Fréttablaðið - 01.09.2012, Síða 72

1. september 2012 LAUGARDAGUR44
F
ernando Alonso hefur
gert hið ómögulega á
fyrri hluta keppnis-
tímabilsins í Formúlu 1
sem hefst á ný á morg-
un þegar belgíski kapp-
aksturinn verður ræstur á Spa-
Francorchamps-brautinni. Fyrri
hluti tímabilsins var ótrúlega
jafn milli allra liða og ómögu-
legt hefur verið að spá fyrir um
sigurvegara í mótunum.
Þrátt fyrir að hafa átt hrylli-
legt undirbúningstímabil með
Ferrari-liðinu hefur Spánverjan-
um Alonso tekist að tryggja liðinu
ótrúlega sigra.
Göldróttur Spánverji
Alonso hefur nú unnið fleiri mót
en aðrir ökumenn, eða þrjú mót af
þeim ellefu sem ekin hafa verið.
Hann hefur jafnframt staðið sex
sinnum á verðlaunapalli. Þá hefur
hann klárað öll mótin í stigasæti.
Því geta keppinautar hans ekki
státað sig af.
Margir hafa haldið því fram að
Alonso sé göldróttur því þrátt fyrir
vandræði Ferrari-liðsins undan-
farin ár hefur Alonso alltaf skilað
mikilvægum stigum í hús. Alonso
hefur raunar lokið öllum mótum
í stigasæti síðan í Valencia-kapp-
akstrinum í fyrra.
Allar götur síðan Alonso hóf að
aka fyrir Ferrari hefur seinni hluti
tímabils verið sterkari í stigabarátt-
unni en fyrri hlutinn. En keppnis-
tímabilið er þó ekki búið og margir
munu til dæmis veðja á McLaren
eða Red Bull í mótunum sem eftir
eru.
Hörð samkeppni
Alonso hefur þurft að verjast árás-
um frá öllu genginu; Lewis Hamil-
ton, Sebastian Vettel, Mark Webber,
Kimi Räikkönen og Romain Gros-
jean.
Þeir síðastnefndu aka báðir fyrir
Lotus og hafa komið einna mest á
óvart. Räikkonen hefur skilað mjög
áreiðanlegum úrslitum á fyrri hluta
tímabils og eygir titilbaráttu við
Alonso. Grosjean, liðsfélagi Räikk-
onens, hefur átt gríðarsterka inn-
komu en verið óheppinn og gert
mistök.
Úrslit Red Bull-liðsins hafa verið
áhugaverð. Sebastian Vettel hafði
gríðarlega yfirburði í fyrra og vann
titilinn með miklum mun. Yfir-
burðirnir eru ekki eins miklir í ár
og athyglisvert er að Mark Webber
hefur einfaldlega staðið sig betur og
er í öðru sæti rétt á undan Vettel.
McLaren hefur verið óútreiknan-
legast toppliðanna. Nokkrum sinn-
um hefur liðið verið stórkostlegt og
sigrað þrjú mót, en átt erfitt upp-
dráttar í öðrum. Jenson Button
Alonso leiðir þegar
mótið hefst á ný
Æsilegt keppnistímabil í Formúlu 1 hefst aftur á morgun eftir mánaðar hlé.
Fernando Alonso á Ferrari hefur á ótrúlegan hátt komið sér í efsta sæti titil-
baráttunnar. Birgir Þór Harðarson fór yfir síðustu mánuði og rýndi í mótin
fram undan og metur möguleika Räikkönens til að stela titlinum.
VELGENGNI Alonso hefur sex sinnum fengið að skála við keppinauta sína á
verðlaunapalli í ár. NORDICPHOTOS/AFP
Alonso hefur verið frábær í lélegum Ferrari
Það kom öllum að óvörum að Alonso skyldi sigra í kappakstrinum í Malasíu.
Síðan hefur hann ekki slegið af og hefur hvað eftir annað gert ótrúlega hluti.
Það kemur einnig á óvart hversu hryllilega illa Felipe Massa hefur gengið en
það er örugglega bara af því að Alonso er svo ótrúlega góður frekar en að
Massa sé lélegur.
Lélegt hjá Mercedes og það bitnar á Michael Schumacher
Framan af hafði Mercedes-liðið alla burði til að valda verulegum usla í topp-
baráttunni í sumar. Það hefur hins vegar ekki tekist því óheppnin hefur elt
liðið á röndum og bíllinn hefur ekki reynst nógu hraðskreiður.
Williams og Maldonado
Þegar Pastor Maldonado vann spænska kapp aksturinn opnuðu flestir
augun fyrir því að í upp siglingu væri óútreiknanlegt keppnis tímabil.
Maldonado hefur sýnt hvað hann getur en er of mistækur til að blanda sér í
toppbaráttuna.
Pirelli-dekkin eru stór breyta
Liðsfélagi Maldonado hjá Williams, Bruno Senna,
útskýrði fyrir áhugamönnum hvers vegna baráttan
hefur verið jafn óútreiknanleg og raun ber vitni.
Pirelli-dekkjunum er þar um að kenna.
„Þau vilja í raun ekki beygja,“ sagði
hann og sagði dekkin henta sérstök-
um ökustíl sem margir ökumenn
geta einfaldlega ekki tileinkað sér.
■ ÞAÐ SEM KOMIÐ HEFUR Á ÓVART Í ÁR
McLaren hefur sterkustu liðsheildina
McLaren-liðið getur státað af gríðarlega sterku ökumannateymi. Það hefur
ekki aðeins tvo af bestu ökumönnum í heimi heldur eru þeir Hamilton og
Button fínir félagar og tilbúnir að hjálpa hinum eigi sá mögu leika á
titli. Liðsheildin mun fleyta þeim langt.
Räikkönen – Finninn fljúgandi
Kimi Räikkönen er búinn að fá blóð á tennurnar og hættir
ekki fyrr en titillinn er í höfn. Lotus-bíllinn hefur reynst honum
mjög vel og liðið sækir á í tæknistríðinu. Räikkönen á því
raunverulega mögu leika á öðrum heimsmeistaratitli sínum.
Grimmd Alonso í titilbaráttunni
Alonso mun ekki gefa tommu eftir í titilbaráttunni og bíta
frá sér muni nokkur ögra honum. Það er því vert að fylgjast
vel með Spánverjanum þegar keppinautar hans setja á
hann einhverja alvöru pressu.
hefur átt í vandræðum með að
stilla bílnum upp en Hamilton hefur
hreinlega verið óheppinn.
Meistaraóheppni
Michael Schumacher er ekki
ánægður með árangur sinn í mótum
ársins og Mercedes-bíll hans hefur
bilað hvað eftir annað.
Ross Brawn, liðstjóri Mercedes,
á engin svör við óheppni Schu-
machers. Brawn var arkitektinn að
farsæld Schumachers þegar hann
var hjá Ferrari en nú gengur ekkert
upp. Liðsfélaganum Nico Rosberg
hefur gengið ágætlega og sigrað eitt
mót. Mercedes W03-bíllinn lofaði
góðu á undirbúningstímabilinu en
virkar ekki nú þegar á reynir.
„Í Formúlunni verðum við að
passa að úrslitin ráðist ekki of oft af
handahófi,“ lét Brawn hafa eftir sér
í ágúst þegar hann var beðinn um
að lýsa skoðunum sínum á mögnuð-
um úrslitum ársins. Í fyrsta sinn í
sögu Formúlu 1 unnu sjö mismun-
andi ökuþórar fyrstu sjö mót ársins.
„Ég held að tilviljanakennd atvik
hafi gert mótin í ár mjög spennandi.
Þetta hættir hins vegar að vera
spennandi ef það verður ómögulegt
að sjá munstur á milli móta.“
Ekið fram undir aðventu
Nú eru níu mót eftir á dagatali
Formúlunnar. Eftir viku ferðast
sirkusinn til Ítalíu þar sem síðasta
mótið í Evrópu fer fram. Þaðan
liggur leiðin til Asíu áður en haldið
er vestur um haf til Bandaríkjanna
og Brasilíu.
Nú er verið að leggja lokahönd á
glænýja kappakstursbraut í Austin í
Texas. Þar verður keppt 18. nóvem-
ber og verður gaman að sjá liðin
engjast á óþekktri braut.
Aldrei hefur tímabil í Formúlu
1 staðið jafn lengi og mótin verið
jafn mörg en tímabilinu lýkur 25.
nóvember í Sao Paulo í Brasilíu.
Sem þýðir að tólf skemmtilegar
vikur eru fram undan fyrir kapp-
akstursáhugamenn.
Besta leiðin til að meta gæði ökumanna er
að bera þá saman við liðsfélaga sína. Michael
Schumacher hafði alltaf yfirhöndina í sínu liði
en þar sem Ferrari-bílarnir voru yfirleitt mjög
góðir átti liðsfélaginn alltaf örlítinn séns. Alonso
hefur sýnt það að himinn og haf eru á milli
hans og Felipe Massa, sem var í titilbaráttu árið
2009 sem hann tapaði með einu stigi.
Í samanburði við Massa hefur Alonso algera
yfirburði. Eftir ellefu mót er staðan í inn-
byrðiskeppni milli þeirra í tímatökum 11-0 fyrir
Alonso. Í keppni er hið sama uppi á teningn-
um, 11-0. Meðalfjöldi sæta á milli þeirra kappa
í mótum ársins eru átta.
Hægt er að nota yfirburði Schumachers árið
2004 til samanburðar. Það var mesta yfirburða-
ár eins ökumanns allra tíma. Liðsfélagi hans var
Rubens Barrichello en meðalfjöldi sæta á milli
þeirra þá var eitt sæti. Það er auðséð að Alonso
er að gera sérstaka hluti í ár og bíllinn hrein-
lega heldur aftur af honum.
■ FRÁBÆR FRAMMISTAÐA FERNANDO ALONSO
11
0
2012
A
lo
ns
o
M
as
sa
2004
9
2S
ch
um
ac
he
r
B
ar
ri
ch
el
lo
Innbirðis keppni milli
liðsfélaga eftir 11 mót
Meðalbil milli liðs-
félaga við lok móta
2004
sæti á eftir
árið
Barrichello var
að meðaltali
1
2012
sætum á
eftir árið
Massa er
að meðaltali
8
Staðan í titilbaráttu ökuþóra
Nr. Ökumaður Lið Stig
1. Fernando Alonso Ferrari 164
2. Mark Webber Red Bull 124
3. Sebastian Vettel Red Bull 122
4. Lewis Hamilton McLaren 117
5. Kimi Räikkönen Lotus 116
■ STAÐAN EFTIR ELLEFU MÓT
Mótin sem ráða úrslitum
2. sept. Belgía Spa
9. sept. Ítalía Monza
23. sept. Singapúr Singapúr
7. okt. Japan Suzuka
14. okt. Kórea Yeongam
28. okt. Indland Buddh
4. nóv. Abu Dhabi Yas Marina
18. nóv. Bandaríkin Austin
25. nóv. Brasilía Interlagos
Mótin eru í beinni útsendingu á Stöð 2 Sport
Staðan í titilbaráttu bílasmiða
Nr. Lið Vél Stig
1. Red Bull Renault 246
2. McLaren Mercedes 193
3. Lotus Renault 192
4. Ferrari Ferrari 189
5. Mercedes Mercedes 106
■ VERT ER AÐ FYLGJAST MEÐ...
Hvatningarverðlaun ÖBÍ verða veitt 3. desember nk. þeim
sem hafa stuðlað að jafnrétti, sjálfstæðu lífi fatlaðra og
einu samfélagi fyrir alla.
Verðlaun eru veitt í flokki:
1. Einstaklinga
2. Fyrirtækja/stofnana
3. Umfjöllunar/kynninga
Þekkir þú einhvern sem er verðugur
verðlaunahafi?
Sendu okkur tilnefningu fyrir 10. september nk. á þar til
gerðu eyðublaði sem nálgast má á www.obi.is.
Tilnefningar óskast!
Undirbúningsnefnd Hvatningarverðlauna ÖBÍ 2012
Bentu á þann ...
H
V
ÍT
A
H
Ú
SI
Ð
/
S
ÍA
–
1
2
-1
6
9
7