Fréttablaðið - 31.08.2012, Qupperneq 78

31. ágúst 2012 FÖSTUDAGUR54
FÖSTUDAGSLAGIÐ
„Ain‘t Got Nobody með Sísý
Ey. Fullkomið lag til að tárast
aðeins yfir áður en maður fer út
á lífið …“
Unnsteinn Manuel Stefánsson, söngvari
og tónsmiður Retro Stefson
„Þetta er fræðsluþáttur en efnið er séð með
augum ungs fólks og við upplifum þetta svolítið
í gegnum það,“ segir Hrefna Björk Sverrisdóttir
einn framleiðenda sjónvarpsþáttanna 2+6 sem
hefja göngu sína á Popptíví í vetur. Stórveldið
framleiðir þættina í samstarfi við Hrefnu Björk.
Stjórnendur sjónvarpsþáttanna eru Sunna
Sverrisdóttir og Veigar Ölnir Gunnarsson sem
bæði eru að stíga sín fyrstu skref í sjónvarpi.
Þættirnir verða átta að tölu og hefjast tökur
á þeim í næstu viku. Að sögn Hrefnu Bjarkar
verður ákveðið efni tekið fyrir í hverjum þætti
og nefnir sem dæmi BDSM og sjálfsfróun.
„Ungt fólk er mjög opinskátt þegar kemur að
kynlífi og það er mjög áhugavert að sjá og heyra
hvað það er að spá. Þó það sé opinskátt er ýmis-
legt sem byggt er á misskilningi og þess vegna
er gott og þarft að svara þeim spurningum sem
á þeim brenna.“
Kynfræðingurinn Sigríður Dögg Arnar-
dóttir verður Sunnu og Veigari innan handar við
gerð þáttanna auk fjölda sérfræðinga, leiðbein-
enda og kynlífsunnenda. Helstu viðmælendur
þáttanna verður þó fólk á aldrinum 18 til 25 ára
og segir Hrefna Björk að vel hafi reynst að fá
fólk til að tjá sig opinskátt um kynlíf. „Fólk er
mjög opið um þessi mál og því hefur gengið vel
að fá viðmælendur. En eins og ég segi, þá er
þátturinn enn í vinnslu og því er enn tækifæri
fyrir fólk að hafa samband ef það lumar á ein-
hverju sniðugu.“
Hægt er að hafa samband við Hrefnu Björgu
í gengum netfangið tveirplussex@storveldid.is.
-sm
Fjallað opinskátt um kynlíf
SPENNANDI ÞÁTTUR Hrefna Björk Sverrisdóttir og
Stórveldið framleiða þáttinn 2+6 sem verður á dag-
skrá Popptíví í vetur. Þátturinn fjallar um kynlíf.
FRÉTTABLAÐIÐ/ANTON BRINK
„Vonandi mun það hjálpa þeim sem
eru í svipuðum sporum. Ekki gefast
upp,“ segir rapparinn Gummzter úr
Mosfellsbæ um lagið sitt Í þínum
sporum. Það fjallar um einelti og er
að finna á annarri plötu hans, Full-
orðinn, sem kemur út í næstu viku.
„Þetta er persónulegasta lagið
á plötunni,“ segir Gummzter, eða
Guðmundur Snorri Sigurðsson, sem
varð sjálfur fyrir einelti í grunn-
skóla. „Það hætti í tíunda bekk
þegar ég byrjaði í rappinu.“
Fyrsta plata Gummzters kom
út fyrir þremur árum. Eftir það
lagði hann rappið nánast á hilluna
í um tvö ár en fór þá að búa til sína
eigin takta og kviknaði þá neistinn
á nýjan leik. „Fyrsta platan var
rosalega þung og tilfinninga-
þrungin. Þessi er aðeins léttari,“
segir hann. Fimm mismunandi
taktsmiðir koma við sögu á plöt-
unni og er hún ein fjölbreyttasta
rappplata sem hefur komið út á
Íslandi að mati Gummzters. Hann
varð tvítugur í sumar og ákvað því
að skíra plötuna Fullorðinn. Hún
verður fáanleg ókeypis á síðu hans
Gummzter.com. Einnig verður
hægt að kaupa hana og styrkja þar
með listamanninn á Tonlist.is og
Gogoyoko.com. - fb
Rappar um einelti á nýrri plötu
GUMMZTER Rapparinn Gummzter gefur í næstu viku út plötuna Í þínum sporum.
FRÉTTABLAÐIÐ/ANTON
10-04-2012 14:21
Rokksveit Jonna Ólafs
skemmtir á Kringlu Kránni
helgina 31. ágúst 1. sept.
Öll gullaldarlögin með
Stones-Bítlunum-Kinks ofl.
Sjáumst Hress !
„Humar kom inn í líf okkar fyrir
þremur árum og á einmitt afmæli
á morgun. Við fundum hann inni í
skáp en þangað hafði hann flækst
í flutningum og mátti dúsa þar
einn og yfirgefinn í nokkurn
tíma. Þegar við svo fundum hann
var það ást við fyrstu sýn og
hann hefur búið hjá okkur síðan
þá og er mikill gleðigjafi,“ segja
Linda Guðrún Karlsdóttir og Ari
Eldjárn um Humar Linduson
Eldjárn, sem varð landsþekktur
á skömmum tíma fyrir skemmti-
legar færslur á Facebook.
Vinasíða Humars var stofnuð
í febrúar árið 2010 og lengi vel
átti hann aðeins 200 vini en í vor
tók síðan óvæntan kipp og fyrir
stuttu var vinatala Humars
komin upp í fimm þúsund. „Hann
var algerlega í skýjunum og það
kom ekkert annað til greina hjá
honum en að láta alla vini sína
vita hvað þeir væru honum mikil-
vægir svo hann þakkaði þeim
persónulega í þriggja klukkutíma
langri þakkarræðu,“ segja þau.
Það tók um tíu klukku-
stundir að taka upp umrædda
þakkar ræðu og að sögn Ara
tók það verulega á radd böndin
að lesa upp öll 5000 nöfnin.
„Rödd Humars er verulega
óþægileg fyrir hálsinn og oft
þarf hann ekki að tala nema í
nokkrar mínútur til að framkalla
hæsi og raddleysi. En hann vill
allt gera fyrir vini sína og með
vatnsflösku og viljastyrk tókst
þetta einhvern veginn.“
Innt eftir því hvort það fari
ekki mikil vinna í að halda
Facebook-síðu Humars virkri
svara þau játandi. „Þetta er eins
og tuttugu prósenta hlutastarf.
Hann leggur mikið upp úr því að
svara öllum. Við spyrjum Humar
stundum hvernig hann nenni að
standa í þessu en þá lítur hann
hneykslaður upp frá tölvunni
og segir: „tessir vera vinir med
Humar!“ – svo heldur hann bara
áfram.“
Ari og Linda segja vinsældir
Humars hafa komið þeim tölu-
vert á óvart en að það hafi glatt
þau að annað fólk skuli einnig
hafa gaman af Humri. „Hann er
ótrúlega góðhjörtuð og einlæg
sál en getur líka reiðst mjög auð-
veldlega ef að honum er vegið og
hikar ekki við að klípa frá sér.
Stafsetningin og málfarið hans
Humars eiga ábyggilega líka
sinn þátt í vinsældum hans og svo
röddin. En það
sem gerir síðuna
hans skemmtilega er fyrst og
fremst allt humartengda efnið
sem vinir hans hafa póstað á
vegginn hans í gegnum tíðina.“
Þegar þau eru að lokum spurð
út í framtíðaráform Humars
segja þau framtíðina óráðna.
„Draumurinn er að gera litla
hljómplötu og jafnvel stuttar
teiknimyndir.“ sara@frettabladid.is
HUMAR LINDUSON ELDJÁRN: VARÐ ÓVÆNT FACEBOOK-STJARNA
Ótrúlega góðhjörtuð sál
Hvernig er að vera humar?
Tad mjö gaman! en sdundum sumir reina borda
Humar! tá Humar mjö reidur! Humar klíba!!
Hvernig tilfinning er það að eiga svona marga
vini á Facebook?
Tessi mjö gódur! Humar gladur! Humar
sdökkva í lofd! hvílígur fögnudur firi
Humar!!
Áttu besta vin?
Já! Humar eiga fimmnúllnúllnúll vini!
tessir mjö sgemtilegir! tessir adlir bes-
dir! hvílígir vinir firi Humar!!
HVÍLÍGIR VINIR FIRI HUMAR!
FJÖLSKYLDAN SAMANKOMIN Ari, Linda og Humar stilla sér upp fyrir
jólakort fjölskyldunnar í fyrra. MYND/FRÍÐUR EGGERTSDÓTTIR
Air Crash Investigation
Flugslys krufin til mergjar og orsökin fundin
NATIONAL GEOGRAPHIC CHANNEL ER Á STÖÐ 2 FJÖLVARP | FÁÐU ÞÉR ÁSKRIFT Á STOD2.IS