegin sérlega mikið pláss
fyrir fæturna.
Einstaklega vel einangraður
Honda hefur alltaf verið í uppáhaldi
hjá mér hvað varðar hljóðeinangrun
inni í bílunum og lítil hljóð utan frá.
Þessi bíll er einstaklega vel hljóðein-
angraður og fyrir vikið nýtur útvarp-
ið sín vel með góðum hljómi, en við
útvarpið er hægt að tengja USB-lykil
með sinni uppáhalds músík.
Speglar eru ágætir, en það hefur
alltaf truflað mig ef afturrúðan er
tvískipt og sést þannig í baksýnis-
speglinum (Civic er með þannig
afturhlera að afturglugginn er tví-
skiptur).
Það reyndi lítið á fjöðrunina í
þessum prufuakstri mínum fyrir
utan nokkrar hraðahindranir og
holur sem eru í malbiki bæjarins
eftir skemmdir vetrarins, en bæði
hraðahindranirnar og hvassar hol-
urnar í malbikinu fannst mér vera
ótrúlega mjúkar fyrir fjöðrunina
(margir bílar höggva svo leiðinlega
í svona malbiksskemmdum, en ekki
Honda Civic).
„Hættulega spræk“ vél
Bíllinn er með 2,2 lítra, 150 hestafla
i–DTEC díselvél sem er virkilega
spræk, nánast hættulega spræk.
Sérstaklega í þeim hlutum bæjarins
þar sem hámarkshraðinn er einungis
30 km. Samkvæmt bæklingi um bíl-
inn er hann ekki nema 8,5 sekúndur
að ná 100 km hraða og uppgefinn
hámarkshraði er 217 km.
4,4, lítrar í blönduðum akstri
Samkvæmt bæklingi á þessi bíll
sem ég ók að eyða við bestu
aðstæður 5,2 lítrum á hundraðið
innanbæjar, utanbæjar 3,9 og í
blönduðum akstri 4,4, en eftir
rúmra 60 km innanbæjarakstur var
ég að eyða 7,0 lítrum (nokkuð sátt-
ur miðað við færð, akstursskilyrði
og minn þunga hægri fót). Honda
Civic er ótvírætt einhver skemmti-
legasti fólksbíll sem ég hef keyrt og
af þeim bílum sem ég hef prófað og
eru í sama flokki og Honda Civic
mundi ég halda að þessi bíll væri
í efsta sæti.
Vélaprófanir
hlj@bondi.is
Hjörtur L. Jónsson
Verð:
2,2 dísel er á
4.390.000 kr (ódýr-
asti 1,4 bensínbíllinn
á 3.490.000) kr.
Lengd: 4.300 mm
Breidd (án spegla): 1.770 mm
Hæð 1.440 mm
Vél:
4 strokka dísel,
1.968 cc
Hestöfl: 150
Þyngd 1.367 kg
Gott bil er í hindrunina þegar stopp-
að er samkvæmt bakkmyndavélinni.
Bakkmyndavélin sýnir vel afstöðu til
blómakers fyrir aftan bílinn.
Allar nauðsynlegar upplýsingar eru
skilmerkilega sýndar á skjá í mæla-
borði.
Bændablaðið
Smáauglýsingar 56-30-300
Öllum þykir okkur mikilvægt að
finna til öryggis í lífinu.
Dynjandi hefur verið leiðandi á
sviði öryggisvara síðan 1954.
Dynjandi örugglega fyrir þig!
ÖRUGGLEGA FYRIR ÞIG!
HEYRNARHLÍ
FAR
VIÐ VINNUN
A!
Skeifunni 3 - Sími: 588 5080 - dynjandi.is
Dynjandi hefur úrval af
heyrnahlífum frá 3M.
Komdu og skoðaðu úrvalið.
Dynjandi örugglega fyrir þig!
BÆNDUR OG BÚALIÐ
– kjósa KVERNELAND
Fr
u
m
Gylfaflöt 32 112 Reykjavík Sími 580 8200 www.velfang.is Óseyri 2 600 Akureyri
VERKIN TALA
plógar
Taarup sláttuvélar með og án knosara
Accord áburðardreifarar
jarðtætarar og herfi
Sjá einnig: http://www.youtube.com/KvernelandGroup
Er dýrt að hita upp húsið?
Eru líkur á jarðhita í nágrenninu?
Tek að mér ráðgjöf og leit að heitu og köldu vatni fyrir
einstaklinga og sveitarfélög. Sé um undirbúning borana og eftirlit
með þeim. Ódýr og góð þjónusta. Geri föst verðtilboð.
Leitið upplýsinga í síma 862-8426 eða sendið skilaboð á
tölvupóstfang: hjohannesson@simnet.is.
Jarðfræðiþjónusta Hauks Jóhannessonar ehf.
Barðavogi 44, 104 Reykjavík
Helstu mál og verð: