Fréttablaðið - 30.06.2012, Blaðsíða 8

30. júní 2012 LAUGARDAGUR8
merkjaraðir í tilefni af nýrri þjónustuleið, B-póstur
fyrir 0-50g bréf innanlands.
Um er að ræða yfirprentun á frímerkinu „50 ár frá
upphafi fyrsta þorskastríðsins“ sem útgefið var 2008
og myndefni hins merkisins er sveppurinn Móhnefla.
Fyrstadagsumslög fást stimpluð á
pósthúsum um land allt. Einnig er
hægt að panta þau hjá Frímerkjasölunni.
Sími: 580 1050 Fax: 580 1059
Netfang: stamps@postur.is
Heimasíða: www.stamps.is
Safnaðu litlum lis taverkum
VEISTU SVARIÐ?
FRÉTTASKÝRING
Hver er framtíð nýtingar á helstu
nytjastofnum sjávar?
Að beiðni sjávarútvegs- og land-
búnaðarráðuneytis hefur Haf-
rannsóknastofnunin unnið að
mótun nýtingarstefnu og aflareglu
fyrir ýsu og liggja nú fyrir tillög-
ur sem kynntar hafa verið fyrir
ráðuneyti og hagsmunaaðilum.
Á alþjóðavettvangi er gert ráð
fyrir því að fyrir hendi séu nýt-
ingaráætlanir fyrir alla helstu
fiskistofna. Þorskaflareglan, lang-
tímanýtingarregla fyrir þorsk
við strendur Íslands, er dæmi um
slíka nýtingaráætlun og fram-
kvæmd hennar.
Þessi aflaregla í þorski hefur
reynst afar vel. Um það er ekki
deilt. Nú eru að koma inn í við-
miðunarstofninn þrír meðalsterk-
ir árgangar sem gætu skilað allt
að 250 þúsund tonna þorskveiði
svo snemma sem árið 2016. 20%
aflareglan tók gildi árið 2009, en
þeirri aðgerð er helst þakkaður
góður árangur uppbyggingar-
starfsins. Aflaregla í þorski kom
hins vegar til 1995 og hefur verið
breytt í fjórgang í grundvallar-
atriðum.
Stjórnvöld hafa hins vegar verið
sein til að koma á fót aflareglum
fyrir aðra mikilvæga nytjastofna
okkar Íslendinga. Nú hafa stjórn-
völd tekið við sér og haft frum-
kvæði að því að taka upp viðræður
við atvinnugreinina um að koma
á langtímanýtingarstefnu fyrir
fleiri fiskistofna. Þar fer fremst
ýsan ásamt ufsa og karfa en verið
er að vinna að því að koma á afla-
reglum fyrir fleiri tegundir.
Það eru stjórnvöld sem eiga
að hafa forystu um þetta atriði,
enda er það á ábyrgð stjórnvalda
að nýtingarstigið sé hæfilegt og
skynsamlegt og að nýtingin sé
sjálfbær. Það er hins vegar Haf-
rannsóknastofnunin sem leggur
fram tæknilega aðstoð.
Nú liggur á borðinu tillaga um
aflareglu fyrir ýsuna, þar sem
gert er ráð fyrir því að 40% af
45 sentímetra ýsu og stærri séu
veidd. Aflaregla er því stærð-
arháð, ólíkt því sem er í þorski.
Það kemur til af því að sveiflur
í árgangastærð í ýsu er miklum
mun meiri en í þorski. „Þetta er
regla sem er talin standast allar
ýtrustu kröfur um sjálfbærni og
varúðarsjónarmið. Eins að hún
gefi hámarksafrakstur til langs
tíma litið,“ sagði Jóhann Sigur-
jónsson, forstjóri Hafró, þegar
skýrsla um stöðu nytjastofna
okkar og aflahorfur var kynnt
fyrir skömmu. Í máli Jóhanns kom
fram að stofnunin myndi vinna í
samræmi við þessa tillögu þangað
til hún, eða önnur aflaregla, yrði
samþykkt.
Framreikningar sýna að ýsu-
stofninn mun halda áfram að
minnka á komandi árum og líkur
á að hann verði nálægt sögulegu
lágmarki árin 2014-2015. Komið
hafa fram efasemdir um mat fiski-
fræðinga á ástandi og horfum í
stofninum, og farið hefur verið
fram á að stofnunin fari aftur yfir
ráðgjöf sína í ýsu enda sé ráðlagð-
ur aflasamdráttur ekki í samræmi
við núverandi ástand.
Á síðustu tveimur árum hefur
farið fram greining á hugsanleg-
um aflareglum fyrir stjórn ufsa-
veiða. Til að ná hámarksafrakstri
úr ufsastofninum til lengri tíma
litið er mælt með sams konar afla-
reglu og notuð er við stjórn þorsk-
veiða. svavar@frettabladid.is
Vilja setja aflareglur
fyrir helstu tegundir
Tillögur að nýtingarstefnu og aflareglu fyrir ýsu liggja á borðinu. Unnið er að
því að slík nýtingarstefna verði sett fyrir aðra helstu nytjastofna okkar, eins og
gert er ráð fyrir á alþjóðavettvangi. Eftir ýsunni koma ufsi, karfi og loðna.
GÓÐUR ÞORSKAFLI Aflaregla í sinni einföldustu mynd tengir saman mat á stofnstærð
og leyfilegan heildarafla. 20% aflaregla í þorski tók gildi árið 2009. FRÉTTABLAÐIÐ/JSE
Árekstur í Garðabæ
Sjö voru fluttir á slysadeild eftir
þriggja bíla árekstur við Olís í
Garðabæ á þriðja tímanum í gær.
Hafnarfjarðarvegi var lokað í um
klukkustund vegna slyssins.
LÖGREGLUMÁL
DÓMSMÁL Þrír pólskir menn sem
ákærðir eru fyrir að flytja til lands-
ins tæp níu kíló af amfetamíni í
sápubrúsum í apríl tóku sér í gær
frest fram í næstu viku til að taka
afstöðu til ákærunnar.
Mennirnir hafa sætt gæsluvarð-
haldi síðan þeir voru handteknir og
voru færðir í járnum fyrir dómara
í gær. Í upphafi þinghaldsins var
hvorki túlkur né einn einasti verj-
andi í dómsalnum. „Þetta er nú
dálítið skrýtin uppákoma,“ sagði
dómarinn Guðjón Marteinsson, en
hann þurfti ekki að bíða lengi því í
ljós kom að túlkurinn og verjandinn
sem mætti fyrir hönd allra sakborn-
inganna höfðu beðið á röngum stað
í húsinu.
Mennirnir hafa játað sök að hluta
til við yfirheyrslur hjá lögreglu
– gengist við því að hafa flutt til
landsins töskur sem innihéldu eitt-
hvað misjafnt, en hafa þó ekki við-
urkennt að þeir hafi verið upplýstir
nákvæmlega um innihald sápubrús-
anna eða að þeir hafi starfað í sam-
einingu að innflutningi allra kíló-
anna níu.
Mennirnir munu mæta fyrir dóm-
inn á miðvikudaginn kemur og taka
afstöðu til ákærunnar. - sh
Dómari þurfti að bíða eftir verjendum og túlki í máli þriggja Pólverja:
„Dálítið skrýtin uppákoma“
TÓKU SÉR FREST Mennirnir þrír ákváðu
að taka sér frest fram í næstu viku til að
lýsa sig annaðhvort seka eða saklausa.
FRÉTTABLAÐIÐ/ERNIR
AKUREYRI Endurvinnslustöðin við
Réttarhvamm á Akureyri verður
flutt að Furuvöllum 11 á næstu
dögum. Móttakan lokaði á mið-
vikudag vegna flutninganna og
opnar aftur næsta miðvikudag.
Þetta þýðir að ekki verður hægt
að koma með endurvinnsluúrgang
og sorp til starfsstöðvarinnar í
fjóra virka daga.
Frá því er greint á vef Akur-
eyrar vikublaðs að aðstaðan muni
batna töluvert við flutningana og
mun meðal annars verða mögulegt
að flokka þar plast. - sv
Lokað í viku vegna flutninga:
Endurvinnslan
á Akureyri flutt
Þetta er regla sem
er talin standast allar
ítrustu kröfur um sjálfbærni
og varúðarsjónarmið. Eins að
hún gefi hámarks afrakstur til
langs tíma litið.
JÓHANN SIGURJÓNSSON
FORSTJÓRI HAFRÓ
1 Hver eldar með Holta á ÍNN?
2 Hver er menntun Unnar Birnu
Vilhjálmsdóttur?
3 Hver skoraði bæði mörk Ítala
gegn Þjóðverjum í undanúrslitum
EM í knattspyrnu?
SVÖR
FLUG Vélar Icelandair hafa farið um 400
sinnum í loftið á viku undanfarið.
FRÉTTABLAÐIÐ/VILHELM
SAMGÖNGUR Icelandair var stund-
vísast allra evrópskra flugfélaga
sem eru í AEA, Evrópusambandi
flugfélaga, í langflugi í maí. Flug-
félagið var með 91,1 prósents
stundvísi og er einnig í efsta sæti
þegar fyrstu fimm mánuðir ársins
eru skoðaðir, með 89,9 prósent.
Framkvæmdastjóri Icelandair
segir í tilkynningu að ánægju-
legt sé að fá staðfestingu á því að
félagið standi eins framarlega á
þessu sviði og raun ber vitni. - sv
Icelandair mælist í efsta sæti:
Stundvísast í
allri Evrópu
ENGLAND Karlar sem þvo upp og
sinna öðrum almennum heim-
ilisstörfum eru hamingjusamari
en aðrir karlar. Þetta er niður-
staða könnunar sem starfsmenn
við Cambridge-háskólann í Eng-
landi gerði á viðhorfum karla.
Rannsakendur áttu von á að
konur sem væru í samböndum
þar sem verkaskiptingin á heim-
ilinu væri jöfn væru talsvert
hamingjusamari en aðrar konur.
Sú var ekki raunin heldur voru
það karlarnir í slíkum sambönd-
um sem voru ánægðari en við-
miðunarhópur. - ibs
Rannsókn Cambridgeháskóla:
Uppþvotturinn
veitir hamingju
1. Kristján Þór Hlöðversson 2. Hún er lög-
fræðingur að mennt 3. Mario Balotelli.