Fréttablaðið - 22.11.2012, Blaðsíða 22

22. nóvember 2012 FIMMTUDAGUR| FRÉTTIR VIÐSKIPTI | 22
Til stendur að auka hlutafé í MP
banka um tvo milljarða króna, eða
um 26 prósent. Tillaga þess efnis
verður lögð fram á hluthafafundi
á mánudag. Núverandi hluthafar
bankans ætla flestir að taka þátt
í aukningunni en auk þess hafa
nýir fjárfestar lýst yfir áhuga á
að bætast í hópinn. Skúli Mogen-
sen, stærsti einstaki eigandi MP
banka, ætlar að kaupa nýtt hlutafé
og halda sömu hlutfallseign í
bankanum, en hann á 17,3 pró-
senta hlut. Ekki liggur fyrir hvort
erlendir aðilar, Tavistock Group
og Rowland-fjölskyldan, muni taka
þátt í aukningunni en það er heldur
ekki útilokað.
Í apríl í fyrra var tilkynnt um
nýir eigendur hefðu keypt starfsemi
MP banka á Íslandi og í Litháen.
Um var að ræða meira en 40 inn-
lenda og erlenda fjárfesta sem
lögðu MP banka til 5,5 milljarða
króna í nýtt hlutafé. Fyrir hópnum
fór fjárfestirinn Skúli Mogensen
sem lagði tæpan milljarð króna til
og fékk í staðinn 27,3 prósenta hlut
í bankanum. Auk hans voru stærstu
aðilarnir í hópnum Lífeyrissjóður
verzlunarmanna, Tavistock Group
(fjárfestingarfélag sem stofnað var
af Bretanum Joseph Lewis), félag
í eigu Rowland-fjölskyldunnar,
Tryggingamiðstöðin og Klakki,
áður Exista.
Nú þarf hins vegar nýtt hlutafé
ef bankinn á að vaxa meira og því
hefur verið boðaður hluthafafundur
á mánudag til að leggja tillögu um
tveggja milljarða króna hlutafjár-
aukningu. Sigurður Atli Jónsson,
forstjóri MP banka, segir að fái
tillagan brautargengi muni verða
ráðist í aukninguna seinna í vetur.
„Rekstur bankans hefur gengið
samkvæmt áætlun og jafnvel gott
betur. Þegar farið var af stað í apríl
í fyrra, og 5,5 milljarðar króna af
hlutafé settir inn í bankann, var
verið að auka útlánagetu hans í 24
milljarða króna. Við höfum nú náð
því marki. Því stöndum við frammi
fyrir tveimur kostum: að halda
stöðunni eins og hún er í dag eða
auka eiginfjárgrunninn og halda
áfram að vaxa. Við erum að velja
síðari kostinn sem við teljum bæði
hagkvæman og arðbæran.“
Sigurður Atli segir núverandi
hluthafa hafa lýst yfir vilja til að
taka þátt í aukningunni en von sé
á því að einhverjir nýir fjárfestar
bætist líka í hópinn. „Við höfum
kannað áhuga á þátttöku mjög
lítil lega og fyrst og fremst hjá
innlendum aðilum. Fyrir utan að
gefa okkur áframhaldandi vaxta-
möguleika er hlutafjáraukning-
in líka mikilvæg vegna þess að
við stefnum á skráningu á mark-
að 2014. Þá er æskilegt að breikka
hluthafahópinn.“
Skúli Mogensen staðfesti í sam-
tali við Fréttablaðið í gær að hann
ætlaði sér að taka þátt í hlutafjár-
aukningunni og halda þeim eign-
arhluta sem hann á nú þegar. Það
þýðir að Skúli þurfi að leggja bank-
anum til tæplega 350 milljónir
króna til viðbótar. thordur@frettabladid.is
➜ Eigendur MP banka
Núverandi eigendur MP banka Eignarhlutur
Títan B ehf. (Eigandi: Skúli Mogensen) 17,30%
Lífeyrissjóður verzlunarmanna 9,72%
Manastur Holding. (Eigandi: Tavistock Group) 9,54%
Linley Limited. (Eigandi: Rowland fjölskyldan) 9,54%
Mizar ehf. (Eigandi: Guðmundur Jónsson) 9,00%
TM hf. (Eigandi: Stoðir og hópur annarra fjárfesta) 5,40%
Drómi hf. (Eigandi: slitastjórn SPRON) 4,59%
Klakki ehf. (Eigendur: M.a. Kaupþing, Arion og erlendir vogunarsjóðir) 4,50%
MP Canada Iceland Ventures Inc. (Eigandi: Robert Raich) 3,60%
ET Sjón ehf. (Eigandi: Eiríkur Ingvar Þorgeirsson) 2,70%
Arkur ehf. (Eigandi: Steinunn Jónsdóttir ) 2,70%
Alkor ehf. (Eigandi: Berglind Jónsdóttir) 2,25%
Stekkur fjárfestingafélag. (Eigandi: Kristinn Aðalsteinsson) 1,80%
P 126 ehf. (Eigandi: Einar Sveinsson) 1,80%
Sigla ehf. (Eigendur: Tómas Kristjánsson, Finnur Reyr Stefánsson og
Þorgils Óttar Mathiesen) 0,99%
Aðrir 14,56%
MP banki ætlar að auka
hlutafé um tvo milljarða
Tillaga um að auka hlutafé í MP banka um rúman fjórðung verður lögð fram á mánudag. Skúli Mogensen
leggur fram 350 milljónir og heldur hlutfallslegum eignarhlut sínum. Stefnt á skráningu á markað 2014.
Sá hlutur í Landsbankanum sem á
að fara í að mynda stofn að kaup-
aukakerfi bankans var um 1,6
prósent af hlutafé bankans í lok
september. Miðað við innra virði
bankans er virði hlutarins tæplega
3,5 milljarðar króna. Þetta má lesa
af níu mánaða uppgjöri Landsbanka
Íslands sem birtist í síðustu viku.
Þegar gert var upp á milli gamla
og nýja Landsbankans var ákveð-
ið að íslenska ríkið eignaðist 81,33
prósenta hlut í nýja bankanum en
þrotabúið héldi restinni. Samhliða
var gefið út skilyrt skuldabréf. Virði
þess getur mest orðið 92 milljarðar
króna, og ákvarðast af frammistöðu
ákveðinna eigna sem færðar voru
inn í nýja bankann. Virði eignanna
er sífellt endurmetið og ef það nær
92 milljörðum króna fyrir næstu
áramót á þrotabú Landsbankans að
skila sínum 18,67 prósenta eignar-
hlut þegar bréfið verður gert upp í
mars 2013. Tvö prósent af hlutnum
eiga þá að renna til að mynda stofn
að kaupaukakerfi starfsmanna en
restin til íslenska ríkisins.
Skilyrta skulda-
bréfið er metið
á 74,2 milljarða
króna í níu mán-
a ð a uppg j ör i
Landsbankans,
eða um 80 prósent
af hámarksvirði þess. Það hefur
hækkað um 13,4 milljarða króna
á árinu. Samkvæmt því er hlutur
starfsmanna bankans nú 1,6 pró-
sent og virði hans um 3,5 millj-
arðar króna. Hluturinn gæti orðið
4,3 milljarðar króna virði ef skil-
yrta skuldabréfið yrði gert upp að
fullu. Landsbankinn hagnaðist um
13,5 milljarða króna á fyrstu níu
mánuðum ársins. Frá því geng-
ið var frá kaupum Landsbankans
á eignum þrotabús gamla Lands-
bankans hefur bankinn gjaldfært
um 23 milljarða króna vegna verð-
rýrnunar lánasafnsins. Þar af um
17,8 milljarða vegna lánasafns ein-
staklinga og um 3,1 milljarða króna
vegna lánasafns fyrirtækja. Virðis-
rýrnunina má að mestu rekja til
ólögmætis gengislána. - þsj
Hluti í Landsbankanum á að renna í að mynda stofn nýs kaupaukakerfis starfsmanna:
Starfsmenn hafa þegar tryggt sér 1,6 prósenta hlut
STJÓRN Tilkynnt var að nýir eigendur, undir forystu Skúla Mogensen, hefðu tekið við MP banka í apríl í fyrra. Þorsteinn Pálsson var við það tilefni kynntur sem stjórnar-
formaður bankans. Hann gegnir enn því starfi í dag. FRÉTTABLAÐIÐ/ANTON
Níu mánaða uppgjör bankans verður kynnt
í næstu viku. Alls námu eignir bankans 71,8
milljörðum króna um mitt þetta ár og höfðu
aukist um 43 prósent á milli ára. Helsta ástæðan
fyrir vexti bankans er að finna í útlánaaukningu,
en þau jukust úr 7,6 milljörðum króna í 20,7
milljarða króna á einu ári.
Bæði þóknana- og vaxtatekjur MP banka hafa
vaxið mikið milli ára. Þóknanatekjur bankans
voru 72 milljónir króna um mitt síðasta ár en 623
milljónir króna lok júní 2012. Vaxtatekjur bankans
jukust úr því að vera neikvæðar um 45 milljónir
króna í að vera jákvæðar um 851 milljón króna á
sama tímabili.
Afskriftir bankans af útlánum voru umfram
rekstraráætlanir, eða 254 milljónir króna.
Níu mánaða uppgjör kynnt í næstu viku
Stjórn Sameinaða lífeyrissjóðs-
ins ákvað í gær að gera breyt-
ingar á lánareglum sjóðsins sem
fela í sér að hámarkslán til sjóðs-
félaga hans verður framvegis 40
milljónir króna. Áður var ekki
skilgreint hámark á sjóðsfélaga-
lánum. Auk
þess var ákveð-
ið að setja sér-
stakar reglur
um meðferð
lánaumsókna
þegar aðilar
sem tengjast
sjóðnum eiga í
hlut.
Tilefni þess-
ara breytinga
er umfjöllun DV um 100 milljóna
króna lán sjóðsins til Sævars
Jónssonar og Helgu Daníels dóttur,
eiganda skartgripaverslunar-
innar Leonard, með veði í fast-
eign þeirra. Bróðir Sævars er
skrifstofustjóri hjá Sameinaða
lífeyrissjóðnum. Í tilkynningu
frá Kristjáni Erni Sigurðarsyni,
framkvæmdastjóra sjóðsins, sem
birtist á vef sjóðsins í gær er
haft eftir honum að „viðkomandi
starfsmaður hafði engin afskipti
af afgreiðslu þessa máls á sínum
tíma. Þá upplýsti ég einnig að
umræddir lántakendur voru sjóðs-
félagar þegar lánið var veitt“. - þsj
Sameinaði lífeyrissjóðurinn:
40 milljóna
hámarkslán
SÆVAR JÓNSSON
KAUPAUKAKERFI útfærsla kaupauka-
kerfisins sem eignarhluturinn á að
mynda stofn að liggur ekki fyrir. Steinþór
Pálsson er bankastjóri Landsbankans.
FRÉTTABLAÐIÐ/PJETUR
Vísitala leiguverðs á höfuð-
borgar svæðinu lækkaði um 0,3%
í október. Samanlagt hefur leigu-
verð hækkað um 18,4% frá upp-
hafi síðasta árs en heldur hefur
hægst á þeirri þróun síðustu vik-
urnar.
Þjóðskrá Íslands hefur tekið
vísitölu leiguverðs á höfuðborgar-
svæðinu saman síðan í byrjun árs
2011. Á því ári hækkaði leiguverð
um alls 11% en á þessu ári hefur
það hækkað um 6,7%. Megnið
af þeirri hækkun varð í vor og
sumar en í haust hefur leiguverð
þvert á móti lækkað lítillega. - mþl
Hægst á hækkun leiguverðs:
Vísitala leigu-
verðs lækkaði
Áframhaldandi óvissa um aðgerðir
ríkisstjórnarinnar til að bregðast
við vanda Íbúðalánasjóðs gæti
skaðað sjóðinn. Þetta sagði Sigurð-
ur Erlingsson, framkvæmdastjóri
sjóðsins, í kvöldfréttum Stöðvar 2
í gær.
Vinnuhópur á vegum fjármála-
ráðuneytisins hefur haft málefni
Íbúðalánasjóðs til skoðunar. Hóp-
urinn átti að skila af sér tillögum
um síðustu mánaðamót en það
hefur dregist.
Ljóst er að Íbúðalánasjóður þarf
tólf til fjórtán milljarða úr ríkis-
sjóði til að ná lögbundnu eiginfjár-
hlutfalli en sjóðurinn hefur ekki
uppfyllt það síðan 2008. - mþl
Starf vinnuhóps dregist:
Óvissa skaðar
Íbúðalánasjóð Rekstur bankans
hefur gengið samkvæmt
áætlun og jafnvel gott
betur.
Sigurður Atli Jónsson
forstjóri MP banka
119
milljónir króna
er hagnaður MP
banka á fyrstu sex
mánuðum þessa
árs.
0,3%
er hækkun
eignarhlutar
starfsmanna
á árinu