Fréttablaðið - 22.11.2012, Blaðsíða 60

22. nóvember 2012 FIMMTUDAGUR| MENNING LÍFSSTÍLL | 52
? Ég er 18 ára stúlka og hef aldrei verið í sambandi. Hins
vegar hugsa ég mjög oft um kyn-
líf og/eða dagdreymi um það.
Einnig hef ég lesið mér mikið til
um kynlíf og allt sem því fylgir
og bíð oft spennt eftir að lesa
þínar greinar, sem eru í algjöru
samræmi við allt sem ég hef lesið.
Eins og ég nefndi áðan hef ég
aldrei verið í sambandi en miðað
við það litla sem ég hef upplifað
og gert sjálf, varð ég mjög vör
um sjálfa mig og mína kynhvöt.
Núna hugsa ég nærri því stans-
laust um kynlíf og hvenær ég
gæti haft tíma til að stunda sjálfs-
fróun (og geri það reglulega).
Mín spurning er: Þegar maður
stundar sjálfsfróun, kannski oftar
en einu sinni á klukkutíma, gerist
eitthvað annað en bara líkamleg
þreyta? Ég hef lesið á netinu að
maður gæti misst kaloríur á því
að stunda sjálfsfróun, ætti það að
hafa einhver áhrif á þyngd mína
eða hvort að ég léttist? Allt sem
ég veit um kynlíf hef ég fundið
sjálf á netinu, kynlífsfræðsla í
grunnskólanum mínum var ekki
mjög mikil og man ég lítið eftir
henni.
● ● ●
SVAR Þegar stórt er spurt, er
margt um svör! Það er fullkom-
lega eðlilegt að vera forvitin um
kynlíf og að hugsa um það. Þú
þarft ekkert að hafa verið í sam-
bandi eða stunda kynlíf með ein-
hverjum öðrum til að geta notið
þess og langað í meira. Við eigum
endalaust inni af fullnægingum
en ég myndi passa að hlusta á
píkuna og ef hún er orðin þreytt
(eða höndin) þá getur verið gott að
gera smá hlé. Það er samt frábært
að þú skulir stunda sjálfsfróun og
þar mættu fleiri konur taka þig
sér til fyrirmyndar því þetta er
kjörin leið til að læra á eigin lík-
ama og svala kynlífslöngun. Þetta
er einnig lærdómur sem kemur
sér vel fyrir þig ef þú stundar
kynlíf með öðrum síðar.
Það eru til ýmsar tilgátur um
brennslu hitaeininga í kynlífi en
nú þekki ég það ekki nægilega
vel til að tjá mig um það. Ef þú
ert að pæla í þessu sem einhvers
konar brennslu þá gætirðu eflaust
haft púlsmæli og reynt frumlegar
stellingar og ákveðinn hamagang
við fróunina. Eða farið fyrst að
hreyfa þig og verðlaunað eftir á
með smá kósístund í róleg heitum.
Sjálfsfróun er frábær leið til
slaka á, fá hamingjuhormón til að
streyma um líkamann og jafnvel
slá á verki eins og höfuðverk eða
vegna blæðinga. Njóttu þess að
veita sjálfri þér unað og fræðast
um kynlíf. Sambönd og allt það
kemur svo bara seinna.
Sjálfsfróun góð
leið til slökunar
GÓÐ SLÖKUN Sjálfsfróun er frábær leið til að slaka á. Sjálfsfróun er einnig kjörin leið
til að læra á eigin líkama. NORDICPHOTOS/GETTY
KYNLÍF TAKTU ÞÁTT!
Sendu Siggu Dögg póst og
segðu henni frá vandamáli
úr bólinu. Lausnin gæti
birst í Fréttablaðinu.
kynlif@frettabladid.is
„Fyrstu heimsóknirnar verða núna
um helgina svo þeir eru byrjaðir
að detta niður úr Esjunni,“ segir
Bendt Harðarson, umboðs maður
jólasveinanna og einn eigenda
Jólasveinaþjónustunnar Skyrgáms.
Bendt segir bræðurna þrettán
afar upptekna á þessum tíma árs
en aðspurður segir hann Skyrgám
gera út yfir 300 jólasveina hver jól.
„Heimsóknirnar eru færri þar sem
þeir fara stundum nokkrir saman,“
segir hann. Aðfangadagur er
þeirra annasamasti dagur og fóru
Skyrgámur og félagar til að mynda
á 60 staði þann 24. desember 2011.
„Þetta er strembinn dagur og jóla-
sveinarnir rétt ná heim í jólamat-
inn en þetta er jafnframt skemmti-
legasti dagur ársins,“ segir Bendt.
Jólasveinaþjónusta Skyrgáms
hefur verið í samstarfi við jóla-
sveinana í fimmtán ár og er því
orðin sjóuð í bransanum.
Félagarnir Magnús Ólafsson og
Þorgeir Ástvaldsson eru einnig sjó-
aðir í jólasveinabransanum, enda
hafa þeir verið viðloðandi hann frá
árinu 1981. „Við urðum góðir vinir
Hurðaskellis og Stúfs þá og höfum
lent í ýmsum ævintýrum með þeim
síðan,“ segir Magnús og vill meina
að börnin hafi ekki breyst mikið
í gegnum árin en jólaböllin og
hugarfar foreldranna hafi breyst
meira. „Börnin eru alltaf jafn
skemmtileg, en áður fyrr var mikið
um risastór jólaböll. Metnaðurinn
fyrir þeim virðist hafa minnkað,“
segir Magnús. Þeir félagar fara um
hvippinn og hvappinn á hverju ári
til að skemmta börnum og alltaf
hafa þeir nikkuna með í för. „Þetta
er samt erfitt. Eitt árið ákváðum
við að bæta fugladansinum inn í
prógrammið. Mér fannst það stór-
góð hugmynd þar til ég þurfti að
framkvæma hana. Þorgeir slapp
vel því hann stóð uppi á sviði með
nikkuna á meðan ég var dansandi
úti í sal. Svo vorum við jafnvel
með nokkur böll í röð. Ég var alveg
búinn á því eftir slíka daga, enda
ekkert venjulega þungur,“ rifjar
Magnús upp og hlær. „En það er
svo gaman að skemmta börnunum.
Þó þau togi í skeggið og klípi mann.
Maður klípur þau þá bara til baka,“
bætir hann við.
tinnaros@frettabladid.is
Jólasveinarnir á fullu í desember
Nokkrir þeirra rauðklæddu eru þegar komnir til byggða og undirbúa sig nú í óðaönn fyrir annasamasta tíma ársins. Aðfangadagur er
þeim strembnastur en jafnframt skemmtilegasti dagur ársins að sögn umboðsmanns þeirra, Bendts Harðarsonar.
Skoski fatahönnuðurinn Christ-
opher Kane er sagður vera nýr
yfirhönnuður franska tískuhússins
Balenciaga. Þar með tekur hann við
keflinu af Nicolas Ghesquiere, sem
hætti snögglega fyrr í mánuðinum.
Hvorki tískuhúsið né Kane vilja
staðfesta orðróminn sem geng-
ur um netheima en búist er við
að Kane hefji störf 1.
desember. Hann hefur
áður haft umsjón með
dótturmerki Versace,
Versus, en síðastlið-
in fimm ár hefur
K a ne h a n n -
að undir eigin
nafni við góðan
orðstír. Hann
er þekktur fyrir
að fara óhefð-
bundnar leiðir
í lita- og efna-
vali en fatalínur
hans hafa vakið
mikla athygli
tískumiðla.
Þannig smell-
passar hann inn í
Balenciaga-tísku húsið
þar sem hefð hefur
skapast fyrir óhefð-
bundnum leiðum í fata-
hönnun.
Miklar mannabreyt-
ingar hafa verið und-
anfarið hjá stóru tísku-
húsunum. Hedi Slimane
fór til YSL, sem nú heit-
ir Saint Laurent og Raf
Simons fór til Dior.
Sagður taka
við Balenciaga
VILL EKKI STAÐFESTA Margir tísku-
miðlar segja að Christopher Kane sé
næsti yfirhönnuður Balenciaga.
Frá því að jólasveinaþjónusta Skyrgáms hóf starfsemi sína árið 1997
hafa jólasveinarnir alltaf gefið 20% af veltu jólasveinaheimsóknanna
til Hjálparstarfs kirkjunnar. Árlega er um talsverða summu að ræða og
á þessum fimmtán árum hafa þeir gefið yfir sex milljónir. „Fyrst var
peningurinn eyrnamerktur börnum í Mósambík og Indlandi en núna
fer hluti hans í hjálparstarf hérna á Íslandi líka,“ segir Bendt Harðarson.
Jóla sveinarnir kíkja við á skrifstofu Hjálparstarfsins árlega og afhenda
peninginn persónulega áður en þeir halda aftur upp í Esju.
Yfir sex milljónir gefnar til hjálparstarfs
LENGI AÐ Þeir Magnús og Þorgeir hafa
þekkt Hurðaskelli og Stúf í rúm þrjátíu
ár og skemmta sér alltaf mjög vel með
þeim. MYND/ÚR EINKASAFNI
GÓÐHJARTAÐIR Skyrgámur styrkir Hjálparstarf kirkjunnar. Grýla og Skyrgámur afhenda
hér Jónasi Þóri Þórissyni, framkvæmdastjóra Hjálparstarfsins, styrk. MYND/ÚR EINKASAFNI
HANDTEKNIR Hurðaskellir og Stúfur
náðu að gefa Alberti Guðmundssyni
alþingismanni epli áður en Hurðaskellir
var handtekinn og Stúfur komst undan
á hlaupum. MYND/FRIÐÞJÓFUR HELGASON