Fréttablaðið - 11.10.2012, Síða 66

11. október 2012 FIMMTUDAGUR46 46
popp@frettabladid.is
Íslenska elektró sveitin Sykur hefur
endurhljóðblandað lag norður-
írsku og skosku popparanna í
Snow Patrol, The Symphony, af síð-
ustu plötu þeirra Fallen Empires.
„Við vorum að spila á Barfly í Cam-
den fyrir ári og hittum þar fyrir
einn liðsmann Snow Patrol. Hann
sá okkur spila og vildi ólmur að
við endurhljóðblönduðum eitthvert
lag af nýju plötunni þeirra,“ segir
Halldór Eldjárn úr Sykri og á þar
við söngvarann Gary Lightbody.
Aðspurður segir hann með-
limi Sykurs ekki hafa kann-
ast við söngvarann en það gerði
umboðsmaður þeirra. „Við höfð-
um lítið heyrt um þessa hljóm-
sveit en okkur skildist að hún
væri mjög stór.“ Mikið er til í
því, enda hefur Snow Patrol selt
sex plötur sínar í yfir tíu millj-
ónum eintaka um allan heim.
Hann áttar sig á því að um mikinn
heiður sé að ræða fyrir Sykur. „Það
er gaman að geta tekið svona lag
og sett það í einhvern allt annan
búning, einhvern sem hentar
vel inn í veturinn hérna heima.“
Spurður hvort lagið hafi ekki
opnað dyr fyrir Sykri úti í hinum
stóra heimi vonar Halldór það
besta. „Það eru margir áhugasam-
ir aðilar sem við bíðum í ofvæni
eftir að tala við hér og þar í kjöl-
farið á þessu „remixi“. Netheimar
hafa líka tekið við sér og fólk er að
taka eftir þessu, sem er mjög gott.“
Sykur er að vinna að nýju efni og
stefnir á spilamennsku erlendis á
næstunni. Önnur plata sveitarinn-
ar, Mesópótamía, kom út í október
í fyrra en var gefin út á vínyl fyrir
skömmu. freyr@frettabladid.is
Snow Patrol bauð
Sykri að „remixa”
SYKRUÐ SINFÓNÍA Hljómsveitin Sykur
hefur endurhljóðblandað lagið The
Symphony eftir Snow Patrol.
FRÉTTABLAÐIÐ/ANTON
SNOW PATROL SLÓ Í GEGN ÁRIÐ 2003
Snow Patrol sló í gegn með sinni þriðju plötu, Final Straw, sem kom út árið
2003. Hún seldist eins og heitar lummur í Bretlandi og samanlagt seldist
hún í yfir þremur milljónum eintaka víðs vegar um heiminn. Næsta plata
sveitarinnar, Eyes Open, kom út 2006. Hún hafði að geyma lagið Chasing
Cars sem náði miklum vinsældum. Eyes Open fór á toppinn í Bretlandi og
seldist í meira en sex milljónum eintaka um allan heim.
Lady Gaga sneri öllu á
hvolf á þriðjudaginn þegar
hún lenti á Íslandi og tók
við friðarverðlaunum Yoko
Ono í Hörpunni. En hver er
þessi manneskja og hvaðan
kemur hún?
Poppdívan Lady Gaga heitir réttu
nafni Stefani Joanne Angelina
Germanotta en kallar sig Lady Gaga
eftir Queen-laginu Radio Gaga, enda
mikill aðdáandi Queen.
Hún fæddist 28. mars 1986 í
New York-borg. Hún gekk í kaþ-
ólskan stúlknaskóla áður en hún
hóf tónlistarnám í New York,
sautján ára gömul. Ung að aldri
byrjaði Gaga að spila á píanó og
semja lög þar sem áhrifavaldarn-
ir voru glysrokkarar á borð við
David Bowie og Freddie Mercury
úr Queen, ásamt poppurum eins
og Madonnu og Michael Jackson.
Árið 2007 byrjaði hún að koma fram
á klúbbum í New York undir nafninu
Lady Gaga and the Starlight Revue
ásamt vinkonu sinni Lady Starlight.
Útgáfufyrirtæki sáu fljótt að
eitthvað var spunnið í Gaga. Hún
komst í kynni við upptökustjórann
Rob Fusari. Hann sendi lög sem
hann hafði gert með Gaga til Vin-
cents Herbert, eiganda Streamline
Records, undirfyrirtækis Inter-
scope Records, sem gerði við hana
samning þar sem hún starfaði sem
lagahöfundur. En eftir að popp-
arinn Akon heyrði Gaga syngja
fékk hann Interscope Records til
að gera sameiginlegan útgáfu-
samning við Gaga og fyrirtæki
sitt Kon Live og þar með var hún
komin undir hans verndarvæng.
Gaga hóf að undirbúa eigin sóló-
feril og fyrsta smáskífulagið Just
Dance kom út í apríl 2008 og í
framhaldinu platan The Fame.
Hún samdi öll lögin á þeirri plötu,
meðal annars í samstarfi við Fusari.
Miklar vinsældir Just Dance opn-
uðu leiðina fyrir næsta lag, Poker
Face, sem varð risasmellur og skaut
Lady Gaga upp á stjörnuhimininn.
Á sama tíma þurrkaði hún út svo
að segja alla samkeppni frá söng-
konum á borð við Christinu Agui-
lera og Britney Spears, bæði með
nýtískulegri tónlistinni, sem þó átti
rætur að rekja til popps níunda ára-
tugarins, og stórfurðulegum klæða-
burðinum sem vonlaust hefur verið
fyrir nokkurn annan að slá út.
Í dag er Lady Gaga vinsælasta
söngkona heims og virðist hún ekki
ætla að gefa hásætið eftir í bráð.
HVER ER ÞESSI LADY GAGA?
SKRAUTLEG Söngkonan Lady Gaga er þekkt fyrir skrautleg höfuðföt og frumlegan
klæðaburð. NORDICPHOTOS/GETTY
ÁR fyllir leikkonan Emily Deschanel í dag. Hún er þekktust fyrir hlutverk sitt sem Temperance
„Bones“ Brennan í þáttunum Bones. „Allt sem ég veit um andlitsfarða og pjatt lærði ég af systur
minni,“ lét hún hafa eftir sér eitt sinn, en systir hennar er New Girl-leikkonan Zooey Deschanel.36
Söngkonan Adele er í óða önn
þessa dagana að undirbúa fæð-
ingu síns fyrsta barns. Söng-
konan á von á sér á næstu vikum
en er nú byrjuð að slaka á og und-
irbúa heimilið fyrir barnið ásamt
unnusta sínum, Simon Konecki.
Adele er einnig með annað
augað á vinsældalistunum. Lag
hennar Skyfall kom út í síðustu
viku, en lagið er titillag nýjustu
James Bond-myndarinnar. Lagið
hefur fengið góðar viðtökur, en
það var leikarinn Daniel Craig
sem vildi endilega að Adele syngi
lagið. Hún hefur greint frá því
að hún hafi verið hikandi við að
taka verkefnið að sér enda mikil
pressa sem fylgir því að syngja
titillag James Bond-myndar.
Lagið er það fyrsta sem Adele
gefur frá sér síðan platan 21 kom
út í byrjun árs 2011 og fékk frá-
bærar viðtökur.
Slakar á fyrir
fæðinguna
SPENNT Adele býr sig undir móður-
hlutverkið, en hún á von á sér á næstu
vikum. NORDICPHOTOS/GETTY