Fréttablaðið - 22.11.2012, Blaðsíða 16

22. nóvember 2012 FIMMTUDAGUR| FRÉTTIR |
➜ Reykjavík
Brynjar Níelsson 3. sæti
Elí Úlfarsson 6. sæti
Elínbjörg Magnúsdóttir
Guðjón Sigurbjartsson 5. sæti
Guðlaugur Þór Þórðarson 2. sæti
Gunnar Kristinn Þórðarson 3. til 5. sæti
Hafsteinn Númason 6. til 8. sæti
Hanna Birna Kristjánsdóttir 1. sæti
Illugi Gunnarsson 1. sæti
Ingibjörg Óðinsdóttir 4. til 5. sæti
Jakob F. Ásgeirsson 5. sæti
Pétur H. Blöndal 2. sæti
Sigríður Á. Andersen 3. til 4. sæti
Sigurður Sigurðarson 6. sæti
Teitur Björn Einarsson 5. sæti
Þórhalla Arnardóttir 5. til 6. sæti
Áslaug María Friðriksdóttir 4. sæti
Birgir Ármannsson 2. sæti
Birgir Örn Steingrímsson
➜ Norðvestur kjördæmi
Bergþór Ólason
Einar Kristinn Guðfinnsson
Eyrún Ingibjörg Sigþórsdóttir
Guðmundur Kjartansson
Haraldur Benediktsson
Sigurður Örn Ágústsson
Reykjavík
Suðvesturkjördæmi
Norðvesturkjördæmi
➜ Reykjavík
Steinunn Þóra Árnadóttir 3. sæti
Svandís Svavarsdóttir 1. sæti
Andrés Ingi Jónsson 3. sæti
Andri Sævar Sigríksson 3. sæti
Álfheiður Ingadóttir 2. sæti
Árni Þór Sigurðsson 2. sæti
Björn Björgvinsson
Björn Valur Gíslason 1. til 2. sæti
Gísli Garðarson 3. sæti
Ingimar Karl Helgason 3. sæti
Katrín Jakobsdóttir 1. sæti
Kristinn Schram 3. sæti
➜ Suðvestur kjördæmi
Margrét Pétursdóttir 2. sæti
Ólafur Þór Gunnarsson 1. sæti
Rósa Björk Brynjólfsdóttir 2. sæti
Ögmundur Jónasson 1. sæti
Daníel Haukur Arnarson 3. til 5. sæti
Línur verða æ skýrari fyrir
alþingis kosningarnar í vor og
um helgina ræðst hvernig skipað
verður á lista Sjálfstæðisflokks-
ins í þremur kjördæmum; báðum
Reykjavíkurkjördæmunum og
Norðvesturkjördæmi. Þá kjósa
félagar í Vinstrihreyfingunni –
grænu framboði um frambjóðendur
í Reykjavík og Suðvesturkjördæmi.
Sé litið til skoðanakannana má
áætla sem svo að fækka muni í
þingliði Vinstri grænna, en fjölga
hjá Sjálfstæðisflokknum. Slagurinn
um efstu sætin hjá báðum flokkum
verður því nokkuð spennandi.
Nýskráningar mikilvægar
Þátttaka í prófkjörum hefur ekki
verið mikil í þessari lotu, þetta
á milli 30 til 40 prósent. Við slík-
ar aðstæður skipta nýskráningar
miklu máli.
Um 900 skráðir félagar voru í
Vinstri grænum í Kraganum áður
en ákveðið var að halda forval.
Þegar kjörskrá var lokað höfðu
300 bæst við. Svo það sé sett í sam-
hengi þá kusu 738 í forvalinu fyrir
fjórum árum síðan. Gera má ráð
fyrir því að nýir félagar mæti mun
fremur á kjörstað, þeir eru að skrá
sig í flokkana til að taka þátt í for-
valinu. Nýskráningar geta því skipt
sköpum varðandi úrslitin.
Guðfríður Lilja Grétars dóttir,
sem skipaði efsta sæti listans síð-
ast, gefur ekki kost á sér á ný.
Ögmundur Jónasson, sem færði
sig úr Reykjavík og skipaði 2. sætið
síðast, sækist nú eftir 1. sætinu.
Ögmundur er þungavigtarmaður
í flokknum og ráðherra og fyrir
fram hefði átt að vera auðvelt að
bóka sigur hans.
Ólafur Þór Gunnarsson, bæjar-
fulltrúi í Kópavogi og vara-
þingmaður, sækist einnig eftir
fyrsta sætinu. Hann þykir hafa
verið duglegur að rækta tengsl
á kjörtímabilinu, en heimildar-
mönnum Fréttablaðsins ber saman
um að Ögmundur hafi ekki sinnt
kjördæminu nægjanlega vel.
Hvort það dugir Ólafi til að
skjóta Ögmundi ref fyrir rass skal
ósagt látið. Ögmundur þykir hafa
skorað prik hjá flokksmönnum með
málflutningi sínum um framferði
Ísraelsmanna í Palestínu og ekki
sakar að Björn Bjarnason hefur
snuprað hann fyrir.
Flokkurinn fékk tvo þingmenn
í síðustu kosningum en trauðla
á hann fleiri en einn öruggan
þingmann nú. Hvað verður um
uppbótar sæti er erfitt að spá um.
Rósa Björk Brynjólfsdóttir og Mar-
grét Pétursdóttir sækjast eftir öðru
sætinu. Líklegt verður að teljast að
sá þeirra Ögmundar og Ólafs sem
ekki nær fyrsta sætinu endi í þriðja
sæti listans.
Formaður framtíðarinnar?
Baráttan um efstu sætin á listum
Sjálfstæðisflokksins í Reykjavík
er hörð. Illugi Gunnarsson skipaði
efsta sætið í Norðurkjördæminu
síðast og sækist áfram eftir efsta
sæti. Geir H. Haarde, sem skipaði
efsta sætið í Reykjavík suður, er
hins vegar horfinn á braut.
Hanna Birna Kristjánsdóttir
borgarfulltrúi hefur komið sterk
inn í slaginn og sækist eftir fyrsta
sætinu. Hún hefur verið áberandi í
prófkjörinu, en nokkur deyfð hefur
reyndar verið yfir slagnum.
Guðlaugur Þór Þórðarson og
Birgir Ármannsson sækjast eftir
öðru sætinu. Það gæti nýst þeim
til að komast upp yfir það þeirra
Illuga og Hönnu Birnu sem ekki
hreppir fyrsta sætið.
Staða Bjarna Benediktssonar,
formanns flokksins, þykir hafa
veikst eftir prófkjörið í Kragan-
um. Margir horfa til Hönnu Birnu
sem framtíðarleiðtoga, en hún
tapaði fyrir Bjarna á landsfundi í
fyrra. Þá hefur Illugi einnig verið
nefndur til sögunnar, en hann er
einn af nánustu samstarfsmönnum
Bjarna.
Margir eru um hituna í önnur
sæti listans og útlit fyrir spenn-
andi prófkjör.
Forystuskipti?
Lengi vel leit út fyrir litla spennu
í forvali Vinstri grænna í Reykja-
vík, en ákvörðun Björns Vals Gísla-
sonar um að færa sig suður hefur
hleypt fjöri í leikinn. Tilkoma hans
þýðir að fimm þingmenn sækj-
ast eftir efstu tveimur sætunum í
hvoru kjördæminu fyrir sig.
Katrín Jakobsdóttir, vara-
formaður flokksins, þykir sitja á
sárs höfði og vera örugg með góða
kosningu. Heimildir Fréttablaðsins
herma að í hennar herbúðum sé til-
komu Björns Vals tekið nokkuð vel.
Stuðningsmenn Svandísar
Svavars dóttur umhverfisráðherra
eru hins vegar meira uggandi yfir
komu hans. Ef framboð Björns Vals
heggur skarð í hennar fylgi, en
Katrín fær góða kosningu, stimpl-
ar Katrín sig inn sem framtíðar-
leiðtogi flokksins og þyngra verð-
ur undir fæti fyrir Svandísi hvað
það varðar.
Þá má velta því fyrir sér hvort
góð útkoma Björns Vals gæti gert
hann að varaformannskandídat
þegar Steingrímur stígur til hliðar,
en varla er flutningur hans suður
án samþykkis formannsins.
Árni Þór Sigurðsson og Álf heiður
Ingadóttir sækjast bæði eftir öðru
sæti á listunum tveimur.
Vinstri græn eiga fjóra þing-
menn í Reykjavík. Úrslit kosninga
gætu vel orðið þau að hann fái einn
kjördæma kjörinn mann í hvoru
kjördæmi og varhugavert er að
treysta á uppbótarmenn í hvoru
kjördæmi fyrir sig, hvað þá báðum.
Tvöfalt kjördæmisráð
Ásbjörn Óttarsson, sem skipaði
efsta sæti á lista Sjálfstæðisflokks-
ins í Norðvesturkjördæmi síðast,
gefur ekki kost á sér. Einar
K. Guðfinnsson hefur lýst
yfir áhuga á að leiða listann.
Flokkurinn mun beita svo-
kallaðri röðun við val á lista.
Það þýðir að fundur tvöfalds
kjördæmisráðs kýs fyrst um
efsta sæti listans. Þá er óskað
eftir framboðum í annað sæti
og þeir sem ekki hlutu kosn-
ingu í fyrsta sætið geta gefið
kost á sér í það. Þannig geng-
ur það niður listann.
Margir berjast
um öruggu sætin
Sjálfstæðismenn í Reykjavík velja framboðslista sinn í prófkjöri um helgina. Þá
velur kjördæmisráð á lista í Norðvesturkjördæmi. Kannanir sýna að þingmönnum
VG fækkar og hart er barist um líkleg þingsæti í Reykjavík og Kraganum.
➜ Gera má ráð fyrir því að nýir félagar mæti mun fremur
á kjörstað, þeir eru að skrá sig í flokkana til að taka þátt í for-
valinu. Nýskráningar geta því skipt sköpum varðandi úrslitin.
ÞINGFLOKKURINN Sex þingmenn VG sækjast eftir endurnýjuðu umboði um helgina. FRÉTTABLAÐIÐ/GVA
VALIÐ Á LISTA TIL ALÞINGIS
LÍNUR SKÝRST Flestöllum
forvölum flokkanna á lista
verður lokið eftir helgina.
ASKÝRING | 16
FLOKKSMENN KJÓSA SÍNA FULLTRÚA
Allt frá fjöru til fjalla
lÍs en kus
Faxafeni 8 // 108 Reykjavík // Sími 534 2727 // www.alparnir.is