Fréttablaðið - 30.06.2012, Blaðsíða 10

30. júní 2012 LAUGARDAGUR10
EFNAHAGSMÁL „Við gengum í eina
sæng með Poptech í þetta skipti
sérstaklega til að kynna hugmynd-
ina um þrautseigju, sem hefur
mikið gildi einmitt um þessar
mundir og mun gera áfram á 21.
öldinni,“ segir Nancy Kete, fram-
kvæmdastjóri Rockefell-
er-stofnunarinnar í New
York, sem er helsti bak-
hjarl Poptech-ráðstefn-
unnar sem lauk í Hörpu
í gær.
John D. Rockefell-
er setti Rockefeller-
stofnunina á fót fyrir
99 árum til að vinna að
góðgerðarmálum. „Við
höfum haft sama mark-
mið frá upphafi: að
stuðla að velferð mann-
kyns,“ segir Kete. „Og
um þessar mundir erum
við einkum að reyna að
auka velferð í heimin-
um með því að ýta undir
þrautseigju og hagvöxt
sem allir samfélagshóp-
ar njóta.“
Forsvarsmaður Pop-
tech vinnur nú að bók
um hugtakið þraut-
seigju (e. resilience) og því ákváðu
Rockefeller-stofnunin og Poptech
að vinna saman að ráðstefnum
með þrautseigju sem meginþema.
En hvers vegna varð Ísland fyrir
valinu sem vettvangur þeirrar
umræðu?
„Fólk getur rætt um þrautseigju
í mörgu ólíku samhengi sem hvert
og eitt virðist kannski standa sér á
báti en á þó þegar betur er að gáð
mjög mikið sameiginlegt hvert
með öðru. Undanfarin ár höfum
við helst fjallað um þrautseigju í
samhengi við efnahagsmál – hvort
hagkerfi og fjármálastofnanir
séu þrautseigar og eigi auðvelt
eða erfitt með að mæta óvæntum
áföllum.
Ísland hefur verið í forgrunni
þessarar umræðu og fólk
hefur fylgst náið með því
hvernig Ísland hefur
hafið sig upp úr erfið-
leikunum sem fylgdu
bankahruninu. Það er ein
ástæða,“ segir Kete.
„Svo er Ísland líka ein-
stætt vistkerfi. Hér er
eldvirkni – og það er ekki
líkingamál – og hér geta
óvæntir atburðir gerst í
náttúrunni sem breyta
landslaginu til fram-
búðar, í bókstaflegri
merkingu. Þess vegna
er Ísland gott dæmi um
land með þrautseigum
íbúum sem eru vanir því
að þurfa að laga sig að
nýjum aðstæðum.“
Kete kom ekki að því
að velja ræðumennina á
ráðstefnuna en þeir höfðu
mjög ólíkan bakgrunn,
eins og hefur tíðkast á fyrri ráð-
stefnum Poptech. „Bakgrunnur
þeirra er ólíkur en málflutningur
þeirra á samt margt sameiginlegt.
Langflestir tala um þrautseigju, og
þá gildir einu um hvers konar kerfi
er rætt – manneskju, samtök, fyr-
irtæki eða vistkerfi – alltaf snýst
þetta um hvort kerfið er fært um
að bregðast við álagi eða áfalli og
halda samt helstu einkennum sínum
og virkni.“
stigur@frettabladid.is
Ísland gott
dæmi um
þrautseigju
Þrautseigja var þema Poptech-ráðstefnunnar sem
lauk í Hörpu í gær. Framkvæmdastjóri Rockefeller-
stofnunarinnar segir hana stórt viðfangsefni á nýrri
öld. Íslendingar séu gott dæmi um þrautseiga þjóð.
UMHUGAÐ UM VELFERÐ MANNKYNS Nancy Kete stýrir Rockefeller-stofnuninni,
góðgerðarstofnun sem hefur það að markmiði að stuðla að velferð mannkyns alls.
FRÉTTABLAÐIÐ/ERNIR
HÚSNÆÐISMÁL Biðlisti eftir félagslegum leigu-
íbúðum á höfuðborgarsvæðinu er hlutfalls-
lega næststystur í Kópavogi miðað við íbúa-
fjölda. Þá er fjöldi íbúða næstmestur þar á
hverja þúsund íbúa af öllum sveitarfélögum
landsins.
Fréttablaðið greindi frá því á fimmtu-
dag að biðlisti eftir félagslegum leiguíbúð-
um væri hlutfallslega lengstur í Kópavogi
af öllum stærstu sveitarfélögum landsins sé
fjöldi fólks á lista borinn saman við fjölda
íbúða. Alls eru 392 íbúðir og 241 á biðlista,
eða 61,5 prósent. Meira en 1.300 manns eru
á biðlistum eftir félagslegum leiguíbúðum í
stærstu sveitarfélögum landsins.
Samkvæmt upplýsingum frá Kópavogsbæ
er misjafnt á milli sveitarfélaga hvaða skil-
yrði þarf að uppfylla til að komast á listann,
til að mynda varðandi tekjuviðmið og bið-
tíma.
„Ef Kópavogsbær notaði sömu viðmið og
Reykjavík mundi fólki á biðlistum fækka um
114,“ segir Arna Schram, upplýsingafulltrúi
Kópavogsbæjar. „Það væru þá 170 á biðlistan-
um í Kópavogi en ekki 284.“
Til að komast á biðlista í Reykjavík þarf
íbúi að hafa búið þar í þrjú ár en einungis
í sex mánuði í Kópavogi. Tekjuhámarkið í
Reykjavík er ríflega 2,8 milljónir en um 3,7
milljónir í Kópavogi. Miðað við það ætti list-
inn í Kópavogsbæ að styttast til muna væru
sömu viðmið notuð og í Reykjavík. - sv
Fólki á biðlista eftir félagslegum íbúðum í Kópavogi mundi fækka um 114 væru viðmið söm og í Reykjavík:
Kópavogur með hærri tekjuviðmið en Reykjavík
KÓPAVOGSBÆR Tekjuhámark Kópavogsbæjar vegna
umsókna á íbúðum er 3,7 milljónir á ári. FRÉTTABLAÐIÐ/STEFÁN
SKÓLI Sumir nemendanna hafa ekki
verið í skóla í 40 til 50 ár, eða síðan þeir
hættu í Heyrnleysingjaskólanum.
MENNTAMÁL Útskriftarathöfn
Döffmenntaskólans fór í gær. Um
er að ræða fyrsta námskeið sinn-
ar tegundar á landinu og snýr að
símenntun fyrir heyrnarlausa á
þeirra móðurmáli, táknmáli.
Þróunarsjóður framhalds-
fræðslu veitti Mími-símenntun
styrk til verkefnisins í fyrra til
að þróa grunnnám fyrir heyrnar-
lausa í samstarfi við fleiri, að því
er segir í tilkynningu. - sv
Símenntun heyrnarlausra:
Fyrsta útskriftin
ATVINNULÍF Hátæknifyrirtækið
Marel fagnaði því í gær að tutt-
ugu ár eru liðin síðan hlutabréf
fyrirtækisins voru skráð á hluta-
bréfamarkað.
Árið 1983, við formlega stofn-
un Marels, voru tekjurnar 20
milljónir króna. Árið 2011 voru
tekjurnar 105 milljarðar króna
og Marel er nú stærsta skráða
félagið á Nasdaq OMX Iceland
miðað við markaðsvirði.
Hluthafar Marels eru í dag
um 2.200 talsins en þeir voru
242 í lok árs 1992 eða sama ár og
félagið var skráð á markað.
Sé litið til veltu fyrirtækisins
á þessum árum sést að Marel
hefur vaxið meira en 5.600-falt
til þessa dags. Það jafngildir
35 prósenta vexti á ári, talið í
íslenskum krónum.
Hjá Marel starfa nú rúmlega
fjögur þúsund manns um allan
heim, þar af um 480 á Íslandi.
Marel rekur framleiðslueining-
ar á sextán stöðum víðs vegar
um heiminn og þjónustu- og sölu-
skrifstofur á þrjátíu stöðum auk
þess að hafa um 100 dreifingar-
aðila á sínum snærum.
Marel á rætur sínar að rekja til
rannsóknarverkefnis í Háskóla
Íslands þar sem þróuð var tölvu-
vog fyrir íslenskan fiskiðnað.
Félagið framleiðir nú hátækni-
búnað fyrir marga af stærstu
matvælaframleiðendum heims í
kjúklinga-, fisk- og kjötiðnaði.
- shá
Tuttugu ár liðin síðan hlutabréf Marel fóru á markað:
Marel hefur vaxið
5.600-falt frá 1983
LENTUR Kínverski geimflugstjórinn Jing
Haipeng lenti í Mongólíu eftir að hafa
flogið með Shenzhou-9 geimflauginni
að fyrirhugaðri geimstöð Kínverja.
NORDICPHOTOS/AFP
Hér er eld-
virkni – og
það er ekki
líkingamál
– og hér
geta óvæntir
atburðir gerst
í náttúrunni
sem breyta
landslaginu til
frambúðar.
NANCY PETE
FRAMKVÆMDASTJÓRI
ROCKEFELLER-
STOFNUNARINNAR