Fréttablaðið - 20.10.2012, Page 104

20. október 2012 LAUGARDAGUR72
FÓTBOLTI Íslenska kvennalandsliðið
á mjög erfiðan leik fyrir höndum í
dag er það sækir Úkraínu heim í
umspili fyrir EM í Svíþjóð en það
mót fer fram á næsta ári. Þetta er
fyrri leikur liðanna. Síðari leik-
urinn fer fram á Laugardalsvelli
næstkomandi fimmtudag. Sigur-
vegarinn í umspilinu fær farseðil
á mótið og því að miklu að keppa.
Landsliðsþjálfarinn Sigurður
Ragnar Eyjólfsson segir að sitt
lið sé klárt í slaginn. Það væsi
ekki um liðið í sólinni í Úkraínu
þar sem liðið býr á góðu hóteli við
ströndina.
„Hér hefur allt verið til fyrir-
myndar. Hótelið gott, maturinn
fínn sem og æfingavellirnir. Þess
utan erum við ekki að glíma við
nein meiðsli í hópnum og vonandi
kemur ekkert óvænt upp á,“ sagði
Sigurður Ragnar við Fréttablaðið í
gær en liðið var þá á leið á æfingu
á sjálfum keppnisvellinum.
„Við rennum aðeins blint í sjó-
inn gagnvart þessu liði enda ekki
mætt þeim lengi. Við vitum þó að
þetta er mjög sterkt lið og verk-
efnið erfitt. Liðið verður að vera
fljótt að læra í þessum leik hvern-
ig sé best að spila. Við gætum því
gert ýmsar breytingar í leikskipu-
lagi meðan á leik stendur eftir því
hvernig gengur hjá okkur,“ sagði
Sigurður Ragnar en hann segir
sitt lið vera búið að skoða leik and-
stæðinganna í þaula.
Úkraínska liðinu gekk illa á
heimavelli í undankeppninni en
var aftur á móti að vinna útileik-
ina sína. Það gæti því verið lag
fyrir íslenska liðið í þessum leik.
„Við leggjum þennan leik upp
þannig að þetta sé bara úrslita-
leikur og hugsum ekkert um seinni
leikinn. Það eru allar aðstæður hér
til þess að spila góðan fótbolta en
við vitum ekkert hvaða aðstæður
bíða okkar síðan á Íslandi,“ sagði
Sigurður þannig að það verður kýlt
á það í leiknum.
„Þetta lið stefnir alltaf á sigur.
Það hefur ekkert breyst. Við
ætlum að mæta grimmar og selja
okkur mjög dýrt. Það er spáð
ágætu veðri og vonandi er keppnis-
völlurinn góður.“ - hbg
Íslenska kvennalandsliðið spilar umspilsleik gegn Úkraínu ytra í dag:
Þetta lið stefnir alltaf á sigur
SAMSTAÐA Allir leikmenn íslenska liðsins eru heilir heilsu og klárir í slaginn í dag.
FRÉTTABLAÐIÐ/DANÍEL
HANDBOLTI Guðmundur Guðmunds-
son og Óskar Bjarni Óskarsson
náðu frábærum árangri saman
með handboltalandsliðið. Guð-
mundur hætti eftir Ólympíuleik-
ana í London en Óskar Bjarni hafði
fullan hug á því að halda áfram ef
hann gæti.
Óskar Bjarni er aftur á móti
nýtekinn við danska liðinu Viborg
og það er því meira en að segja það
fyrir hann að stökkva frá liðinu í
landsliðsverkefni. Sérstaklega þar
sem illa hefur gengið hjá liði hans
í upphafi vetrar.
Viborg situr í næstneðsta sæti
dönsku úrvalsdeildarinnar og
hefur aðeins unnið leik af fyrstu
sjö í vetur. Það er því verk að
vinna hjá Óskari í Danmörku.
„Ég verð að viðurkenna að mig
langar til þess að vera í kringum
þetta. Mig langar að vera með
Aroni og strákunum og reyna að
púsla þessu öllu saman hjá mér.
Það eru forréttindi að starfa með
landsliðinu og því erfitt að hætta.
Þetta er það skemmtilegt og gef-
andi,“ sagði Óskar Bjarni við
Fréttablaðið í lok ágúst er hann
var að vinna í því að fá að halda
áfram með landsliðið.
Fari svo, eins og allt bendir til,
að Óskar geti ekki verið þjálfar-
anum Aroni Kristjánssyni innan
handar mun reyndur kappi taka
hans stöðu.
Það er Gunnar Magnússon sem
var í þjálfarateymi Guðmundar
Guðmundssonar. Gunnar hefur
verið í landsliðsþjálfarateyminu
frá því árið 2003 fyrir utan þann
tíma sem Viggó Sigurðsson var
með liðið.
Gunnar þekkir því umhverfið og
strákana í liðinu vel.
„Mér líst bara vel á þetta ef af
verður að ég verði aðstoðarþjálf-
ari. Ég hef verið í sífellt stærra
hlutverki með Guðmundi og Ósk-
ari. Ég er því til í þetta ef til þess
kemur,“ sagði Gunnar sem hefur
verið að þjálfa í Noregi síðustu ár.
Hans lið er nú á toppnum í norsku
B-deildinni en liðið hefur verið á
mikilli uppleið undir stjórn Gunn-
ars.
henry@frettabladid.is
Óskar á leið út
Óskar Bjarni Óskarsson getur væntanlega ekki
haldið áfram sem aðstoðarþjálfari landsliðsins.
Gunnar Magnússon kemur þá í hans stað.
NÝTT TEYMI Á BEKKNUM Guðmundur og Óskar Bjarni unnu vel saman og náðu ein-
stökum árangri. Nú taka nýir menn við. FRÉTTABLAÐIÐ/VILHELM
Hamraborg 12 . 200 Kópavogi
Sími 554 5488 – 564 1766 . sjk@sjk.is . www.sjk.is
Við bjóðum Valgeir Einarsson Mäntylä
velkominn í raðir sjúkraþjálfara hjá Sjúkraþjálfun Kópavogs –
elstu sjálfstætt starfandi sjúkraþjálfunarstofu landsins.
Við önnumst bæði sértæka og alhliða sjúkraþjálfun og stillum
okkur upp við hlið viðskipavinanna með einkunnarorðin “stendur
með þér” að leiðarljósi. Eðli sjúkraþjálfunar er að hjálpa fólki að
hjálpa sér sjálft. Í þeim efnum erum við dyggir stuðningsmenn.
GÓÐAR FRÉTTIR
ÚR KÓPAVOGI
- stendur með þér -
Valgeir Einarsson Mäntylä
sjúkraþjálfari B.Sc.
FÁÐU ÞÉR ÁSKRIFT | 512 5100 | STOD2.IS
ÓMISSANDI LEIKIR FRAMUNDAN Í ENSKA BOLTANUM
Everton - Liverpool
28. október
Man. Utd. - Arsenal
3. nóvember
Chelsea - Man. Utd.
28. október
Man. City - Tottenham
11. nóvember
Liverpool - Newcastle
4. nóvember
Chelsea - Liverpool
11. nóvember
Arsenal - Tottenham
17. nóvember
Tottenham - Liverpool
28. nóvember
Chelsea - Man. City
25. nóvember
TOTTENHAM - CHELSEA
Í BEINNI Á LAUGARDAG KL. 11.30